យុគសម័យ - ច្រកផ្សារ Dong Xuan ប្រហែលជាមិនសូវស្គាល់សម្រាប់អ្នកទេសចរច្រើនទេ ប៉ុន្តែសម្រាប់ប្រជាជននៃរដ្ឋធានី កន្លែងនេះត្រូវបានចាត់ទុកថា ជា “ច្រកតូចកំពូល” ដែលមានមុខម្ហូបពិសេសៗ ច្រើន។ តាំងពីយូរយារណាស់មកហើយ ច្រកផ្សារ Dong Xuan នេះល្បីល្បាញដោយសារឈ្មោះគួរឱ្យចាប់អារម្មណ៍ "ឋានសួគ៌នៃការចាយមិនលើសពី ៣៥.០០០ ដុង" ។
 អំបុកស្រូវថ្មីចៀននឹងពងមាន់ - ម្ហូបអាហារប្រណីតរបស់រដូវកាលនៅទីក្រុងហាណូយ (Ha Noi) |
 សាឡាត់រមៀលជាមួយបាយស្រា សាច់ជ្រូកនិងបង្គា - ម្ហូបឈ្ងុយឆ្ងាញ់មួយរបស់ប្រជាជនហាណូយ (Ha Noi) |
ច្រកតូច Dong Xuan មានទីតាំងនៅម្ខាងនៃផ្សារ Dong Xuan មានប្រវែងតែ ២០០ ម៉ែត្រប៉ុណ្ណោះ។ ប៉ុន្តែមានតូបលក់អាហារច្រើនណាស់ វាមិនមែនជាការបំផ្លើសទេដែលនិយាយថា ច្រកតូចនេះបានគេស្គាល់ថាជា "ច្រកកំពូលនៃម្ហូប" ព្រោះតូបអាហារមានច្រើនប្រភេទដែលធ្វើឱ្យមនុស្ស "វិលមុខ" ។
 |
| រូបថត៖ https://dulichvietnam.com.vn/ |
ឈានចូលច្រកពេញទៅដោយផ្សែងនៃសាច់អាំង ឬក្លិនឈ្ងុយឈ្ងប់នៃខ្យង ហ្វើ គុយទាវ បន្ទាប់មកនំ បង្អែមគ្រប់ប្រភេទ។ យើងទើបរៀបរាប់អំពីមុខម្ហូបតែប៉ុណ្ណោះ ក៏មានអារម្មណ៍ឃ្លាន។
“ច្រកតូចកំពូលនៃម្ហូបអាហារ” ដែលមានតូបលក់អាហាររាប់មិនអស់ ដែលទាំងថោក និងឆ្ងាញ់
នំខ្នើយ និងញាំសាច់គោងៀត
 |
នៅផ្លូវចូលច្រកតូច ស្ថិតនៅដើមផ្លូវ Hang Chieu ជាហាងនំខ្នើយមួយដែលពេញនិយមដោយអ្នកចូលចិត្តម្ហូប Ha Noi ។ ជាលក្ខណៈទូទៅរបស់ហាងលក់អាហារជាច្រើននៅច្រកផ្សារ ហាងនំនេះតូច ទ្រព្យសម្បត្តិទាំងមូលគឺខ្ទះជ្រៅសម្រាប់ចៀននំ កៅអីប្លាស្ទិកមួយចំនួន។ ហាងនេះមានលក់មុខម្ហូបជាច្រើនមុខ ចាប់ពីនំខ្នើយ នំបាញ់ឆែវ រហូតដល់នំធ្វើពីម្សៅដំឡូងមី ណែមឆៅ... ដូច្នេះបើក្រុមរបស់អ្នកមានមនុស្សច្រើន មនុស្សម្នាក់មានគំនិតខុសៗគ្នា នេះជាកន្លែងល្អសម្រាប់អ្នក។
អាហាររបស់ភោជនីយដ្ឋាន នំខ្នើយនិងនំបាញ់ឆែវមានតម្លៃចាប់ពី ៥.០០០ ដុងដល់ ២៥.០០០ ដុងអាស្រ័យលើមុខម្ហូប។ ក្រុមយុវជនតែងតែបបួលគ្នាមកទីនេះហូបអាហារដល់ពេលណាឆ្អែត ដែលអស់តែប៉ុន្មានម៉ឺនដុងសម្រាប់មនុស្សម្នាក់ប៉ុណ្ណោះ ពិតជាថោកមែនមែនទេ?
