ពិធីបុណ្យវៀតណាម - កូរ៉េខាងត្បូង ឆ្នាំ ២០២៦៖ ភ្ជាប់ទំនាក់ទំនងប្រជាជន មូលដ្ឋាន និងដៃគូនៃប្រទេសទាំងពីរ

នាថ្ងៃទី ០៧ ខែសីហា នៅឧទ្យាន Bien Dong គណៈកម្មាធិការប្រជាជនទីក្រុង Da Nang បានបើកពិធីបុណ្យវៀតណាម - កូរ៉េខាងត្បូង ទីក្រុងដាណាំង ឆ្នាំ ២០២៦។ អញ្ជើញចូលរួមមានអនុប្រធានគណៈកម្មាធិការប្រជាជនទីក្រុង លោកស្រី Nguyen Thi Anh Thi អគ្គកុងស៊ុលកូរ៉េខាងត្បូងប្រចាំនៅដាណាំង លោក Han Jungil រួមជាមួយតំណាងក្រសួងការបរទេស ស្ថាប័នកុងស៊ុល បណ្តាមូលដ្ឋាននៃប្រទេសកូរ៉េខាងត្បូង និងសហគមន៍ជនជាតិកូរ៉េខាងត្បូងនៅដាណាំង។

តាមគេហទំព័រព័ត៌មានអេឡិចត្រូនិកទីក្រុងដាណាំង ថ្លែងមតិបើកពិធី អនុប្រធានគណៈកម្មាធិការប្រជាជនទីក្រុង លោកស្រី Nguyen Thi Anh Thi បានឱ្យដឹងថា ពិធីបុណ្យវៀតណាម - កូរ៉េខាងត្បូង គឺជាព្រឹត្តិការណ៍កិច្ចការបរទេសប្រចាំឆ្នាំរបស់ដាណាំង។ ឆ្នាំនេះ ពិធីបុណ្យត្រូវបានពង្រីកទាំងទំហំ និងខ្លឹមសារ ជាមួយនឹងបណ្តាសកម្មភាពវប្បធម៌ សេដ្ឋកិច្ច និងកិច្ចការបរទេស។

តាមលោកស្រី Nguyen Thi Anh Thi ទីក្រុងដាណាំងមានបំណងថា តាមរយៈពិធីបុណ្យនេះ នឹងបង្កើនការយល់ដឹង ការផ្លាស់ប្តុររវាងប្រជាជននៃប្រទេសទាំងពីរ ព្រមទាំងពង្រីកឱកាសកិច្ចសហប្រតិបត្តិការជាមួយបណ្តាមូលដ្ឋាន និងដៃគូកូរ៉េខាងត្បូង។

ជោគជ័យនៃសន្និសីទ “ជួបប្រជុំកូរ៉េខាងត្បូងនៅដាណាំង ឆ្នាំ ២០២៦” ក្រោមប្រធានបទ “បញ្ញាសិប្បនិម្មិត - កម្លាំងចលករថ្មីសម្រាប់ការកើនឡើង និងការអភិវឌ្ឍ” ដែលបានប្រព្រឹត្តទៅនាថ្ងៃដដែល បានបង្កើតគ្រឹះស្ថានសំខាន់ ដើម្បីឱ្យអាជ្ញាធរមូលដ្ឋាន និងសហគមន៍សហគ្រាសនៃប្រទេសទាំងពីរបង្កើនការភ្ជាប់ទំនាក់ទំនង ចែករំលែកបទពិសោធន៍ និងស្វែងរកបណ្តាឱកាសកិច្ចសហប្រតិបត្តិការថ្មីៗនៅក្នុងយុគសម័យឌីជីថល។ នៅក្នុងក្របខ័ណ្ឌនៃសន្និសីទ ពិធីប្រគល់អនុស្សរណៈនៃការយោគយល់គ្នាក្នុងការជំរុញទំនាក់ទំនងមិត្តភាព និងកិច្ចសហប្រតិបត្តិការរវាងទីក្រុងដាណាំង និងទីក្រុង Osan បានកត់សម្គាល់ជំហានជឿនលឿនថ្មីនៅក្នុងទំនាក់ទំនងកិច្ចសហប្រតិបត្តិការរវាងមូលដ្ឋានទាំងពីរ។

បណ្តាប្រតិភូអនុវត្តពិធីបើកពិធីបុណ្យវៀតណាម - កូរ៉េខាងត្បូង ទីក្រុង Da Nang ឆ្នាំ ២០២៦។

លោកស្រី Nguyen Thi Anh Thi បានអះអាងថា ទីក្រុង Da Nang នឹងបន្តកែលម្អបរិយាកាសវិនិយោគ អភិវឌ្ឍន៍ប្រព័ន្ធអេកូឡូស៊ីច្នៃប្រឌិត និងបង្កើតថ្មី ពង្រីកកិច្ចសហប្រតិបត្តិការអន្តរជាតិ និងរួមជាមួយបណ្តាដៃគូកូរ៉េខាងត្បូងលាតត្រដាងអនុវត្តបណ្តាកម្មវិធីកិច្ចសហប្រតិបត្តិការជាក់ស្តែង។

ថ្លែងមតិនៅក្នុងព្រឹត្តិការណ៍ អគ្គកុងស៊ុលកូរ៉េខាងត្បូងប្រចាំនៅដាណាំង លោក Han Jungil បានឱ្យដឹងថា ទីក្រុងដាណាំងគឺជាទីក្រុងមួយក្នុងចំណោមទីក្រុងដែលប្រជាជនកូរ៉េខាងត្បូងចូលចិត្ត និងជ្រើសរើសដើម្បីធ្វើទេសចរណ៍ រស់នៅ និងបំពេញការងារ។ នាពេលបច្ចុប្បន្ន បណ្តាសហគ្រាសកូរ៉េខាងត្បូងកំពុងលាតត្រដាងអនុវត្តគម្រោងវិនិយោគចំនួន ៣៤៥ នៅទីក្រុង។

