Trending now

​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បានចេញ​បទបញ្ជា​ឱ្យ​អភិបាល​រាជធានី ខេត្ត បញ្ឈប់​ការ​ប្រមូល​ប្រជាពលរដ្ឋ​

09:23 | 10/06/2021 ហេង វុធ្ធី

សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បានចេញ​បទបញ្ជា​ឱ្យ​អភិបាល​រាជធានី ខេត្ត បញ្ឈប់​ការ​ប្រមូល​ប្រជាពលរដ្ឋ​មក​ហ្វឹកហាត់​រៀនសូត្រ​បណ្ដុះបណ្ដាល សម្រាប់​ការបោះឆ្នោត​សាកល្បង​នៃ​ការបោះឆ្នោត​ជ្រើសរើស​ក្រុមប្រឹក្សាឃុំ សង្កាត់​នៅ​ថ្ងៃទី​២០​ខែមិថុនា​ឆ្នាំ​២០២១​ខាងមុខ ដែល​រៀបចំ​ដោយ​គណៈកម្មាធិការ​ជាតិ​រៀបចំ​ការបោះឆ្នោត​នោះ​។​

កម្ពុជា នឹងទទួលវ៉ាក់សាំងបង្ការជំងឺកូវីដ-១៩ ស៊ីណូវ៉ាក់ ចំនួន ៥០ មុឺនដូស បន្ថែមទៀត ដែលនឹងដឹកមកដល់ នៅថ្ងៃទី ៨ ខែមិថុនា ឆ្នាំ ២០២១ ខាងមុខនេះ កម្ពុជា នឹងទទួលវ៉ាក់សាំងបង្ការជំងឺកូវីដ-១៩ ស៊ីណូវ៉ាក់ ចំនួន ៥០ មុឺនដូស បន្ថែមទៀត ដែលនឹងដឹកមកដល់ នៅថ្ងៃទី ៨ ខែមិថុនា ឆ្នាំ ២០២១ ខាងមុខនេះ
​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា អញ្ជើញជួបពិភាក្សាជាមួយអនុរដ្ឋមន្ត្រីអាមេរិក លោកស្រី Wendy R. Sherman ​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា អញ្ជើញជួបពិភាក្សាជាមួយអនុរដ្ឋមន្ត្រីអាមេរិក លោកស្រី Wendy R. Sherman
​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បានចេញ​បទបញ្ជា​ឱ្យ​អភិបាល​រាជធានី ខេត្ត បញ្ឈប់​ការ​ប្រមូល​ប្រជាពលរដ្ឋ​
សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា

