យុគសម័យ - ក្នុងនាមជាប្រទេសជិតខាង ដែលមានទំនាក់ទំនងជិតស្និទ្ធនិងមិត្តភាពជាប្រពៃណី ភាគីទាំងពីរបានខិតខំសម្របសម្រួលនិងជួយគាំទ្រគ្នាទៅវិញទៅមក ដើម្បីទប់ស្កាត់នឹងរោគរាតត្បាត។
បច្ចុប្បន្នពិភពលោកទាំងមូលកំពុងប្រឈមនឹងរោគរាតត្បាតកូវីដ ១៩ ដែលជាជំងឺរាតត្បាតដ៏កាចសាហាវបំផុតមួយនៅក្នុងប្រវត្តិសាស្ត្រមនុស្ស។ ជំងឺនេះមិនត្រឹមតែជះឥទ្ធិពលដល់វិស័យសុខាភិបាលប៉ុណ្ណោះទេ ប៉ុន្តែវាក៏ជះឥទ្ធិពលយ៉ាងជ្រាលជ្រៅជាទូទៅនិងនៅគ្រប់កំរិត គ្រប់ផ្នែកទាំង នៃជីវិតនយោបាយ សេដ្ឋកិច្ចសង្គម ក៏ដូចជាកិច្ចការបរទេសផងដែរ។ ដោយពាក្យស្លោក “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយនិងស្ថិរភាពយូរអង្វែង "វៀតណាមនិងកម្ពុជាបាននិងកំពុងរួមគ្នា ដើម្បីបង្ការនិងទប់ស្កាត់នឹងជំងឺកូវីដ ១៩ ។
អ្នកយកព័ត៌មាននៃវិទ្យុសម្លេងវៀតណាមប្រចាំនៅព្រះរាជាណាចក្រកម្ពុជា បានធ្វើបទសម្ភាសជាមួយ លោក Vu Quang Minh ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋសង្គមនិយមវៀតណាមប្រចាំនៅព្រះរាជាណាចក្រកម្ពុជា។
 |
| លោកឯកអគ្គរដ្ឋទូត Vu Quang Minh (ឆ្វេង) តំណាងឱ្យរដ្ឋាភិបាលវៀតណាមប្រគល់ឧបករណ៍វេជ្ជសាស្ត្រដល់សមាគមកាកបាទក្រហមកម្ពុជា។ |
អ្នកយកព័ត៌មាន៖ ជំងឺរាតត្បាតកូវីដ ១៩ កំពុងជះឥទ្ធិពលដល់គ្រប់វិស័យ ទាំងអស់នៃជីវិតនយោបាយ សេដ្ឋកិច្ចនិងសង្គម ក៏ដូចជាកិច្ចការបរទេស។ តើលោកទូតអាចនិយាយឲ្យយើងដឹងថា តើវៀតណាមនិងកម្ពុជាបានធ្វើអ្វីរួមជាមួយគ្នា ដើម្បីបង្ការនិងទប់ស្កាត់នឹងជំងឺកូវីដ ១៩ នេះ?
លោកឯកអគ្គរដ្ឋទូត Vu Quang Minh ៖ ក្នុងរយៈពេលកន្លងមកថ្មីនេះការរីករាលដាលនៃជំងឺនេះ បានបង្កការលំបាកនិងបញ្ហាប្រឈមជាច្រើនសម្រាប់ប្រទេសទាំងអស់ នៅលើពិភពលោក រួមទាំងវៀតណាមនិងកម្ពុជា។ ក្នុងនាមជាប្រទេសជិតខាងទាំងពីរដែលមានទំនាក់ទំនងជិតស្និទ្ធនិងមិត្តភាពជាប្រពៃណី យើងបានខិតខំប្រឹងប្រែងសម្របសម្រួលរាល់សកម្មភាពនិងជួយគាំទ្រគ្នាទៅវិញទៅមក ក្នុងការដោះស្រាយការរីករាលដាលនៃជំងឺនេះខណៈពេលដែលនៅតែបន្តរក្សាសកម្មភាពសហប្រតិបត្តិការប្រកបដោយប្រសិទ្ធភាព នៅក្នុងវិស័យជាច្រើន ជាពិសេសសេដ្ឋកិច្ចនិងពាណិជ្ជកម្ម។
ដោយស្មារតីគាំទ្រគ្នាទៅវិញទៅ ក្នុងគ្រាលំបាក ចាប់ពីថ្ងៃដំបូងនៃការរាតត្បាតប្រទេសវៀតណាមបានបញ្ជូនឧបករណ៍វេជ្ជសាស្ត្រនិងឧបករណ៍ធ្វើតេស្តរកឃើញជំងឺនេះ ដែលវៀតណាមផលិតបានជោគជ័យ ក៏ដូចជាសម្ភារៈពេទ្យចាំបាច់មួយចំនួន ដូចជា ម៉ាស់ ទឹកអាកុល ដើម្បីគាំទ្រប្រទេសកម្ពុជា។
