នៅក្រុងហាណូយ ធ្លាប់បានស្គាល់នូវអាហារមួយមុខ សម្រាប់ពិសាតាមរដូវកាល។ ពេលជំនោរខ្យល់រដូវស្លឹកឈើជ្រុះមកដល់ ជាសញ្ញាប្រកាសប្រាប់ថាដល់រដូវអំបុកស្រូវថ្មី ក៏បានមកដល់ផងដែរ។ អំបុកស្រូវថ្មីជាម្ហូបអាហារប្រណីត បានប្រៀបដូចជាខ្លឹមនៃស្រុកស្រែជនបទ ដោយសាររបៀបច្នៃវា តាំងពីគ្រាប់ស្រូវដំណើបខ្ចី ឆ្លងកាត់ច្រើនដំណាក់កាល ទើបក្លាយទៅជាគ្រាប់អំបុកស្រូវថ្មី។
 សាឡាត់រមៀលជាមួយបាយស្រា សាច់ជ្រូកនិងបង្គា - ម្ហូបឈ្ងុយឆ្ងាញ់មួយរបស់ប្រជាជនហាណូយ (Ha Noi) |
 ហាងកាហ្វេតាមរចនាបទ Ha Noi ចំនួន ៣កន្លែង នៅកណ្តាលទីក្រុង Ho Chi MinH |
 |
| អំបុកស្រូវថ្មីចៀននឹងពងមាន់ ជាម្ហូបដែលពោរពេញទៅដោយលក្ខណៈរដូវកាលស្លឹកឈើជ្រុះ នៅក្រុងហាណូយ។ |
នៅក្រុងហាណូយ មានអាសយដ្ឋានល្បីឈ្មោះខាងធ្វើអំបុកចំនួន២ នោះគឺអំបុកនៅភូមិវង់ (Vong) (កូវយ៉ី - Cau Giay) និងនៅភូមិមែទ្រី (Me Tri) (ណាមទឺឡិម - Nam Tu Liem ហាណូយ)។ តាមជាងធ្វើអំបុកយូរឆ្នាំ នៅទីនេះមានប្រភេទស្រូវដំណើបជាច្រើន អាចធ្វើអំបុកដូចជាស្រូវដំណើបឡឿងផឿង (Luong Phuong) ស្រូវដំណើបក្រអូប ស្រូវដំណើបខ្មៅ ស្រូវដំណើបតាន (Tan) ស្រូវដំណើបក្វិត (Quyt) ស្រូវដំណើបហ្វា (Hoa) ប៉ុន្តែស្រូវដំណើបផ្កាលឿង ជាស្រូវដំណើបដែលធ្វើបានអំបុកឆ្ងាញ់ ក្រអូប និងទន់ស្វិតខ្លាំង។
 |
| អំបុកតែងបានជ្រើសរើស គឺអំបុកស្រូវថ្មីធ្វើ នៅភូមិអំបុកមែទ្រី (Me Tri) ដែលមានគ្រាប់ស្វិតនិងទន់។ |
អំបុកស្រូវថ្មី បានលក់នៅតាមខ្លោងទ្វារច្រកចូលភូមិស្រុក ឬអម្រែកដែលបងៗរែកលក់តាមទីប្រជុំជន។ អំបុកស្រូវថ្មី នឹងបានវេចក្របដោយ២ស្រទាប់ស្លឹក ស្រទាប់ខាងក្នុងក្របដោយស្លឹកក្តាតហោរា រក្សាឱ្យអំបុកមានសភាពស្វិតនិងទន់ជានិច្ច ស្រទាប់ខាងក្រៅវេចក្របដោយស្លឹកឈូក បង្កើតក្លិនក្រអូបស្រាលៗ ចងក្រងដោយដើមស្រូវស្ងួត ពោរពេញទៅដោយរូបភាពជនបទវៀតណាម។ អំបុកស្រូវថ្មី អាចពិសាឆៅ អាចច្នៃជាបង្អែមអំបុក នំអំបុក ។ល។ ម្ហូបអាហារមួយមុខដ៏សាមញ្ញតែងាយធ្វើ តែងមាននៅក្នុងពេលបាយ នោះគឺអំបុកស្រូវថ្មីចៀននឹងពងមាន់។
 |
| អំបុកស្រូវថ្មីចៀននឹងពងមាន់ ជាម្ហូបដែលពោរពេញទៅដោយលក្ខណៈរដូវកាលស្លឹកឈើជ្រុះ នៅក្រុងហាណូយ។ |
អំបុកតែងបានជ្រើស គឺជាអំបុកស្រូវថ្មី មានគ្រាប់ស្វិត ឈ្ងុយ និងក្រអូប បែបនេះយើងពិតជាដឹងថា គ្រាប់អំបុកបានមកពីគ្រាប់ស្រូវដំណើបថ្មី ដាក់គ្រាប់ពេញណែន ទន់ និងស្វិត។ រីឯពងមាន់ គួរយកពងមាន់ស្រុក ដែលមានពងក្រហមច្រើន ពិសាទៅមានជាតិទ្រលាន់និងឈ្ងុយជាង។ បន្ទាប់ពីលាយអំបុកនិងពងមាន់ជាមួយគ្នា រួចយកទៅចៀន ដោយភ្លើងតូច រហូតដល់មានពណ៌លឿងទុំ គឺអាចពិសាបានហើយ។ ពិសាអំបុកស្រូវថ្មីចៀននឹងពងមាន់ មានអារម្មណ៍ទ្រលាន់ស្វិតនៃពងមាន់ និងជាតិទន់ក្រអូបនៃអំបុក។ មុខម្ហូបនេះ យើងអាចពិសាជ្រលក់នឹងទឹកត្រី ឬពិសានឹងបាយក្តៅៗពិតជាឆ្ញាញ់ពិសា។
ពិសេសអស្ចារ្យពេលរដូវអំបុកមកដល់ នៅលើតុបាយពិតជាមានមុខម្ហូបអំបុកស្រូវថ្មីចៀននឹងពងមាន់ ដ៏សាមញ្ញនិងងាយធ្វើ ដែលពោរពេញទៅដោយលក្ខណៈនៃរដូវកាលស្លឹកឈើជ្រុះ៕
មតិពីមិត្តអ្នកអាន