​ក្នុង​សារ​ជា​សំឡេង​បន្ទាន់ នា​យប់​ថ្ងៃទី​០៩ ខែមិថុនា ឆ្នាំ​២០២១ ជូន​ឯកឧត្ដម លោកជំទាវ អភិបាល​រាជធានី​-​ខេត្ត សម្ដេច​តេ​ជោ ហ៊ុន សែន មាន​ប្រសា​ន៍​ថា ថ្ងៃនេះ​ខ្ញុំ​ទើប​បានទទួល​ព័ត៌មាន​ថា នៅ​ថ្ងៃទី​២០ ខែមិថុនា ឆ្នាំ​២០២១​ខាងមុខនេះ នឹងមាន​ការបោះឆ្នោត​សាកល្បង នៃ​ការបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ ដែល​រៀបចំឡើង​ដោយ​គណៈកម្មាធិការ​ជាតិ​រៀបចំ​ការបោះឆ្នោត​។ សម្ដេច​តេ​ជោ​ថ្លែងថា “​ខ្ញុំ​ពុំបាន​ដឹង​នូវ​ហេតុការណ៍​នេះ​ទេ តែ​ខ្ញុំ​ទើប​បានទទួល​ព័ត៌មាន​ពី​ខេត្តសៀមរាប អំពី​តម្រូវការ​នៃ​ការហ្វឹកហ្វឺន​ប្រជាជន​សម្រាប់​ការបោះឆ្នោត​សាកល្បង នៃ​ការ​ការបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ សម្រាប់​ឆ្នាំ​២០២១”​។ សម្ដេច​តេ​ជោ​នាយករដ្ឋមន្ត្រី​គូសបញ្ជាក់ថា ដោយ​យោងទៅលើ​សភាពការណ៍​ជាក់ស្ដែង​នៅ​កម្ពុជា ជំងឺ​កូ​វីដ​-១៩ កំពុង​វ៉ៃ​លុក​ដែល​ក្នុង​មួយថ្ងៃៗ​ប្រជាជន​ឆ្លង​រាប់រយ​នាក់ និង​មាន​មនុស្ស​ស្លាប់​ជា​រៀងរាល់ថ្ងៃ ដូច្នេះ​គ្មាន​ការចាំបាច់​ណា ដើម្បី​នឹងធ្វើ​ការបោះឆ្នោត​សាកល្បង​នោះទេ ព្រោះ​ពេលវេលា​នេះ យើង​ត្រូវ​ផ្ដល់​អាទិភាព និង​ប្រមូល​គ្រប់​កម្លាំង​ទាំងអស់ ដើម្បី​ប្រយុទ្ធប្រឆាំង​ជាមួយនឹង​ជំងឺ​កូ​វីដ​-១៩ វា​មិនមែនជា​ពេលវេលា ដើម្បី​ប្រមូល​ប្រជាជន​មក​ធ្វើការ​រៀនសូត្រ ហើយ​ធ្វើការ​បោះឆ្នោត​សាកល្បង​នោះឡើយ ហើយ​ពេលវេលា​នេះ សូម្បីតែ​គណៈកម្មាធិការ​ជាតិ​រៀបចំ​ការបោះឆ្នោត ក៏ត្រូវ​ចូលរួម​ដើម្បី​ប្រយុទ្ធប្រឆាំង​ជាមួយ​កូ​វីដ​-១៩​។​ដូច្នេះ​ការប្រមូល​ប្រជាជន​ណាមួយ ដើម្បី​មកជួបជុំ​ដើម្បី​ហ្វឹកហាត់​សម្រាប់​ការបោះឆ្នោត​សាកល្បង គឺ​គ្មាន​ការចាំបាច់​នោះទេ​។ សម្ដេច​តេ​ជោ​ថ្លែង​សង្កត់ធ្ងន់ថា “​ខ្ញុំ ក្នុងនាម​រាជរដ្ឋាភិបាល​កំពុង​ធ្វើលិខិត ទៅ​គណៈកម្មាធិការ​ជាតិ​រៀបចំ​ការបោះឆ្នោត ដើម្បី​សុំឱ្យ​លុបចោល​ការបោះឆ្នោត​សាកល្បង ដើម្បី​ជ្រើសរើស​ក្រុមប្រឹក្សាឃុំ សង្កាត់ នៅ​ថ្ងៃទី​២០ ខែមិថុនា ឆ្នាំ​២០២១​ខាងមុខនេះ​។ ប៉ុន្តែ​ដើម្បី​ចៀសវាង​នូវ​កិច្ចការ​បន្ទាន់ ដែល​ថ្ងៃស្អែក​នេះ​គឺមាន​ការហ្វឹកហាត់ សូម្បីតែ​នៅ​ខេត្តសៀមរាប ស្រុក​ចំនួន​ពីរ​ដែលមាន​ការឆ្លង​រីក​រាលដាល ក៏ត្រូវ​ប្រមូល​ប្រជាជន​រាប់រយ​នាក់ ដើម្បី​ទៅធ្វើ​ការសាកល្បង​រៀនសូត្រ​ក្នុងការ​បោះឆ្នោត ក្នុងពេល​វេលា​ដែល​យើង​កំពុង​ប្រឈម​ជាមួយ​នៃ​ការឆ្លង​រីក​រាលដាល​នៃ​ជំងឺ​កូ​វីដ​-១៩ ព្រមទាំង​ការបង្កបង្កើន​ផលរប​ស់​ប្រជាជន​ផង​នោះ​។ ដូច្នេះ​ខ្ញុំ​សូម​ចេញ​បទបញ្ជា ជូនទៅ​ឯកឧត្ដម លោកជំទាវ ដែលជា​អភិបាល​រាជធានី ខេត្ត​ទាំងអស់ សូមកុំ​ប្រមូល​ប្រជាជន​មក​ធ្វើការ​បណ្ដុះបណ្ដាល​រៀនសូត្រ សម្រាប់​ការបោះឆ្នោត​សាកល្បង​នេះ ចាប់ពី​ពេល​ទទួល​បទបញ្ជា​នេះ​តទៅ​។​ព្រោះ​ខ្ញុំ​បានដឹងថា​នៅ​ថ្ងៃស្អែក​នេះ នឹងមាន​ការហ្វឹកហាត់​នៅ​ខេត្ត​មួយចំនួន ដូច្នេះ​ខ្ញុំ​ត្រូវ​បង្ខំចិត្ត​ចេញ​បទបញ្ជា​នេះ ដើម្បី​ទប់ស្កាត់​ការប្រមូល​ប្រជាជន​ដើម្បី​មក​ហ្វឹកហាត់ ប្រើប្រាស់​ប៊ិច ឬក៏​របៀប​ណាមួយ​នោះ ក្នុងការ​បោះឆ្នោត​សាកល្បង ដែល​គ្មាន​ការចាំបាច់​ទាល់តែសោះ​។​”