មិនត្រឹមតែស្ថាប័នរដ្ឋរបស់វៀតណាមទេដែលបានគាំទ្រទេ ថែមទាំងអង្គការមិត្តភាព កាកបាទក្រហម ក្រសួង ផ្នែកនានា និងខេត្តជាប់ព្រំដែននិងខេត្តបានចងសម្ព័ន្ធមេត្រីភាពជាមួយបណ្តាខេត្តនៃប្រទេសកម្ពជា ... បានបរិច្ចាគឬដកថវិកា ដើម្បីបញ្ជូនសម្ភារៈពេទ្យជួយដល់មូលដ្ឋាន ក្រសួង សាខានិងប្រជាជនកម្ពុជា។ យើងក៏មានការដឹកជញ្ជូនជាច្រើនផងដែរ ដើម្បីគាំទ្រសហគមន៍ប្រជាជនមានដើមវៀតណាមដែលជួបការលំបាក ដោយសារការរីករាលដាលនៃជំងឺនេះ រួមមាន សម្ភារៈពេទ្យនិងគ្រឿងឧបភោគបរិភោគ អង្ករ មី...ជាដើម។ ន
ស្ថាប័នសុខភិបាលនិងបង្ការនឹងជំងឺរាតត្បាតនៃប្រទេសទាំងពីរក៏បានសហការគ្នាយ៉ាងជិតស្និទ្ធ ដើម្បីផ្លាស់ប្តូរព័ត៌មាន និងផ្តល់យោបល់អំពីរបៀបព្យាបាលនៅពេលដែលជនជាតិវៀតណាមធ្វើដំណើរ តាមនាវាទេសចរណ៍ឆ្លងកាត់ព្រំដែនដែលផ្ទុកវីរុស Sar-Cov 2 ជាលើកដំបូងកាលពីឆ្នាំមុន។
 |
| ប្រជាជនកម្ពុជាមានដើមកំណើតវៀតណាមនិងប្រជាជនកម្ពុជាដែលស្ថិតក្នុងស្ថានភាពលំបាកបានរីករាយ នៅពេលដែលទទួលអំណោយគាំទ្រប្រឆាំងនឹងជំងឺកូវីដ ១៩ ។ |
អ្នកយកព័ត៌មាន៖អាចនិយាយបានថា ចាប់តាំងពីការផ្ទុះឡើងនៃជំងឺកូវីដ ១៩ បានកើតឡើង ប្រទេសទាំងពីរបានប្រកាន់ជំហររួមគ្នាប្រឆាំងនឹង“ សត្រូវរួម” ។ តើលោកទូតវាយតម្លៃនូវសមិទ្ធិផលដែលប្រទេសទាំងពីរសម្រេចបានក្នុងរយៈពេលកន្លងមកថ្មីៗ នេះយ៉ាងដូចម្តេច?
លោកឯកអគ្គរដ្ឋទូត Vu Quang Minh៖ ជោគជ័យដ៏សំខាន់មួយក្នុងរយៈពេលកន្លងមកថ្មីនេះគឺថា ប្រទេសទាំង ២ បានព្រមព្រៀងគ្នាលើយន្តការ ច្នៃប្រឌិតមួយ ដើម្បីធានាការពារការឆ្លងរាលដាលតាមបណ្តោយខ្សែព្រំដែន។ ម្យ៉ាងទៀត ធានាការនាំចេញ នាំចូល និងការផ្លាស់ប្តូរពាណិជ្ជកម្មរវាងប្រទេសទាំងពីរ រួមមានទាំង ការផ្លាស់ប្តូរពាណិជ្ជកម្មតាមព្រំដែននិងផ្លូវការដែលអនុញ្ញាតឱ្យទំនិញបន្តផ្លាស់ប្តូរដោយសេរីរវាងប្រទេសទាំងពីរ។
ចំណុចលេចធ្លោមួយទៀតគឺប្រទេសយើងទាំងពីរបានសម្របសម្រួលគ្នាយ៉ាងល្អក្នុងការរៀបចំនិងជួយគាំទ្រនិស្សិតមកពីប្រទេសទាំងពីរឱ្យវិលត្រឡប់ទៅសិក្សាឡើងវិញ រួមទាំងការធ្វើតេស្តនិងអនុវត្តវិធានការធ្វើចត្តាឡីស័កដែលមានសុវត្ថិភាពនិងប្រសិទ្ធភាព។ ខ្ញុំសូមថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាលកម្ពុជាដែលបានអនុវត្តវិធានការធ្វើចត្តាឡីស័កសម្រាប់និស្សិតវៀតណាមចំនួន ៦០ នាក់ ដោយឥតគិតថ្លៃដែលបានឆ្លងដែននិងចូលប្រទេសកម្ពុជា កាលពីសប្តាហ៍មុនហើយត្រូវបានគេដាក់ឱ្យនៅដាច់ដោយឡែកនៅសណ្ឋាគារលំដាប់ផ្កាយ ៣មួយ ដូច្នេះគុណភាពនៃការស្នាក់នៅគឺល្អណាស់។ និស្សិតកម្ពុជាជាងមួយរយនាក់ក៏បានឆ្លងដែននិងចូលប្រទេសវៀតណាមដើម្បីត្រៀមខ្លួននិងវិលត្រឡប់បន្តការសិក្សាឡើងវិញ។