ញាំសាច់គោងៀតគឺជាមុខម្ហូបដែលយុវវ័យចូលចិត្ត។ គ្រឿងផ្សំនៃញាំសាច់គោងៀតគឺដូចគ្នាគ្រប់ទីកន្លែង ប៉ុន្តែញាំនៅច្រកផ្សារ Dong Xuan ក្លាយជាពិសេស ដោយសារសាច់គោ។ សាច់គោឆ្អើរឲ្យស្ងួតនិងទុកជាចំណិត ពេលទទួលសាច់គោនឹងហែកជាដុំតូចៗ លាយជាមួយការ៉ុត ល្ហុងហាន់ និងសណ្តែកដីលីង។ ចាក់ទឹកជ្រលក់ពីលើ រួចលាយរសជាតិទាំងនោះចូលគ្នា ដើម្បីបម្រើជាមួយសាច់គោស្ងួត ផ្អែម និងប្រៃ ដើម្បីឱ្យឃើញភាពស្រួយ និងផ្អែមនៃសាច់គោ និងបន្លែ។
រសជាតិសាច់គោបានរក្សា គួបផ្សំនឹងភាពស្រួយ និងភាពឆ្ងាញ់នៃញាំ និងរសជាតិជូរអែមនៃទឹកម្ទេសដែល នឹងធ្វើអោយអ្នកចង់ពិសាហូតមិនធុញ។ តម្លៃនៃញាំនីមួយៗគឺប្រហែល ៣០.០០០ដុង។ ក្រៅពីនេះ មាននំធ្វើពីម្សៅដំឡូងមី ណែមឆៅក៏មានរស់ជាតិឆ្ងាញ់ដែរ។
គុយទាវស្ងួត
 |
បើនិយាយអំពីអាហារពិសាលេង នៅផ្សារ Dong Xuan គុយទាវស្ងួតគឺជាឈ្មោះដែលមិនចម្លែកសម្រាប់អ្នកហូបចុកទៀតហើយ។ ហាងគុយទាវរបស់លោកស្រី Hanh ត្រូវបានគេចាត់ទុកថា ជាភោជនីយដ្ឋានដ៏ពេញនិយម និងឆ្ងាញ់បំផុតមួយនៅក្នុងផ្លូវផ្សារ Dong Xuan ។ ភោជនីយដ្ឋានដែលមានអាយុកាលតាំងពីឆ្នាំ ១៩២៩ រហូតមកដល់បច្ចុប្បន្ន គុយទាវស្ងួតរបស់លោកស្រី Hanh មានក្លិនឈ្ងុយឆ្ងាញ់នៃឆ្អឹង ជាមួយនឹងរសជាតិប្រពៃណីដែលប្រគល់បន្តក្នុងគ្រួសារ។ សាច់សាស៊ីវទន់ មិនស្ងួត សាច់មានខ្លាញ់បន្តិច ងាយស្រួលហូប បន្ថែមជីវ៉ាន់ស៊ុយ សណ្តែកដីលីងបន្តិច ខ្ទឹមក្រហមចៀន ងាយស្រួលទទួលទានក្នុងអាហារថ្ងៃត្រង់ក្តៅ។ រសជាតិប្រហែលជាប្លែកបន្តិច ប៉ុន្តែមានមនុស្សជាច្រើនដែលញ៉ាំវាហើយចូលចិត្តវា។
ខ្យង
 |
ហាងខ្យងមួយដែលមានទីតាំងនៅកណ្តាលច្រកផ្សារ Dong Xuan ខ្យងនៅទីនេះស្រស់និងបានកែច្នៃតាមរបៀបគ្រប់ប្រភេទដូចជា ខ្យងចំហុយ លៀសសចៀនជាមួយប័រខ្ទឹម។ អ្នកអាចទទួលទានខ្យងមួយចាន បន្ទាប់មកញុំាខ្យងដាំចេកមួយចានដ៏ល្បីរបស់ច្រកផ្សារ Dong Xuan។ ថ្វីត្បិតតែរសជាតិមិនពិសេសដូចហាងលក់ខ្យងល្បីៗក៏ដោយ ក៏វាគួរភ្លក់ម្តេងដែរ ព្រោះវាក៏ជាមុខម្ហូបដ៏ទាក់ទាញមួយនៅក្នុង "ច្រកកំពូលម្ហូប" នេះ។
បង្អែមបួនរដូវ
 |
បើសិនជាមិននិយាយអំពីអាហារទទួលលេងនៅច្រកផ្សារ Dong Xuan ដែលគឺជាកំហុសខ្លាំងណាស់មួយ។ ផ្សារ Dong Xuan មានហាងបង្អែមជាច្រើន ហើយហាងនីមួយៗ បង្អែមជាច្រើនប្រភេទសម្រាប់ជ្រើសរើស។ ពិតណាស់ ពេលចូលដល់ច្រកផ្សារនេះ កែវបង្អែមចម្រុះពណ៌គឺងាយស្រួលទាក់ទាញមនុស្សបំផុត។
បង្អែមនៅក្នុងច្រកផ្សារមានភាពចម្រុះ ក្រៅពីបង្អែមសណ្តែតបាយប្រពៃណីដែ សណ្តែកខ្មៅ និងសណ្តែកក្រហម ហាងទាំងនោះក៏លក់បង្អែមដែលបានកែច្នៃតាមបែបទំនើបៗដូចជា khuc bach ថៃ។ ប្រភេទចាហួយ និងគុជនៅទីនេះក៏សម្បូរបែបដែរ ដែលអាចធ្វើឱ្យមនុស្សជាច្រើនចង់ញ៉ាំគ្រប់ប្រភេទ។ ដោយសារមានច្រើនប្រភេទ ដូច្នេះអ្នកអាចទទួលទានបង្អែមមួយកែវដែលមានបង្អែមចំនួន ៥ ដល់ ៧ ប្រភេទតាមចំណូលចិត្ត។ បង្អែមមួយកែវក្នុងច្រកផ្សារពិតជាគ្រប់គ្រាន់ ដែលជ ពេញផ្លូវ ល្មមញ៉ាំបាយតែតម្លៃត្រឹម ១៥.០០០ដុង ទៅ ២ម៉ឺនដុង៕
មតិពីមិត្តអ្នកអាន