សាលារៀនចំនួន ៥៥ អនុវត្តគំរូការងារសង្គមកិច្ច និងការពិគ្រោះយោបល់ផ្លូវចិត្តក្នុងសាលារៀន

គម្រោងនេះកត់សម្គាល់ដំណាក់កាលកិច្ចសហប្រតិបត្តិការបន្ទាប់រវាង GNI និងក្រសួងអប់រំ និងបណ្តុះបណ្តាល ក្នុងការជំរុញការងារសង្គមកិច្ច និងការពិគ្រោះយោបល់ផ្លូវចិត្តក្នុងសាលារៀននៅវៀតណាម។

កាលពីមុន ចាប់តាំងពីឆ្នាំ ២០២២ ភាគីទាំងពីរបានសហការអនុវត្តសកម្មភាពសាកល្បងនៅតាមមូលដ្ឋានជាច្រើន សំដៅលើកកម្ពស់សមត្ថភាពគាំទ្រសិស្សានុសិស្ស ពង្រឹងតួនាទីរបស់ក្រុមកម្មាភិបាល លោកគ្រូអ្នកគ្រូ និងជំរុញការកសាងបរិយាកាសអប់រំប្រកបដោយសុវត្ថិភាព។ លទ្ធផលសម្រេចបានក្នុងដំណាក់កាលមុនៗ គឺជាមូលដ្ឋានគ្រឹះដើម្បីបន្តពង្រីកគំរូក្នុងដំណាក់កាល ២០២៦ - ២០២៧។

ក្នុងដំណាក់កាលថ្មី គម្រោងនឹងផ្តោតលើការពង្រីកគំរូការងារសង្គមកិច្ច និងការពិគ្រោះយោបល់ផ្លូវចិត្តនៅតាមសាលារៀនចំនួន ៥៥ ក្នុងរាជធានី Ha Noi ទីក្រុង Ho Chi Minh ខេត្ត Tuyen Quang ខេត្ត Phu Tho និងខេត្ត Thanh Hoa។

នាយកដ្ឋានកិច្ចការសិស្សានុសិស្ស និស្សិត នៃក្រសួងអប់រំ និងបណ្តុះបណ្តាល និងអង្គការ GNI វៀតណាម ប្រគល់កិច្ចព្រមព្រៀងសហប្រតិបត្តិការ។

ទន្ទឹមនឹងនោះ គម្រោងនឹងកសាងកម្រងឯកសារឌីជីថលណែនាំអំពីការបង្ការ អភិវឌ្ឍកម្មវិធីបង្ការនានាសំដៅលើកកម្ពស់ការយល់ដឹងអំពីសិទ្ធិកុមារ និងសមត្ថភាពការពារខ្លួនឯងសម្រាប់កុមារ ព្រមទាំងពង្រឹងការផ្សព្វផ្សាយដើម្បីលើកកម្ពស់ការយល់ដឹងរបស់សាលារៀន ក្រុមគ្រួសារ និងសហគមន៍ អំពីតួនាទីនៃការងារសង្គមកិច្ច និងការពិគ្រោះយោបល់ផ្លូវចិត្តក្នុងសាលារៀន។

ថ្លែងមតិនៅក្នុងពិធី តំណាងភាគីទាំងពីរបានអះអាងថា ការពង្រឹងកិច្ចសហប្រតិបត្តិការក្នុងវិស័យនេះ មិនត្រឹមតែរួមចំណែកលើកកម្ពស់គុណភាពនៃការគាំទ្រសិស្សានុសិស្សប៉ុណ្ណោះទេ ថែមទាំងជំរុញការអនុវត្តសិទ្ធិកុមារ បង្កើតលក្ខខណ្ឌឱ្យប្អូនៗបានសិក្សា និងអភិវឌ្ឍក្នុងបរិយាកាសប្រកបដោយសុវត្ថិភាព សមភាព និងគ្រប់ជ្រុងជ្រោយ។

លោក Nguyen Xuan An Viet អនុប្រធាននាយកដ្ឋានកិច្ចការសិស្សានុសិស្ស និស្សិត នៃក្រសួងអប់រំ និងបណ្តុះបណ្តាល បានកត់សម្គាល់ និងវាយតម្លៃខ្ពស់ចំពោះភាពម្ចាស់ការ ស្មារតីទទួលខុសត្រូវ និងភាពសកម្មរបស់អង្គការ GNI ប្រចាំនៅវៀតណាម ក្នុងដំណើរការសហប្រតិបត្តិការ អនុវត្តគម្រោង «អភិវឌ្ឍន៍ការងារសង្គមកិច្ច និងការពិគ្រោះយោបល់ផ្លូវចិត្តក្នុងសាលារៀន ដំណាក់កាល ២០២២-២០២៤»។

យោងតាមលោក គម្រោងដំណាក់កាល ២០២២-២០២៤ សម្រេចបាននូវលទ្ធផលគួរជាទីលើកទឹកចិត្តមួយចំនួន អាស្រ័យហេតុនោះ បានបោះជំហានដំបូងក្នុងការបង្កើតមូលដ្ឋានគ្រឹះសម្រាប់ការអភិវឌ្ឍនៃវិស័យការងារសង្គមកិច្ច និងការពិគ្រោះយោបល់ផ្លូវចិត្តក្នុងសាលារៀនរបស់ក្រសួងអប់រំ និងបណ្តុះបណ្តាល ក្នុងដំណាក់កាលបន្ទាប់។

