EBA

តាមការ​ប្រកាស​ព័ត៌មាន​របស់​សហភាព​អឺរ៉ុប​ដដែលនេះ បាន​ឲ្យដឹងថា ភាពអនុគ្រោះពន្ធ បាន​ផ្ដល់​ប្រយោជន៍​យ៉ាងច្រើន​សម្រាប់​កម្ពុជា​ក្រោម​ប្រព័ន្ធ​អនុគ្រោះពន្ធ អ្វីៗគ្រប់យ៉ាង​លើកលែង​តែ​អាវុធ (EBA) ដែល​ប្រព័ន្ធអនុគ្រោះពន្ធនេះ អឺរ៉ុប​បាន​ផ្ដល់ជូន​សម្រាប់​ប្រទេស​មានការអភិវឌ្ឍ​តិចតួច។

GMAC បានរៀបចំការណែនាំនេះ សម្រាប់អត្ថប្រយោជន៍សមាជិក និងអ្នកបញ្ជាទិញអន្តរជាតិ ដែលនឹងទទួលរងផលប៉ះពាល់ពីសេចក្ដីសម្រេចរបស់ EU នេះ។ ការណែនាំនេះ ត្រូវបានរៀបចំឡើងដើម្បីផ្តល់ភាពច្បាស់លាស់ អំពីខ្សែបន្ទាត់ពន្ធលើផលិតផល ដែលបាត់បង់អត្ថប្រយោជន៍ EBA និងខ្សែបន្ទាត់ពន្ធលើផលិតផល ដែលបន្តទទួលបានអត្ថប្រយោជន៍ពីការមិនយកពន្ធ និងមិនមានកូតាសម្រាប់ការនាំចូល ទៅទីផ្សារសហភាពអឺរ៉ុប។

ជាក់ស្ដែង តាំងពី​ចាប់ផ្ដើម​មាន​ការឆ្លងរីករាលដាល​នៃមេរោគ​កូវីដ-១៩ មក យ៉ាងហោចណាស់​មាន​រោងចក្រ​ប្រមាណ ២៥០ រោងចក្រ​ហើយ​នៅកម្ពុជា ក្នុងវិស័យ​កាត់ដេរ​សម្លៀកបំពាក់ ស្បែកជើង និង​សម្ភារសម្រាប់​ការធ្វើដំណើរ ត្រូវបាន​ព្យួរប្រតិបត្តិការ ហើយ​មាន​រោងចក្រ​កំពុង​ប្រតិបត្តិការ​ផ្សេងទៀត បាន​កាត់បន្ថយ​សមត្ថភាពផលិត​របស់ខ្លួន។ ក្នុងនោះដែរ ក៏មាន​កម្មករ​ប្រមាណ ជាង ១៣ម៉ឺននាក់ នៅក្នុង​វិស័យនេះ ដែលភាគច្រើន​ជា​ស្ត្រី គឺបានបាត់បង់ការងារធ្វើ ហើយចំនួននេះ ក៏ទំនង​ជាងនឹងកើនឡើង​ថែមទៀតដែរ។ នេះបើតាមការគូសបញ្ជាក់​របស់​GMAC។

សហភាព​អឺរ៉ុប បាន​បង្វែរ​ហិរញ្ញប្បទាន​ឥត​សំណង​៥៦​លាន​អឺរ៉ូ (​ជាង​៦០​លាន​ដុល្លារ​) ពី​កម្មវិធី​កំពុងដំណើរការ​មួយចំនួន ជូន​មក​រដ្ឋាភិបាល​កម្ពុជា សម្រាប់​ចំណាយ​លើ​វិស័យ​គាំពារ​សង្គម​ជា​អាទិភាព និង​ការងារ​បន្ទាន់​របស់រ​ដ្ឋា​ភិ​បាល ក្នុងការ​ស្ដារ​សម្បទា​សេដ្ឋកិច្ច​-​សង្គម​ឡើងវិញ ពី​វិបត្តិ​ជំងឺ​កូ​វិដ​-១៩​។ នេះ​បើតាម​សេចក្តីប្រកាស​ព័ត៌មាន​របស់​ក្រសួង​សេដ្ឋកិច្ច​ស្តីពី​ជំនួប​រវាង​លោក អូន ព័ន្ធមុនីរ័ត្ន រដ្ឋមន្ត្រីក្រសួង​សេដ្ឋកិច្ច និង​លោកស្រី Carmen Moreno ឯកអគ្គរដ្ឋទូត​នៃ​សហភាព​អឺរ៉ុប​ប្រចាំ​កម្ពុជា តាម Video Conference នៅ​ថ្ងៃទី​២០ ខែមេសា ឆ្នាំ​២០២០​។​

