កសាងជួរកម្មាភិបាលវ័យក្មេងនៃសហភាពបណ្តាអង្គការមិត្តភាពវៀតណាមប្រកបដោយវីរភាពនិងភាពសកម្ម

ក្នុងរយៈពេល ៦ ខែដើមឆ្នាំ ២០២៦ សហភាពយុវជននៃសហភាពបណ្តាអង្គការមិត្តភាពវៀតណាមបានបន្តដើរតាមយ៉ាងជិតស្និទ្ធនូវភារកិច្ចនយោបាយរបស់ស្ថាប័ន ដាក់ឱ្យដំណើរការអនុវត្តប្រកបដោយប្រសិទ្ធភាពនូវប្រធានបទការងារប្រចាំឆ្នាំ «ផ្លាស់ប្តូរថ្មីយ៉ាងខ្លាំងក្លានូវវិធីសាស្ត្រសកម្មភាពរបស់សហភាពយុវជន»។ បណ្តាសកម្មភាពត្រូវបានផ្លាស់ប្តូរថ្មីតាមទិសដៅផ្សារភ្ជាប់ជាមួយនិងជំនាញឯកទេស ការផ្លាស់ប្តូរឌីជីថលនិងការងារកិច្ចការបរទេសប្រជាជន រួមចំណែកលើកកម្ពស់ភាពរឹងមាំខាងនយោបាយ សមត្ថភាពជំនាញឯកទេសព្រមទាំងពង្រីកតួនាទីឈានមុខរបស់សមាជិកសហភាពយុវជននិងយុវជន។

សន្និសីទបូកសរុបការងារសហភាពយុវជននិងចលនាយុវជនក្នុងរយៈពេល ៦ ខែដើមឆ្នាំ ព្រមទាំងទិសដៅភារកិច្ចគន្លឹះក្នុងរយៈពេល ៦ ខែចុងឆ្នាំ ២០២៦។

ចំណុចលេចធ្លោនៃការងារសហភាពយុវជនក្នុងរយៈពេលកន្លងមកនេះគឺការចាត់តាំងវេទិកា «យុវជនរណសិរ្សមាតុភូមិនិងបណ្តាអង្គការមហាជនមជ្ឈិមអំពីការងារកិច្ចការបរទេសប្រជាជននិងការធ្វើសមាហរណកម្មអន្តរជាតិក្នុងយុគសម័យថ្មី» រួមជាមួយនិងសកម្មភាពបំប៉នជំនាញឌីជីថល ភាសាបរទេសព្រមទាំងវិជ្ជាជីវៈកិច្ចការបរទេសជាច្រើនទៀត។

បណ្តាចលនាដូចជា «យុវជនស្ម័គ្រចិត្ត» «យុវជនច្នៃប្រឌិត» «យុវជនឈានមុខការពារមាតុភូមិ»... សកម្មភាពស្ម័គ្រចិត្ត ការផ្លាស់ប្តូរអន្តរជាតិនិងគំនិតផ្តួចផ្តើមផ្លាស់ប្តូរឌីជីថលត្រូវបានដាក់ឱ្យដំណើរការអនុវត្តតាមទិសដៅផ្សារភ្ជាប់ជាមួយនិងភារកិច្ចជំនាញឯកទេស ឈានទៅរកការលើកកម្ពស់គុណភាពសកម្មភាពសហភាពយុវជននិងកសាងជួរកម្មាភិបាលវ័យក្មេងឆ្លើយតបទៅនឹងតម្រូវការក្នុងដំណាក់កាលថ្មីពីមួយជំហានទៅមួយជំហាន។