លោក Nguyen Xuan An Viet បានឱ្យដឹងថា ក្នុងដំណាក់កាល ២០២៦-២០២៧ ក្រសួងអប់រំ និងបណ្តុះបណ្តាល និងអង្គការ GNI នឹងបន្តសហការអនុវត្តគម្រោង «អភិវឌ្ឍន៍ការងារសង្គមកិច្ច និងការពិគ្រោះយោបល់ផ្លូវចិត្តក្នុងសាលារៀន ដំណាក់កាល ២០២៦-២០២៧» ដោយរួមចំណែកលើកកម្ពស់គុណភាព និងប្រសិទ្ធភាពនៃសកម្មភាពពិគ្រោះយោបល់ និងគាំទ្រសិស្សានុសិស្សនៅតាមសាលារៀន។

លោក Nguyen Xuan An Viet ថ្លែងមតិនៅក្នុងពិធី។

សកម្មភាពសំខាន់ៗរួមមានការពង្រីកគំរូការងារសង្គមកិច្ច និងការពិគ្រោះយោបល់ផ្លូវចិត្តនៅតាមគ្រឹះស្ថានអប់រំនានា ការកសាង អភិវឌ្ឍកម្មវិធីបង្ការអំពីការងារសង្គមកិច្ច និងការពិគ្រោះយោបល់ផ្លូវចិត្ត ការផ្សព្វផ្សាយ លើកកម្ពស់ការយល់ដឹងអំពីការងារសង្គមកិច្ច និងការពិគ្រោះយោបល់ផ្លូវចិត្តក្នុងសាលារៀន។

លោក Cho Eun Seung ប្រធានតំណាងអង្គការ GNI បានឱ្យដឹងថាកុមារគឺជាអនាគត និងជាទ្រព្យសម្បត្តិដ៏មានតម្លៃបំផុតរបស់ប្រទេសនីមួយៗ។

យោងតាមលោក គម្រោងលើកនេះមិនត្រឹមតែផ្តោតលើការធ្វើអន្តរាគមន៍ គាំទ្របន្ទាប់ពីបញ្ហាបានកើតឡើងនោះឡើយ ប៉ុន្តែថែមទាំងឆ្ពោះទៅរកការជួយឱ្យកុមារទទួលបានការគាំទ្រចាំបាច់មុនពេលជួបប្រទះការលំបាក ព្រមទាំងបង្កើតលក្ខខណ្ឌឱ្យប្អូនៗបានសិក្សា និងរស់នៅក្នុងបរិយាកាសសាលារៀនប្រកបដោយភាពល្អប្រសើរ និងសុវត្ថិភាពជាងមុន។

«ខ្ញុំជឿជាក់ថា គម្រោងលើកនេះដែលក្រសួងអប់រំ និងបណ្តុះបណ្តាល និងអង្គការ Good Neighbors រួមគ្នាសហការអនុវត្ត មិនត្រឹមតែជាគម្រោងសាមញ្ញមួយប៉ុណ្ណោះទេ ប៉ុន្តែនេះក៏ជាភារកិច្ចគន្លឹះមួយសំដៅរួមគ្នាកសាងបរិយាកាសសាលារៀន និងប្រព័ន្ធគាំទ្រមួយដែលជួយឱ្យប្អូនៗអភិវឌ្ឍប្រកបដោយភាពល្អប្រសើរ និងគ្រប់ជ្រុងជ្រោយជាងមុន៕

បន្តជំរុញការស្វែងរក និងប្រមូលផ្តុំអដ្ឋិធាតុយុទ្ធជនពលីវៀតណាមដែលបានពលីជីវិតនៅប្រទេសឡាវ យុគសម័យ - រដូវប្រាំង ២០២៥ - ២០២៦ បណ្តាក្រុមប្រមូលផ្តុំរបស់ វៀតណាម បានស្វែងរក និងប្រមូលផ្តុំបានអដ្ឋិធាតុយុទ្ធជនពលីចំនួន ១៧៣ អដ្ឋិធាតុ នៃកងទ័ពស្ម័គ្រចិត្ត និងអ្នកជំនាញការវៀតណាម ដែលបានពលីជីវិតនៅ ឡាវ នាបណ្តាសម័យកាលសង្គ្រាម។

ទីក្រុង Ho Chi Minh រៀបចំកម្មវិធីដើរថ្មើរជើង ដើម្បីជនរងគ្រោះដោយសារជាតិពុលពណ៌លឿងស្វាយ យុគសម័យ - ព្រឹកថ្ងៃទី ២ ខែសីហា នៅឯផ្លូវដើរថ្មើរជើង Nguyen Hue (ទីក្រុង Ho Chi Minh) កម្មវិធីដើរថ្មើរជើង «ដើម្បីជនរងគ្រោះដោយសារជាតិពុលពណ៌លឿងស្វាយ/ដាយអូស៊ីន» ឆ្នាំ ២០២៦ ត្រូវបានរៀបចំឡើង ក្នុងគោលបំណងឆ្លើយតបខួបលើកទី ៦៥ នៃទិវា មហន្តរាយជាតិពុលពណ៌លឿងស្វាយ នៅ វៀតណាម (ថ្ងៃទី ១០ ខែសីហា ឆ្នាំ ១៩៦១ - ថ្ងៃទី ១០ ខែសីហា ឆ្នាំ ២០២៦) តាមរយៈនោះ លើកកម្ពស់ការយល់ដឹងសហគមន៍ និងកៀរគរប្រភពធនធាន ថែទាំជូនបណ្តាជនរងគ្រោះ។

វ៉ាន់ណាំ

thoidai.com.vn