នៅព្រឹកថ្ងៃទី ២៤ ខែកុម្ភៈនេះ សម្តេច ហ៊ុន សែននាយករដ្ឋមន្ត្រី កម្ពុជា បានលើកឡើងថា នៅអំឡុងពេលរោងចក្រកាត់ដេរបិទទ្វារ​បណ្ដោះអាសន្ន ដែលអាចនឹងចាប់ផ្ដើមឡើងនៅខែមីនាខាងមុខនេះ កម្មករកម្មការិនីរោងចក្រដេរ ដែលធ្វើការនៅក្នុងរោងចក្រនោះ នឹងត្រូវទទួលបានប្រាក់ខែ ៦០% នៃ ប្រាក់ខែសរុបបច្ចុប្បន្នរបស់ពួកគេ។

ក្រោយពីសហភាពអឺរ៉ុប ប្រកាសថាកម្មវិធីប្រព័ន្ធអនុគ្រោះពន្ធ អ្វីៗគ្រប់យ៉ាងលើកលែងតែអាវុធ (EBA)នោះ នៅថ្ងៃទី ១២ ខែសីហា ឆ្នាំ២០២០ខាងមុខនេះ សេចក្ដីប្រកាសដកនេះ នឹងចូលធរមានហើយ មានន័យថា ផលិតផលវិស័យកាត់ដេរប្រមាណ ២០% នឹងត្រូវតម្រូវឲ្យបង់ពន្ធនាំចូលទៅអឺរ៉ុប។ ទន្ទឹមនឹងនេះដែរ រាជរដ្ឋាភិបាលកម្ពុជាឯណេះវិញ ក៏មិននៅស្ងៀមដែរ ពោលគឺបាននិងកំពុងខ្នះខ្នែងស្វែងរកការចរចាកិច្ចព្រមព្រៀងពាណិជ្ជកម្មសេរី (FTA) ជាមួយចិន ដោយរំពឹងថា នឹងអាចបញ្ចប់កិច្ចចរចានៅពាក់កណ្ដាលឆ្នាំនេះ និងចុះហត្ថលេខានៅចុងឆ្នាំនេះផងដែរ។

តាមរយៈអ្នកនាំពាក្យក្រសួងការបរទេសចិន នៅល្ងាចថ្ងៃទី១២ ខែកុម្ភៈ ឆ្នាំ២០២០នេះ បានប្រកាសក្តែងៗប្រឆាំងដាច់ខាតចំពោះការយកបញ្ហា EBA ដើម្បីជ្រៀតជ្រែកចូលកិច្ចការផ្ទៃក្នុងរបស់ប្រទេសកម្ពុជា។ ការប្រកាសនេះបានធ្វើឡើងតាមរយៈសន្និសីទកាសែតមួយ នៅល្ងាចថ្ងៃអង្គារនេះ មុនពេលដែលសហភាពអឺរ៉ុប ចេញសេចក្តីសម្រេចពាក់ព័ន្ធ ប្រព័ន្ធអនុគ្រោះពន្ធអ្វីៗទាំងអស់លើកលែងតែអាវុធ (EBA) នៅថ្ងៃទី១២ ខែកុម្ភៈ ឆ្នាំ២០២០នេះ។

ថ្លែងក្នុងពិធីបើកការដ្ឋានស្តារ និងសាងសង់ផ្លូវជាតិលេខ២ និង២២ នៅព្រឹកថ្ងៃទី១១ ខែកុម្ភៈ ឆ្នាំ២០២០នេះ សម្តេចតេជោ ហ៊ុន សែន បានថ្លែងថា ចំពោះបញ្ហាការដក ឬរក្សាប្រព័ន្ធអនុគ្រោះពន្ធទំនិញគ្រប់យ៉ាងលើកលែងតែសព្វាវុធ ហៅកាត់ថា EBA នេះពីកម្ពុជា សម្តេចនឹងមិនស្នើឲ្យអឺរ៉ុបរក្សាទុក ឬដកនោះទេ។ តែសម្តេចនៅតែរក្សាជំហរ មិនយកអធិបតេយ្យជាតិ និងឯករាជ្យ ទៅដោះដូរនឹងអ្នកណានោះឡើយ។