តាមលោកអគ្គកុងស៊ុល ពិធីបុណ្យឆ្នាំនេះមានការចូលរួមរបស់បណ្តាមូលដ្ឋាន ក្រុមសិល្បៈ និងសាកលវិទ្យាល័យកូរ៉េខាងត្បូងជាច្រើន ជាមួយនឹងទំហំធំជាងគេបំផុតចាប់តាំងពីមុនមក។ ស្ថានអគ្គកុងស៊ុលកូរ៉េខាងត្បូងប្រចាំនៅដាណាំងនឹងបន្តលាតត្រដាងអនុវត្តបណ្តាសកម្មភាពផ្លាស់ប្តូរវប្បធម៌ សំដៅបង្កើនការយល់ដឹង និងកិច្ចសហប្រតិបត្តិការរវាងប្រទេសទាំងពីរ។

ចំណុចលេចធ្លោនៃពិធីបុណ្យគឺលំហដែលមានស្តង់ទំនិញជាង ៩០ ណែនាំអំពីវប្បធម៌ ម្ហូបអាហារ ទេសចរណ៍ ផលិតផល និងសេវាកម្មរបស់វៀតណាម និងកូរ៉េខាងត្បូង; រួមជាមួយបណ្តាតំបន់ណែនាំអំពីសមិទ្ធផលកិច្ចសហប្រតិបត្តិការ សិល្បៈប្រពៃណី និងសិល្បៈឌីជីថល។

លំហពិធីបុណ្យវៀតណាម - កូរ៉េខាងត្បូង ទីក្រុង Da Nang ឆ្នាំ ២០២៦។

បណ្តាសកម្មភាពថ្មីៗជាច្រើនត្រូវបានរៀបចំឡើងនាឱកាសនេះ ដូចជា “បណ្តាថ្ងៃភាពយន្តកូរ៉េខាងត្បូង” នៅប្រព័ន្ធរោងភាពយន្ត CGV, ពិព័រណ៍សិល្បៈឌីជីថល Media Art Lab នៅសារមន្ទីរវិចិត្រសិល្បៈ Da Nang, ការប្រកួតបាល់ទាត់មិត្តភាព, ការសម្តែងរួមគ្នានៃក្បាច់គុន Taekwondo និងក្បាច់គុនប្រពៃណីវៀតណាម។

ពិធីបុណ្យនៅតែមានបណ្តាការប្រឡងវប្បធម៌ ម្ហូបអាហារ រាំ K-pop រួមជាមួយខ្សែសង្វាក់កម្មវិធីផ្លាស់ប្តូរសិល្បៈវៀតណាម - កូរ៉េខាងត្បូង នៅរោងមហោស្រព Trung Vuong និងឧទ្យាន Bien Dong ជាមួយនឹងការចូលរួមរបស់បណ្តាក្រុមសិល្បៈនៃប្រទេសទាំងពីរ។

តាមរយៈបណ្តាសកម្មភាពផ្លាស់ប្តូរដោយផ្ទាល់ ពិធីបុណ្យវៀតណាម - កូរ៉េខាងត្បូង ទីក្រុងដាណាំង ឆ្នាំ ២០២៦ រួមចំណែកបង្កើនការយល់ដឹង ការភ្ជាប់ទំនាក់ទំនងរវាងប្រជាជននៃប្រទេសទាំងពីរ ព្រមទាំងបង្កើតបន្ថែមឱកាសដើម្បីឱ្យដាណាំងពង្រីកទំនាក់ទំនងជាមួយបណ្តាមូលដ្ឋាន និងដៃគូកូរ៉េខាងត្បូង៕

ទិវាគ្រួសារ វៀតណាម - កូរ៉េខាងត្បូង នៅប្រទេសកូរ៉េខាងត្បូង ឆ្ពោះទៅរកឫសគល់ យុគសម័យ - នាពេលថ្មីៗនេះ នៅសាលប្រជុំនៃធនាគារ Hana (ទីក្រុងសេអ៊ូល) សមាគមសហព័ន្ធនារីវៀតណាមនៅប្រទេសកូរ៉េខាងត្បូង បានរៀបចំកម្មវិធី “ពិធីបុណ្យរំលឹកគុណស្តេច Hung - ទិវាគ្រួសារ វៀតណាម - កូរ៉េខាងត្បូង” ក្នុងបរិយាកាសយ៉ាងកក់ក្តៅ និងស្និទ្ធស្នាល។

វៀតណាម - កូរ៉េខាងត្បូង៖ ជំរុញកិច្ចសហប្រតិបត្តិការវិទ្យាសាស្ត្រ និងបច្ចេកវិទ្យា តាមទិសដៅជាក់ស្តែង និងផ្សារភ្ជាប់ជាមួយការអនុវត្តជាក់ស្តែង យុគសម័យ - ក្នុងក្របខ័ណ្ឌនៃដំណើរទស្សនកិច្ចផ្លូវការនៅវៀតណាមរបស់ប្រធានាធិបតីកូរ៉េខាងត្បូង វេទិកាវិទ្យាសាស្ត្រ បច្ចេកវិទ្យា និងនវានុវត្តន៍វៀតណាម - កូរ៉េខាងត្បូង បានឯកភាពលើទិសដៅសហប្រតិបត្តិការសំខាន់ៗជាច្រើន តាមទិសដៅជាក់ស្តែង ដោយផ្សារភ្ជាប់ការស្រាវជ្រាវទៅនឹងការអនុវត្ត។

សុវណ្ណ

thoidai.com.vn