នាថ្ងៃទី២៩ ខែមិថុនា នៅទីក្រុងព្រៃវែង ខេត្តព្រៃវែង កងទ័ពការពារព្រំដែនខេត្ត Dong Thap និងបញ្ជាការដ្ឋានកងរាជអាវុធហត្ថខេត្តព្រៃវែង បានរៀបចំពិធីចុះហត្ថលេខាលើកិច្ចព្រមព្រៀងស្តីពីកិច្ចសហប្រតិបត្តិការការពារសន្តិសុខ និងសណ្តាប់ធ្នាប់សង្គមនៅតាមតំបន់ព្រំដែនឆ្នាំ២០២២។
 ខេត្ត Dong Thap (វៀតណាម) និងខេត្តព្រៃវែងពង្រឹងទំនាក់ទំនងមិត្តភាពរវាង |
 កងទ័ពការពារព្រំដែនខេត្ត Kien Giang ជូនពរកងកម្លាំងប្រដាប់អាវុធកម្ពុជា ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ |
ក្នុងពិធីនេះ ភាគីទាំងពីរបានវាយតម្លៃលទ្ធផលសហប្រតិបត្តិការការពារសន្តិសុខ និងសណ្តាប់ធ្នាប់សង្គមនៅតាមព្រំដែនក្នុងឆ្នាំ ២០២០ និងឆ្នាំ២០២១។ ក្នុងរយៈពេលពីរឆ្នាំកន្លងមក អង្គភាពទាំងពីរបានជួបប្រជុំគ្នានៅតាមតំបន់ព្រំដែន ផ្លាស់ប្តូរព័ត៌មាន និងស្ថានភាពសម្របសម្រួលតាមទូរស័ព្ទ ហើយរៀបចំគណៈប្រតិភូជាច្រើនទៅសួរសុខទុក្ខ និងអបអរសាទរក្នុងឱកាសបុណ្យប្រពៃណី និងបុណ្យចូលឆ្នាំថ្មីប្រពៃណីនៃប្រជាជាតិទាំងពីរវៀតណាម-កម្ពុជា។
 |
| កងទ័ពការពារព្រំដែនខេត្ត Dong Thap និងបញ្ជាការដ្ឋានកងរាជអាវុធហត្ថខេត្តព្រៃវែង ចុះហត្ថលេខាលើកិច្ចព្រមព្រៀងសហប្រតិបត្តិការឆ្នាំ២០២២ (រូបថត៖ bienphong.com.vn) |
ក្នុងស្មារតីចែករំលែក និងជួយគ្នាទៅវិញទៅមក នៅក្នុងឆ្នាំ២០២១ បញ្ជាការដ្ឋានកងទ័ពការពារព្រំដែនខេត្ត Dong Thap បានផ្តល់ថវិកា និងសម្ភារៈពេទ្យសម្រាប់បង្ការ និងទប់ស្កាត់ការរាតត្បាតនៃជំងឺកូវីដ១៩ ដោយមានតម្លៃជាង ៩០ លានដុងដល់បញ្ជាការដ្ឋានកងរាជអាវុធហត្ថខេត្តព្រៃវែង។
ក្នុងឱកាសនេះ គណៈប្រតិភូទាំងពីរបានវាយតម្លៃខ្ពស់ចំពោះលទ្ធផលនៃការសម្របសម្រួល ព្រមទាំងបានឯកភាពលើទិសដៅ ភារកិច្ច និងចុះហត្ថលេខាលើកិច្ចព្រមព្រៀងស្ដីពីសហប្រតិបត្តិការ ឆ្នាំ២០២២។
តាមរយៈនោះ ភាគីទាំងពីរនឹងផ្តោតលើខ្លឹមសារសំខាន់ៗមួយចំនួនដូចជា៖ បង្កើនការផ្លាស់ប្តូរព័ត៌មាន ប្រយុទ្ធប្រឆាំងទប់ស្កាត់ឧក្រិដ្ឋកម្មនៅតាមតំបន់ព្រំដែនទាំងសងខាង សម្របសម្រួលក្នុងការការពារអធិបតេយ្យភាព និងសន្តិសុខព្រំដែន ទប់ស្កាត់ការឆ្លងដែនខុសច្បាប់ និងទប់ស្កាត់ការរាតត្បាតនៃជំងឺកូវីដ-១៩ៗ ល៕
kh.qdnd.vn
មតិពីមិត្តអ្នកអាន