លោក ទៀ បាញ់ និង លោកស្រី ម៉ែន សំអន ដែលជាសមាជិកអចិន្ត្រៃយ៍ នៃគណបក្សប្រជាជនកម្ពុជា និងមានតំណែងជាឧបនាយករដ្ឋមន្ត្រី ក្នុងរាជរដ្ឋាភិបាល ត្រូវបានអង្គសន្និបាតគណៈកម្មការកណ្តាលគណបក្សប្រជាជនកម្ពុជាបោះឆ្នោតជ្រើសរើសជាអនុប្រធានគណបក្សប្រជាជនកម្ពុជា។
 ប្រធានរដ្ឋ លោក Nguyen Xuan Phuc ទទួលជួបឧបនាយករដ្ឋមន្ត្រីកម្ពុជា លោកជំទាវ ម៉ែន សំអន |
 ផ្តោតលើការធានាជីវភាពរស់នៅរបស់ប្រជាជនក្រោយពីជំនន់ទឹកភ្លៀង |
 |
| លោក ទៀ បាញ់ និងលោកស្រី ម៉ែន សំអន ត្រូវបានបោះឆ្នោតជ្រើសតាំងជាអនុប្រធានគណបក្សប្រជាជនកម្ពុជា |
លោក សុខ ឥសាន អ្នកនាំពាក្យគណបក្សប្រជាជនកម្ពុជា ប្រាប់ ភ្នំពេញ ប៉ុស្តិ៍ នៅថ្ងៃទី ២៤ ធ្នូ ថា៖ «គឺសម្តេចពិជ័យសេនា ទៀ បាញ់ និងជំទាវ ម៉ែន សំអន។ អាហ្នឹងជាសិទ្ធិសម្រេចរបស់គណៈកម្មការអចិន្ត្រៃយ៍ ហើយបោះឆ្នោតអនុម័តដោយគណៈកម្មការកណ្តាល»។
នៅព្រឹកថ្ងៃទី ២៤ ធ្នូ នេះ គណៈកម្មការកណ្តាលគណបក្សប្រជាជនកម្ពុជា (CPP) ធ្វើការបើកសន្និបាតបោះឆ្នោត ជ្រើសរើសអនុប្រធានគណបក្សចំនួន ២ រូប បន្ថែមទៀត និងបោះឆ្នោតផ្តល់សេចក្តីគាំទ្រដល់លោក ហ៊ុន ម៉ាណែត ជាបេក្ខជននាយករដ្ឋមន្ត្រីសម្រាប់អាណត្តិខាងមុខក្រោយៗទៀត។ នេះបើតាមលោក សុខ ឥសាន ដែលបានឱ្យ ភ្នំពេញ ប៉ុស្តិ៍ ដឹងកាលពីថ្ងៃទី ២៣ ធ្នូ។
សូមជម្រាបជូនថា រហូតមកដល់ពេលនេះ គណបក្សប្រជាជនកម្ពុជាមានអនុប្រធានចំនួន ៤ រូប ក្នុងនោះមានលោក សាយ ឈុំ ប្រធានព្រឹទ្ធសភា លោក ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ លោក ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ និងលោកស្រី ម៉ែន សំអន ឧបនាយករដ្ឋមន្ត្រី និងជារដ្ឋមន្រ្តីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច៕
PhnomPenhpost
មតិពីមិត្តអ្នកអាន