សម្ដេច​តេ​ជោ​នាយករដ្ឋមន្ត្រី ក៏បាន​សូម​អភ័យទោស ចំពោះ​ឯកឧត្ដម លោកជំទាវ នៅក្នុង​គណៈកម្មាធិការ​ជាតិ​រៀបចំ​ការបោះឆ្នោត ដោយ​សម្ដេច​បានបញ្ជាក់​ថា​«​ព្រោះ​ខ្ញុំ​គ្មាន​ជម្រើស​ណា​ឱ្យ​ល្អ​ជាង​ជម្រើស ដែល​ខ្ញុំ​ត្រូវ​អំពាវនាវ​ចំពោះ​ប្រជាពលរដ្ឋ ដាក់បទបញ្ជា​ឱ្យ​អភិបាល​រាជធានី ខេត្ត ដើម្បី​បញ្ឈប់​ការប្រមូល​ប្រជាជន​មក​ធ្វើការ​រៀនសូត្រ តាម​ការចាត់​តាំងរបស់​គណៈកម្មាធិការ​រៀបចំ​ការបោះឆ្នោត ទាំង​ថ្នាក់ជាតិ ឬ​ថ្នាក់​ខេត្ត ឬក៏​ថ្នាក់​ណាក៏ដោយ​ចុះ​»​។ សម្ដេច​តេ​ជោ​ប្រមុខ​រាជរដ្ឋាភិបាល បាន​ស្នើឱ្យ​គណៈកម្មាធិការ​ជាតិ​រៀបចំ​ការបោះឆ្នោត ទទួលយក​នូវ​លិខិត​ស្នើសុំ​ជា​ផ្លូវការ​របស់​រាជរដ្ឋាភិបាល ក្នុងឋានៈ​ជា​តំណាងឱ្យ​ជាតិ​ទាំងមូល ក្នុងការ​គ្រប់គ្រង និង​ដោះស្រាយ​ការប្រយុទ្ធប្រឆាំង​កូ​វីដ​-១៩ ក៏ដូចជា កិច្ចការ​ទាក់ទង​នឹង​សកម្មភាព​សេដ្ឋកិច្ច សង្គម របស់​ប្រទេសជាតិ ហើយ​សូមមេត្តា​លុបចោល​នៅ​ការបោះឆ្នោត ថ្ងៃទី​២០ ខែមិថុនា ឆ្នាំ​២០២១​ខាងមុខនេះ តាម​សំណូមពរ​នៃ​លិខិតផ្លូវការ​។ សម្ដេច​តេ​ជោ​គូសបញ្ជាក់​បន្ថែមថា យើង​គោរព​ទៅដល់​ឯករាជ្យភាព​របស់​គណៈ​ក​ម្មា​ធិ​ការ​ជាតិ​រៀបចំ​ការបោះឆ្នោត តែ​គណៈកម្មាធិការ​ជាតិ​រៀបចំ​ការបោះឆ្នោត ក៏ត្រូវ​តែ​យល់​កិច្ចការ​ដ៏​លំបាក​របស់​អង្គនីតិប្រតិបត្តិ និង​អាជ្ញាធរ​គ្រប់លំដាប់​ថ្នាក់​ផងដែរ ក៏ដូចជា​យល់​ទៅដល់​ការលំបាក​របស់​ប្រជាពលរដ្ឋ ដែល​កំពុងតែ​រង​សម្ពាធ​នៃ​ការ​វ៉ៃ​លុក​របស់​កូ​វីដ​-១៩ ក៏ដូចជា​កំពុងតែ​ខិតខំ​ស្ដារឡើងវិញ​នូវ​ជីវភាព​ទាំង​សេដ្ឋកិច្ច សង្គម​៕

ហេង វុធ្ធី

information.kh/ FN

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់