គោលដៅទេសចរអស្ចារ្យចំនួន ៧ នៅប្រទេសវៀតណាមដែលទាក់ទាញភ្ញៀវទេសចរបរទេស

ភ្ញៀវទេសចរបរទេសម្នាក់បានសរសើរអំពី កោះ Con Dao ដែលជាកោះស្អាតជាងគេនៅវៀតណាម

ភ្ញៀវទេសចរបរទេសនៅវៀតណាមយល់ស្របការពាក់ម៉ាស់ការពារនៅតាមទីសាធារណៈ

1. វិថីបុរាណ Hoi An ខេត្ត Quang Nam

នៅពេលនិយាយអំពីទេសចរណ៍វៀតណាម Hoi An គឺជាកន្លែងដែលមិនអាចមិនរំលឹកដល់បានឡើយ។ វិថីបុរាណ Hoi An មានរូបរាងចាស់ជាមួយនឹងរបៀបរស់នៅស្រស់ថ្លាធូរស្បើយដែលត្រូវបានជ្រើសរើសដោយភ្ញៀវទេសចរជាច្រើននាក់។ បច្ចុប្បន្ននេះ វិស័យទេសចរណ៍នៅវិថីបុរាណ Hoi An មានការរីកចម្រើនយ៉ាងខ្លាំងដោយសារភ្ញៀវទេសចរជាតិនិងអន្តរជាតិមកកម្សាន្តយ៉ាងច្រើនកុះករជារៀងរាល់ឆ្នាំ។ នៅទីនេះក៏មានកន្លែងជាច្រើន ដើម្បីទស្សនានិងថតរូបទុកជាអនុស្សាវរីយ៍ផងដែរ។

វិថីបុរាណ Hoi An គឺជាវិវី​បុរាណមួយដែលមានទីតាំងស្ថិតនៅឆ្នេរសមុទ្រនៃភាកកណ្តាល ចម្ងាយ ៣០ គីឡូម៉ែត្រពីទីក្រុង Da Nang តាម​ទិសត្បូង ដែល​ស្ថិតក្នុងភូមិសាស្ត្រខេត្ត Quang Nam។ កន្លែងនេះគឺជាកន្លែងគំរូមួយនូវកំពង់ផែជួញដូរពាណិជ្ជកម្មផ្សារដ៏មមាញឹកដែលធ្លាប់ជា​​កំពង់ផែពាណិជ្ជកម្មរបស់ជនជាតិចាម ហើយបានគេ​ស្គាល់ ដោយសារផ្លូវសូត្រដ៏ល្បីល្បាញ។

2. ទីរួមស្រុក Sa Pa នៃខេត្ត​ Lao Cai

ដោយមានទីតាំងស្ថិតនៅភាគពាយព្យនៃប្រទេសវៀតណាម ទីរួមស្រុក Sa Pa បង្កប់នូវអាទិ៍កំបាំងនូវប្រការ​ដ៏អស្ចារ្យ​និង​ទាក់​ទាញតំបន់ភ្នំនិងទេសភាពធម្មជាតិស្រស់ស្អាត។ កុំរំលង​ចោលផ្សាររាត្រីដែលបាន​រៀបចំនៅយប់ថ្ងៃសៅរ៍ដ៏រស់រវើក មាន​លក់ម្ហូបពិសេសនិង​ឈ្ងុយឆ្ងាញ់ពិសារ។ ពីទីរួមស្រុក Sa Pa មានភាពអ៊ូអរ អ្នកទេសចរអាចទៅទស្សនាភូមិជនជាតិដែលមានទីតាំងស្ថិតនៅចំកណ្តាលវាលស្រែកាំជណ្តើរ ដើម្បីស្វែងយល់នូវវប្បធម៌និងម្ហូបរបស់​ប្រជាជន​នៅទីនេះ។

3. ឈូងសមុទ្រ Ha Long ខេត្ត Quang Ninh

ឈូងសមុទ្រ​ Ha Long រួមមានសមុទ្រនិងកោះដែលចំណុះនៃទីក្រុង Ha Long Cam Pha និងផ្នែកមួយនៃស្រុកកោះ Van Dong ខេត្ត Quang Ninh។ ឈូងសមុទ្រ​ Ha Long មាន ផ្ទៃដី ១.៥៥៣ គីឡូម៉ែត្រការ៉េ មានឆ្នេរសមុទ្រប្រវែង ១២០ គីឡូម៉ែត្រ។ នៅទីនោះមានកោះធំនិងតូចចំនួន ១.៩៦៩ កោះ។ កោះទាំងនេះភាគច្រើនជាកោះថ្មកំបោរ។ តំបន់សំខាន់នៃឈូងសមុទ្រ Ha Long ជាផ្នែកកណ្តាលនៃឈូងសមុទ្រដែលមានផ្ទៃដី ៣៣៥ គីឡូម៉ែត្រការ៉េ ក្នុង​នោះមានកោះចំនួន ៧៧៥ កោះបានប្រមូលផ្តុំគ្នាជិតៗគ្នា ដើម្បីបង្កើតទេសភាពធម្មជាតិដ៏អស្ចារ្យ។

