យុគសម័យ - នាព្រឹកថ្ងៃទី៣១ ខែមីនា ឆ្នាំ២០២១ ពិធីប្រគល់និងទទួលនូវម៉ាសចំនួន០១ម៉ឺនសន្លឹក ដែលជាអំណោយរបស់ស្ថានទូតវៀតណាមប្រចាំព្រះរាជាណាចក្រកម្ពុជាជួយដល់ប្រជាជនកម្ពុជា ក្នុងការប្រយុទ្ធប្រឆាំងនឹងជំងឺកូវីដ១៩ ត្រូវបានប្រារព្វធ្វើឡើងនៅអគ្គនាយកដ្ឋានអន្តោប្រវេសន៍។
 |
| ស្ថានទូតវៀតណាមប្រចាំកម្ពុជាប្រគល់ សំភារៈវេជ្ជសាស្រ្តប្រយុទ្ធប្រឆាំងជំងឺកូវីដ១៩ ដល់អគ្គនាយកដ្ឋានអន្តោប្រវេសន៍កម្ពុជា |
នៅក្នុងជំនួប ឯកឧត្តម Lai Xuan Chien អនុប្រធានបេសកកម្មនៃស្ថានទូតវៀតណាមបានជំរាបថា ម៉ាសចំនួន០១ម៉ឹនសន្លឹកទាំងនេះ មកពីសន្តានចិត្តប្រកបដោយមនោសញ្ចេតនាដ៏ស្មោះរបស់ស្ថានទូតវៀតណាមនិងប្រជាជនវៀតណម ក្នុងគោលបំណងជួយដល់ប្រជាជនកម្ពុជា ឲ្យពុះពាររាល់ការលំបាកឧបសគ្គ ក្នុងការប្រយុទ្ធប្រឆាំងនឹងជំងឹកូវីដ១៩ដ៏កាចសាហាវនេះ ព្រមទាំងចូលរួមចំណែកដល់ការពង្រឹង ពង្រីកនូវចំណងសាមគ្គីភាពមិត្តភាពដ៏ល្អប្រពៃរវាងប្រជាជននៃប្រទេសទាំងពីរឲ្យកាន់តែជិតស្និទ្ធថែមទៀត។
លោកជំទាវ Sok Chan Theara អគ្គនាយករងនៃអគ្គនាយកដ្ឋានអន្តោប្រវេសន៍ បានថ្លែងអំណរគុណជូនចំពោះស្ថានទូតវៀតណាម ព្រមទាំងប្រជាជនវៀតណាម ដែលបានជួយឧបត្ថម្ភដល់ ប្រជាជនកម្ពុជាក្នុងការប្រយុទ្ធប្រឆាំងនឹងជំងឺកូវីដ១៩។ លោកជំទាវ អគ្គនាយករង ក៏បានសម្តែងនូវ ការជឿជាក់ថា ដោយមានកិច្ចខិតខំប្រឹងប្រែងដ៏ខ្លាំងក្លានៃរដ្ឋាភិបាល និងប្រជាពលរដ្ឋទាំងមូលនោះ កម្ពុជានិងវៀតណាមពិតជាយកជ័យជំនះលើជំងឺកូវីដ១៩ជាពុំខាន៕
មតិពីមិត្តអ្នកអាន