ក្នុងឱកាសរំលឹកខួបលើកទី ៧៦ នៃការបង្កើតកងទ័ពប្រជាជនវៀតណាម (ថ្ងៃទី២២ ខែធ្នូ ឆ្នាំ១៩៤៤ / ថ្ងៃទី២២ ខែធ្នូ ឆ្នាំ២០២០) និងខួបលើកទី ៣១ ឆ្នាំនៃទិវាការពារប្រទេសនៃប្រជាជនទាំងមូល (ថ្ងៃទី២២ ខែធ្នូ ឆ្នាំ១៩៨៩ / ថ្ងៃទី២២ ខែធ្នូ ឆ្នាំ២០២០) នាព្រឹកថ្ងៃទី ២១ ខែធ្នូ គណៈប្រតិភូនៃស្ថានទូតវៀតណាមប្រចាំកម្ពុជា និងការិយាល័យអនុព័ន្ធយោធាវៀតណាមប្រចាំនៅកម្ពុជា រួមជាមួយតំណាងអង្គការអាជីវកម្ម និងសហគមន៍អាណិកជនវៀតណាមនៅកម្ពុជា ដឹកនាំដោយលោកឯកអគ្គរដ្ឋទូត Vu Quang Minh បានអញ្ជើញមកដាក់កម្រងផ្កា និងអុជធូបគោរពវិញ្ញាណក័្ខន្ធវីរជនយុទ្ធជនពលីនៅស្តូបមិត្តភាពវៀតណាម - កម្ពុជានៅរាជធានីភ្នំពេញ។
ស្ថានទូតវៀតណាមប្រចាំកម្ពុជាអបអរសាទរខួបលើកទី ៧៦ នៃការបង្កើតកងទ័ពប្រជាជនវៀតណាម។។(ប្រភព៖ VOV)
ក្នុងឱកាសនេះ គណៈប្រតិភូនៃកងយោធពលខេមរភូមិន្ទ ដឹកនាំដោយលោកនាយឧត្តមសេនីយ៍ ឯល វ៉ាន់សារ៉ាត់ រដ្ឋលេខាធិការក្រសួងការពារជាតិ ក៏បានអញ្ជើញមកអុជបគោរពវិញ្ញាណក័្ខន្ធវីរជនយុទ្ធជនពលីនៃប្រទេសទាំងពីរកម្ពុជា - វៀតណាម ដែលបានប្រយុទ្ធ និងពលីជីវិតយ៉ាងអង់អាចក្លាហានក្នុងបុព្វហេតុផ្តួលរំលំរបបប្រល័យពូជសាសន៍ ប៉ុល ពត ដើម្បីសន្តិភាព សេរីភាព និងសុភមង្គលរបស់ប្រជាជនកម្ពុជា។
គណៈប្រតិភូនៃកងយោធពលខេមរភូមិន្ទ នៅក្នុងពិធី។
គួរបញ្ជាក់ថា គណៈប្រតិភូនៃស្ថានអគ្គកុងស៊ុលវៀតណាមប្រចាំនៅខេត្តព្រះសីហនុ និងខេត្តបាត់ដំបង ក៏បានមកអុជធូបគោរពវិញ្ញាណក័្ខន្ធនៅស្តូបមិត្តភាពវៀតណាម - កម្ពុជា នៅក្នុងតំបន់ផងដែរ។
ក្នុងឱកាសខួបលើកទី ៧៦ នៃការបង្កើតកងទ័ពប្រជាជនវៀតណាម ពីថ្ងៃទី ២០ ដល់ថ្ងៃទី ២១ ខែធ្នូ ស្ថានទូត និងការិយាល័យអនុព័ន្ធយោធាវៀតណាមប្រចាំនៅកម្ពុជាក៏បានរៀបចំសកម្មភាពប្រកួតកីឡាដែលបានទាក់ទាញការចូលរួមពីអង្គភាពជាច្រើនផងដែរ៕
（យោងតាមកាសែតកងទ័ពប្រជាជន）
មតិពីមិត្តអ្នកអាន