មិនត្រឹមតែមានទេសភាពសមុទ្រ​និង​ភ្នំដ៏ស្រស់ស្អាតនិង​មហិរមាប៉ុណ្ណុះទេ នៅពេល​មកទស្សនាឈូងសមុទ្រ​ Ha Long អ្នកទេសចរក៏ទទួលបាននូវអារម្មណ៍សុខសាន្ត នៅពេលដែលបានសម្របខ្លួននៅក្នុងទេសភាពនៅទីនេះ។ ប្រជាជន​នៅទីនោះរួសរាយរាក់ទាក់ ម្ហូបឈ្ងុយឆ្ងាញ់ ក៏រួមចំណែកធ្វើឱ្យឈូងសមុទ្រ​ Ha Long មានភាពទាក់ទាញផងដែរ។ នៅឆ្នាំ ២០១២ ឈូងសមុទ្រ​ Ha Long ក៏មានកិត្តិយសយ៉ាងខ្លាំងដែលបានបញ្ចូលក្នុងបញ្ជីបេតិកភណ្ឌថ្មីទាំង ៧ របស់ពិភពលោក។ ដូច្នេះឈុងសមុទ្រ​ Ha Long គឺជាមោទនភាពចំពោះវិស័យទេសចរណ៍វៀតណាម។

4. ទីក្រុង Ho Chi Minh

គឺជាទីក្រុងមួយមួយ​ក្នុងចំណោមមជ្ឈមណ្ឌលសេដ្ឋកិច្ចនិងវប្បធម៌ធំបំផុតទាំងពីរនៅក្នុងប្រទេស ទីក្រុងនេះនៅតែរក្សាបាននូវស្ថាបត្យកម្មដ៏ទាក់ទាញពីសម័យអាណានិគមបារាំង។ អ្នកទេសចរអន្តរជាតិអាច​មកទស្សនា សារមន្ទីរសំណល់សង្គ្រាម រូងក្រោមដី Cu Chi ដើម្បីស្វែងយល់អំពីសង្គ្រាមវៀតណាមឬទស្សនាវិហារកាតូលិក Duc Ba វត្ត Ngoc Hoang ។ ប្រសិនបើអ្នកចង់ទិញទំនិញ ផ្សារ Ben Thanh គឺជាគោលដៅដែលធ្លាប់ស្គាល់ ដោយសារនៅទីនេះលក់ទំនិញជាច្រើនប្រភេទ។

5. កោះ Phu Quoc ខេត្ត Kien Giang

គោលដៅទេសចរណ៍មួយក្នុងចំណោមគោលដៅទេសចរណ៍ស្អាតបំផុតទាំង ៧ នៅក្នុងប្រទេសវៀតណាមដែលត្រូវបានបោះឆ្នោត​ជ្រើសរើសដោយភ្ញៀវទេសចរបរទេស។ នៅទីនោះបានគេចាត់ទុកដូចជាកន្លែងដ៏ល្អមួយសម្រាប់សម្រាកលំហែកាយ មកទស្សនា និងស្វែងយល់នូវប្រព័ន្ធអេកូឡូស៊ី។ ប្រសិនបើ Mui Ong Doi និង Da Chao គឺជាពិភពនៃផ្កាថ្មនិងត្រីចម្រុះពណ៌ ឆ្នេរសមុទ្រ​ Sao គឺជាឆ្នេរខ្សាច់ពណ៌សរលោងមួយដែលមានរាងកោង ទឹកសមុទ្រ​ខៀវ ... ដូច្នេះ កោះ​ Phu Quoc ពិតជា​ “​កោះពេជ្រ” នៅលើផែនទីប្រទេសវៀតណាម។

6. ទីក្រុង Da Nang

ទីក្រុង Da Nang មិនត្រឹមតែទាក់ទាញអ្នកទេសចរ ដោយរូបភាពដ៏រស់រវើក ពោរពេញដោយភាពរឹងមាំ ថែមទាំងមានទេសភាពធម្មជាតិដ៏អស្ចារ្យជាច្រើន រួមមានសមុទ្រធំល្វឹងល្វើយ ជួរភ្នំ។ ទីក្រុង Da Nang បានគេចាត់ទុកថាជាកន្លែង​ដែលរួមបញ្ចូលគ្នានៃភាពស្រស់ស្អាតរវាង​ស្ថានសួគ៌និងផែនដី ដូចជាពេជ្រមួយគ្រាប់ដ៏មានតម្លៃ នៅចំកណ្តាលប្រទេសវៀតណាម។

7. តំបន់ដីសណ្តទន្លេ Cuu Long

ជាផ្នែកមួយនៃតំបន់ដីសណ្តទន្លេមេគង្គដែលតបានគេស្គាល់ថាជាតំបន់ដីសណ្តភាគខាងត្បូងឬតំបន់និរតីនៃ​ភាគខាងត្បូងដែល​មានផ្ទៃដី ៤០.៥៤៨.២ គម ២ ។ ដោយឆ្នេរសមុទ្រដ៏វែងអន្លាយទន្លេមេគង្គបាន បែងចែកជាដៃទន្លេប្រឡាយកូនកោះនិងប្រជុំកោះធំនិងតូចដែលសមស្របនឹងប្រភេទទេសចរណ៍ធម្មជាតិ​៕

ឌីណា

dulich.petrotimes.vn