លោក Joseph Borrell Fontelles អនុប្រធាន​គណៈកម្មការ​អឺរ៉ុប នៅថ្ងៃ​ទី​១៥ ខែ​ធ្នូ​នេះ បាន​និយាយ​ថា លោក​បាន​ជួប​ជាមួយ​រដ្ឋមន្រ្តី​ក្រសួង​ការបរទេស​កម្ពុជា​ លោក ប្រាក់ សុខុន និង​បាន​និយាយ​គ្នា​អំពី​ប្រព័ន្ធ​អនុគ្រោះ​ពន្ធ EBA ហើយ​បាន​អះអាង​ថា ​កិច្ច​ប្រឹងប្រែង​នៅតែ​ត្រូវការ ដើម្បី​ធ្វើ​ឱ្យ​ប្រសើរឡើង​នូវ​ស្ថានភាព​សិទ្ធិ​មនុស្ស និង​ប្រជាធិបតេយ្យ​នៅ​កម្ពុជា។

នៅថ្ងៃទី១២ ខែធ្នូ ឆ្នាំ២០១៩នេះ ក្រសួងការបរទេសនិងសហប្រតិបត្តិការអន្តរជាតិកម្ពុជាបានបានដាក់របាយការណ៍ជូនគណៈកម្មការអឺរ៉ុប។ ជាមួយនឹងការដាក់របាយការណ៍នេះ រាជរដ្ឋាភិបាលសង្ឃឹមថា គណៈកម្មការអឺរ៉ុបនឹងធ្វើការពិចារណាលើកិច្ចខិតខំប្រឹងប្រែងប្រកបដោយសុឆន្ទៈរបស់រាជរដ្ឋាភិបាល ក្នុងការអនុវត្តរាល់អនុសញ្ញាអន្តរជាតិទាំងអស់ ក្រោមលក្ខខណ្ឌអនុគ្រោះពន្ធ «គ្រប់មុខទំនិញលើកលែងសព្វាវុធ-EBA»។ នេះបើតាមសេចក្តីថ្លែងការណ៍ របស់ក្រសួងការបរទេស និងសហប្រតិបត្តិការអន្តរជាតិ។

ក្នុងឱកាសស្នាក់អាស្រ័យ និងបំពេញការងារនៅទីក្រុងប៊ុយដាប៉ែស ប្រទេសហុងគ្រី នារសៀលថ្ងៃទី១៥ ខែតុលា ឆ្នាំ២០១៩នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជួបពិភាក្សាការងារជាមួយលោក Janos Ader ប្រធានាធិបតី នៃសាធារណរដ្ឋហុងគ្រី។លោក Janos Ader ប្រធានាធិបតីហុងគ្រី បានប្រកាសជំហរថា រដ្ឋាភិបាលហុងគ្រី ក្នុងនាមជាសមាជិកអឺរ៉ុប នឹងនៅតែបន្តគាំទ្រដល់ប្រទេសកម្ពុជា ហើយប្រឆាំងចំពោះការដកប្រព័ន្ធអនុគ្រោះពន្ធ អ្វីៗទាំងអស់លើកលែងតែអាវុធ (EBA) ពីប្រទេសកម្ពុជា។

រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ លោក ប្រាក់ សុខុន កាលពីថ្ងៃទី១ ខែសីហា បានជួបទ្វេភាគី ជាមួយតំណាងជាន់ខ្ពស់ផ្នែកកិច្ចការបរទេស និងគោលនយោបាយសន្តិសុខរបស់សហភាពអឺរ៉ុបលោកស្រី Federica Mogherini នៅទីក្រុងបាងកក ប្រទេស ថៃ នៅក្រៅកិច្ចប្រជុំរដ្ឋមន្ត្រីការបរទេសអាស៊ានលើកទី៥២។

យុគសម័យ - សហភាពអឺរ៉ុបបានឯកភាពគ្នាបន្តកិច្ចសន្ទនា ដើម្បីរកដំណោះស្រាយ នៅក្នុងការរក្សាប្រព័ន្ធអនុគ្រោះពន្ធ លើទំនិញគ្រប់យ៉ាងលើកលែងតែសព្វាវុធ ហៅកាត់ថា EBAជូនប្រទេសកម្ពុជា។ នេះបើយោងតាមលោក កេត សោផាន់ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ។