ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានប្រកាសសូមអភ័យទោស ដែលតម្រូវឱ្យសម្ដេចលុបចោលកម្មវិធីជួបជុំទាំងអស់ ដែលបានគ្រោងទុក ទាំងការជួបផ្ទាល់ទាំងការជួបតាមវីដេអូ ជាពិសេសសុំការយោគយល់ពីសំណាក់ឯកឧត្តមរដ្ឋមន្ត្រីការបរទេសអង់គ្លេស ដែលគ្រោងជួបនៅព្រឹកថ្ងៃទី២៣ ខែមិថុនាឆ្នាំ២០២១ នៅវិមានសន្តិភាពនោះ។
 |
| សម្ដេចតេជោ ហ៊ុន សែន ប្រកាសលុប ចោលកម្មវិធីជួបទាំងអស់ដែលបានគ្រោងទុកដោយសារពាក់ព័ន្ធដោយ ប្រយោលជាមួយអ្នកកើតជំងឺកូវីដ-១៩ |
ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានប្រកាសសូមអភ័យទោស ដែលតម្រូវឱ្យសម្ដេចលុបចោលកម្មវិធីជួបជុំទាំងអស់ ដែលបានគ្រោងទុក ទាំងការជួបផ្ទាល់ទាំងការជួបតាមវីដេអូ ជាពិសេសសុំការយោគយល់ពីសំណាក់ឯកឧត្តមរដ្ឋមន្ត្រីការបរទេសអង់គ្លេស ដែលគ្រោងជួបនៅព្រឹកថ្ងៃទី២៣ ខែមិថុនាឆ្នាំ២០២១ នៅវិមានសន្តិភាពនោះ។
នៅលើផេកផ្លូវការ នារសៀលថ្ងៃទី ១៩ ខែមិថុនា ឆ្នាំ២០២១ សម្ដេចតេជោបានសរសេរថា បងប្អូនជនរួមជាតិជាទីគោរពស្រឡាញ់ដោយសារខ្ញុំបានពាក់ព័ន្ធដោយប្រយោលជាមួយអ្នកកើតជំងឺកូវីដ-១៩។ក្រុមគ្រូពេទ្យតម្រូវឱ្យខ្ញុំធ្វើតេស្ត និងធ្វើចត្តាឡីស័ករយៈពេល១៤ថ្ងៃចាប់ពីល្ងាចថ្ងៃទី ១៩ខែមិថុនា ឆ្នាំ២០២១នេះ រហូតដល់ថ្ងៃទី ០៣ ខែកក្កដា ឆ្នាំ ២០២១។ សម្ដេចតេជោបានបន្តថា «ខ្ញុំសូមអភ័យទោសដែលតម្រូវឱ្យខ្ញុំលុបចោលកម្មវិធីជួបជុំទាំងអស់ដែលបានគ្រោងទុក ទាំងការជួបផ្ទាល់ទាំងការជួបតាមវីដេអូ ជាពិសេសសុំការយោគយល់ពីសំណាក់ឯកឧត្តមរដ្ឋមន្ត្រីការបរទេសអង់គ្លេស ដែលគ្រោងជួបគ្នានៅម៉ោង៩:០០ព្រឹក ថ្ងៃទី២៣ ខែមិថុនា ឆ្នាំ២០២១ ខាងមុខនេះនៅវិមានសន្តិភាព។ សម្ដេចតេជោបានគូសបញ្ជាក់ដែរថា ទោះត្រូវលុបចោលការជួបទាំងខ្មែរទាំងបរទេស តែខ្ញុំនៅតែធ្វើការដូចពេលមុនជាមួយគ្រប់ស្ថាប័ន ទាំងស៊ីវិល ទាំងកងកម្លាំងប្រដាប់អាវុធ រាប់ទាំងការប្រជុំតាម ZOOM ផង ដោយសារបច្ចេកទេសនេះមិនតម្រូវឱ្យមានមនុស្សចូលមកជិតខ្ញុំទេ៕
information.gov.kh
មតិពីមិត្តអ្នកអាន