ថ្មីៗនេះ ក្នុងជំនួបរវាងនាយករដ្ឋមន្ត្រីនៃប្រទេសកម្ពុជាឡាវនិងវៀតណាម តាមរយៈប្រព័ន្ធវីដេអូ ថ្នាក់ដឹកនាំទាំងបីបានឯកភាពគ្នាលើវិធានការណ៍រួមមួយចំនួន ដើម្បីជំរុញកិច្ចសហប្រតិបត្តិការនិងពង្រឹងការសម្របសម្រួល សំដៅប្រឆាំងនឹងការរីករាលដាល ដូចជាកិច្ចព្រមព្រៀងអំពីការចាក់វ៉ាក់សាំងសម្រាប់អ្នកការទូតនៃប្រទេសទាំងបី ដើម្បីលើកកម្ពស់ កិច្ចសហប្រតិបត្តិការតាមព្រំដែន រារាំងការឆ្លងដែននិងការគេចខ្លួនដោយខុសច្បាប់ ឬបើកជើងហោះហើរពាណិជ្ជកម្មឡើងវិញ។
 |
| និស្សិតកម្ពុជាបានបង្កើត លក្ខខណ្ឌងាយស្រួលសម្រាប់ការឆ្លងដែននិងចូលប្រទេសវៀតណាម ដើម្បីត្រៀមខ្លួនបន្តការសិក្សានៅប្រទេសវៀតណាម។ |
អ្នកយកព័ត៌មាន៖ យោងតាមលោកឯកអគ្គរដ្ឋទូត តើប្រទេសទាំងពីរត្រូវធ្វើអ្វី ដើម្បីជំរុញថែមទៀតនូវសមិទ្ធិផលដែលសម្រេចបាន ក្នុងរយៈពេលកន្លងមកថ្មីៗនេះ សំដៅលុបបំបាត់ការរីករាលដាលនៃជំងឺកូវីដ ១៩ នេះទេ?
លោកឯកអគ្គរដ្ឋទូត Vu Quang Minh ៖ ខ្ញុំមានបំណងប្រាថ្នាថា ស្ថាប័នមានសមត្ថកិច្ចនៃប្រទេសទាំងពីរសហការគ្នាឱ្យកាន់តែល្អប្រសើរថែមទៀតក្នុងការផ្លាស់ប្តូរព័ត៌មាន នៅពេលដែលរកឃើញថាអ្នកឆ្លងជំងឺកូវីដ ១៩ ពីប្រទេសវៀតណាមចូលប្រទេសកម្ពុជានិងផ្ទុយទៅវិញ ជាពិសេសជូនដំណឹងឱ្យបានទាន់ពេលវេលានិងគ្រប់គ្រាន់នូវការធ្វើដំណើរការ ការស្នាក់នៅ ការទាក់ទង ... ដើម្បីប្រទេសមិត្តជំរុញការរុករកនិងកណត់តំបន់ផ្ទុះឡើងជំងឺនេះដែលមានប្រសិទ្ធភាពបំផុត សំដៅប្រឆាំងនឹងរោគរាតត្បាត។
ប្រការសំខាន់មួយទៀ គឺប្រទេសទាំងពីរត្រូវពង្រឹងការសម្របសម្រួលនៃកិច្ចខិតខំប្រឹងប្រែងនិងសកម្មភាពរួម ដើម្បីទប់ស្កាត់បទឧក្រិដ្ឋឆ្លងព្រំដែនដែលឆ្លៀតយកស្ថានភាពរីករាលដាលនៃជំងឺកូវីដ ១៩ហើយត្រូវគ្រប់គ្រងខ្សែព្រំដែនរួមឱ្យបានល្អប្រសើរជាងមុន ដើម្បីកុំឱ្យបណ្តាញបញ្ជូនមនុស្សដែលឆ្លងដែនដោយខុសច្បាប់ ដែលអាចបង្កការឆ្លងមេរោគពីព្រោះពួកគេជៀសវាងអនុវត្តន៍វិធានការចត្តាឡីស័កឬរារាំងការជួញដូរមនុស្សពីប្រទេសវៀតណាមទៅធ្វើការដោយខុសច្បាប់នៅឯកន្លែងលេងល្បែងនិងកន្លែងស៊ីសង តាមអ៊ីនធឺណេតដោយខុសច្បាប់។
អ្នកយកព័ត៌មាន៖ សូមអរគុណលោកឯកអគ្គរដ្ឋទូត Vu Quang Minh ៕
VOV
មតិពីមិត្តអ្នកអាន