ជាមួយនិងរាល់ការខិតខំប្រឹងប្រែងព្រមទាំងលទ្ធផលសម្រេចបានទាំងឡាយ សហភាពយុវជននៃសហភាពបណ្តាអង្គការមិត្តភាពវៀតណាមត្រូវបានសហភាពយុវជននៃរណសិរ្សមាតុភូមិនិងបណ្តាអង្គការមហាជនមជ្ឈិមប្រគល់ជូន៖ ប័ណ្ណសរសើរជូនចំពោះសមូហភាពដែលមានស្នាដៃឆ្នើមនៅក្នុងខែយុវជន។ លោកស្រី Pham My Le សមាជិកាគណៈកម្មាធិការប្រតិបត្តិនៃសហភាពយុវជនរណសិរ្សមាតុភូមិនិងបណ្តាអង្គការមហាជនមជ្ឈិមជាលេខាសហភាពយុវជននៃសហភាពបណ្តាអង្គការមិត្តភាពវៀតណាមត្រូវបានប្រគល់ជូនប័ណ្ណសរសើរដោយសារមានស្នាដៃឆ្នើមនៅក្នុងការដឹកនាំចាត់តាំងនិងដាក់ឱ្យដំណើរការអនុវត្តការងារសហភាពយុវជននៃខែយុវជន ព្រមទាំងសមាជិកសហភាពយុវជនចំនួន ០៥ រូបត្រូវបានប្រគល់ជូនប័ណ្ណសរសើរដោយសារមានស្នាដៃឆ្នើមនិងសកម្មភាពសកម្ម។

ប្រធានសហភាពបណ្តាអង្គការមិត្តភាពវៀតណាមលោក Phan Anh Son ថ្លែងមតិដឹកនាំសន្និសីទ។

ក្នុងបណ្តាខែចុងឆ្នាំ ២០២៦ សហភាពយុវជននៃសហភាពបណ្តាអង្គការមិត្តភាពវៀតណាមបានកំណត់បន្តផ្លាស់ប្តូរថ្មីយ៉ាងខ្លាំងក្លានូវខ្លឹមសារនិងវិធីសាស្ត្រសកម្មភាពតាមទិសដៅផ្សារភ្ជាប់ជាមួយនិងភារកិច្ចនយោបាយរបស់ស្ថាប័ន ជំរុញបណ្តាវេទិកានិងកិច្ចសន្ទនាឯកទេសអំពីកិច្ចការបរទេសប្រជាជនព្រមទាំងការធ្វើសមាហរណកម្មអន្តរជាតិ លើកកម្ពស់គុណភាពនៃការងារអប់រំនយោបាយ ការបំប៉នសមាជិកសហភាពយុវជនឆ្នើមព្រមទាំងពង្រីកតួនាទីឈានមុខរបស់យុវជននៅក្នុងការផ្លាស់ប្តូរឌីជីថល ការស្រាវជ្រាវ ការសិក្សារៀនសូត្រនិងការអនុវត្តភារកិច្ចជំនាញឯកទេស។

ថ្លែងមតិដឹកនាំសន្និសីទ លោក Phan Anh Son ប្រធានសហភាពបណ្តាអង្គការមិត្តភាពវៀតណាមបានតម្រូវឱ្យការងារសហភាពយុវជនត្រូវតែបន្តផ្លាស់ប្តូរថ្មីតាមទិសដៅជាក់ស្តែងនិងមានប្រសិទ្ធភាព ចៀសវាងទម្រង់ការ បណ្តាសកម្មភាពគឺត្រូវផ្សារភ្ជាប់យ៉ាងជិតស្និទ្ធជាមួយនិងភារកិច្ចនយោបាយ ជំនាញឯកទេសព្រមទាំងបង្កើតបាននូវរាល់លទ្ធផលជាក់ស្តែង។

យោងតាមលោក Phan Anh Son សមាជិកសហភាពយុវជននិងយុវជនម្នាក់ៗត្រូវយកចិត្តទុកដាក់លើការហ្វឹកហាត់ភាពរឹងមាំខាងនយោបាយ ដុសខាត់ចំណេះដឹងជំនាញឯកទេស កសាងស្មារតីវិន័យព្រមទាំងរក្សាស្មារតីសិក្សារៀនសូត្រពេញមួយជីវិត។ កម្មាភិបាលវ័យក្មេងត្រូវម្ចាស់ការជម្នះការលំបាក មិនញញើតចំពោះការសាកល្បង មិនឈប់ឈរសម្រេចបាននូវភាពល្អឥតខ្ចោះសម្រាប់ខ្លួនឯងដើម្បីឆ្លើយតបទៅនឹងតម្រូវការកាន់តែខ្ពស់នៃការងារកិច្ចការបរទេសប្រជាជន។

យុវជននៃសហភាពបណ្តាអង្គការមិត្តភាពវៀតណាមត្រូវម្ចាស់ការធ្វើជាម្ចាស់បច្ចេកវិទ្យា អនុវត្តប្រកបដោយប្រសិទ្ធភាពនូវបញ្ញាសិប្បនិម្មិតដើម្បីលើកកម្ពស់ផលិតភាពនិងគុណភាពការងារ ប៉ុន្តែមិនត្រូវទុកឱ្យបច្ចេកវិទ្យាមកជំនួសការគិតដោយឯករាជ្យឡើយ។ តាមរយៈនោះ ឈានទៅរកការកសាងជួរកម្មាភិបាលវ័យក្មេងនៃសហភាពបណ្តាអង្គការមិត្តភាពវៀតណាមដែលមានភាពរឹងមាំ ចំណេះដឹង វិន័យព្រមទាំងសមត្ថភាពសម្របសម្រួលទៅនឹងតម្រូវការនៃយុគសម័យថ្មីពីមួយជំហានទៅមួយជំហាន។

នៅក្នុងសន្និសីទ គណៈចាត់តាំងបានប្រគល់ប័ណ្ណសរសើរជូនចំពោះបណ្តាសមូហភាពនិងបុគ្គលដែលមានស្នាដៃឆ្នើមនៅក្នុងខែយុវជនឆ្នាំ ២០២៦ ព្រមទាំងលើកសរសើរនិងប្រគល់រង្វាន់ជូនចំពោះបណ្តាសមាជិកសហភាពយុវជនដែលមានស្នាដៃលេចធ្លោនៅក្នុងកម្មវិធីរត់ប្រណាំង Run for Youth 95៕

គណៈចាត់តាំងប្រគល់ប័ណ្ណសរសើររបស់សហភាពយុវជននៃរណសិរ្សមាតុភូមិនិងបណ្តាអង្គការមហាជនមជ្ឈិមជូនចំពោះបុគ្គលទាំងឡាយដែលមានស្នាដៃឆ្នើមនិងសកម្មភាពសកម្ម។

គណៈចាត់តាំងប្រគល់រង្វាន់ជូនចំពោះបណ្តាសមាជិកសហភាពយុវជនដែលមានស្នាដៃលេចធ្លោនៅក្នុងកម្មវិធីរត់ប្រណាំង Run for Youth 95។

វៀតណាម - កម្ពុជា បង្កើនការតភ្ជាប់ជំនាន់វ័យក្មេង សហគ្រាស និងមូលដ្ឋាន យុគសម័យ - នាថ្ងៃទី ២៥ ខែឧសភា នៅទីក្រុង Ho Chi Minh សមាគមមិត្តភាព វៀតណាម - កម្ពុជា និងសមាគមមិត្តភាព កម្ពុជា - វៀតណាម បានរៀបចំសន្និសីទរួមគ្នាលើកទី IV។ ការតភ្ជាប់យុវជន ការគាំទ្រនិស្សិតកំពុងសិក្សានៅបរទេស កិច្ចសហប្រតិបត្តិការសហគ្រាស និងការដោះដូររវាងមូលដ្ឋាននិងមូលដ្ឋាន គឺជាបណ្ដាខ្លឹមសារដែលទទួលបានការយកចិត្តទុកដាក់យ៉ាងខ្លាំងពីសំណាក់តំណាងជាច្រើនរូប។

តំណាងដែលមានវ័យចាស់ជាងគេ និងវ័យក្មេងជាងគេ ផ្ញើនូវក្តីសង្ឃឹមចំពោះមហាសន្និបាតរណសិរ្សមាតុភូមិវៀតណាម យុគសម័យ - មហាសន្និបាតតំណាងទូទាំងប្រទេសនៃរណសិរ្សមាតុភូមិវៀតណាម (MTTQ) លើកទី XI អាណត្តិ ២០២៦-២០៣១ នឹងប្រព្រឹត្តទៅចាប់ពីថ្ងៃទី ១១ ដល់ថ្ងៃទី ១៣ ខែឧសភា នៅទីក្រុងហាណូយ ដោយមានការអញ្ជើញចូលរួមពីតំណាងជាង ១.៣០០ រូប។ ក្នុងចំណោមនោះ លោកឧត្តមសេនីយ៍ត្រី Vo So វ័យ ៩៧ ឆ្នាំ និងកញ្ញា ...

ឌឹកអាញ់

thoidai.com.vn