ជាក់ស្ដែង តាំងពីចាប់ផ្ដើមមានការឆ្លងរីករាលដាលនៃមេរោគកូវីដ-១៩ មក យ៉ាងហោចណាស់មានរោងចក្រប្រមាណ ២៥០ រោងចក្រហើយនៅកម្ពុជា ក្នុងវិស័យកាត់ដេរសម្លៀកបំពាក់ ស្បែកជើង និងសម្ភារសម្រាប់ការធ្វើដំណើរ ត្រូវបានព្យួរប្រតិបត្តិការ ហើយមានរោងចក្រកំពុងប្រតិបត្តិការផ្សេងទៀត បានកាត់បន្ថយសមត្ថភាពផលិតរបស់ខ្លួន។ ក្នុងនោះដែរ ក៏មានកម្មករប្រមាណ ជាង ១៣ម៉ឺននាក់ នៅក្នុងវិស័យនេះ ដែលភាគច្រើនជាស្ត្រី គឺបានបាត់បង់ការងារធ្វើ ហើយចំនួននេះ ក៏ទំនងជាងនឹងកើនឡើងថែមទៀតដែរ។ នេះបើតាមការគូសបញ្ជាក់របស់GMAC។
GMAC ស្នើឲ្យ EU លើកពេលការដកប្រព័ន្ធអនុគ្រោះពន្ធ EBA ទៅខែសីហា ឆ្នាំ២០២១វិញ
ជាថ្មីម្ដងទៀត នៅថ្ងៃទី ០២ ខែមិថុនា ឆ្នាំ២០២០នេះ សមាគមរោងចក្រកាត់ដេរកម្ពុជា បានដាក់លិខិតមួយ ស្នើទៅដល់សហភាពអឺរ៉ុប ឲ្យពិចារណាពន្យារពេលក្នុងការដកប្រព័ន្ធអនុគ្រោះពន្ធ EBA ផ្នែកខ្លះ ពីកម្ពុជា ដែលតាមផែនការរបស់ EU គឺគ្រោងនឹងចាប់ផ្ដើមអនុវត្តដកប្រព័ន្ធអនុគ្រោះពន្ធ EBA នេះ នៅថ្ងៃទី ១២ ខែសីហា ឆ្នាំ២០២០ ប៉ុន្ដែ សមាគមរោងចក្រកាត់ដេរកម្ពុជា (GMAC) បានស្នើឲ្យ ពន្យារពេលការដកប្រព័ន្ធអនុគ្រោះពន្ធ EBAនេះ ទៅថ្ងៃទី ១២ ខែសីហា ឆ្នាំ២០២១វិញ។
ការស្នើទៅកាន់ EU ឲ្យពន្យារពេលដកប្រព័ន្ធអនុគ្រោះពន្ធ EBA ពីកម្ពុជារបស់ GMAC នាពេលនេះ គឺក្រោមហេតុផលថា វិស័យកាត់ដេរសម្លៀកបំពាក់ និងស្បែកជើងរបស់កម្ពុជា កំពុងរងផលប៉ះពាល់យ៉ាងដំណំ ព្រោះតែការរីករាលដាលនៃមេរោគកូវីដ-១៩។
ជាក់ស្ដែង តាំងពីចាប់ផ្ដើមមានការឆ្លងរីករាលដាលនៃមេរោគកូវីដ-១៩ មក យ៉ាងហោចណាស់មានរោងចក្រប្រមាណ ២៥០ រោងចក្រហើយនៅកម្ពុជា ក្នុងវិស័យកាត់ដេរសម្លៀកបំពាក់ ស្បែកជើង និងសម្ភារសម្រាប់ការធ្វើដំណើរ ត្រូវបានព្យួរប្រតិបត្តិការ ហើយមានរោងចក្រកំពុងប្រតិបត្តិការផ្សេងទៀត បានកាត់បន្ថយសមត្ថភាពផលិតរបស់ខ្លួន។ ក្នុងនោះដែរ ក៏មានកម្មករប្រមាណ ជាង ១៣ម៉ឺននាក់ នៅក្នុងវិស័យនេះ ដែលភាគច្រើនជាស្ត្រី គឺបានបាត់បង់ការងារធ្វើ ហើយចំនួននេះ ក៏ទំនងជាងនឹងកើនឡើងថែមទៀតដែរ។ នេះបើតាមការគូសបញ្ជាក់របស់GMAC។
លោកឧកញ៉ា វ៉ាន់ ស៊ូអៀង ប្រធានសមាគមរោងចក្រកាត់ដេរកម្ពុជា បានព្រមានថា ប្រសិនបើការដកប្រព័ន្ធអនុគ្រោះពន្ធ EBA នឹងបន្ដនៅពេលខាងមុខ មានការបញ្ជាទិញ និងការងារកាន់តែច្រើននឹងបាត់បង់ ឬនឹងមិនអាចមានត្រឡប់មកវិញនោះទេ។ សហភាពអឺរ៉ុប មិនត្រូវព្រងើយកន្ដើយនឹងស្ថានភាពធ្ងន់ធ្ងរនិងផលប៉ះពាល់បំផ្លិចបំផ្លាញ នៃការដកអត្ថប្រយោជន៍ នៃប្រព័ន្ធអនុគ្រោះ EBA នៅក្នុងខែសីហា ខាងមុខនោះទេ ដោយសារតែផលប៉ះពាល់នៃការរីករាលដាលនៃមេរោគ នៅតែមានចំពោះវិស័យកាត់ដេររបស់កម្ពុជា។
សមាគមរោងចក្រកាត់ដេរកម្ពុជា បានស្នើដល់សហភាពអឺរ៉ុប ឲ្យធ្វើការវាយតម្លៃម្ដងទៀត អំពីផលប៉ះពាល់នៃការសម្រេចចិត្តរបស់ខ្លួន នៅក្នុងវិបត្តិដែលកំពុងកើតមាននេះ ហើយស្នើឲ្យមានការពន្យារពេលការដកផ្នែកខ្លះនៃអត្ថប្រយោជន៍ពីភាពអនុគ្រោះពន្ធ EBA ពីកម្ពុជា យ៉ាងហោចណាស់ត្រូវពន្យាររយៈពេល ១២ខែទៀត ដែលអាចរហូតដល់ ខែសីហា ឆ្នាំ២០២១។
លោក Ben Kao អគ្គលេខាធិការសមាគមរោងចក្រកាត់ដេរកម្ពុជា បានលើកឡើងថា «រាប់រយពាន់គ្រួសារកម្ពុជា ស្ថិតនៅក្នុងហានិភ័យបាត់បង់ការងារ និងមានពលរដ្ឋកម្ពុជារាប់លាននាក់ អាចនឹងត្រឡប់ទៅកាន់ភាពក្រីក្រឡើងវិញ ប្រសិនបើគ្មានអ្វីត្រូវបានធ្វើទេនោះ»។
បើតាមសមាគមរោងចក្រកាត់ដេរកម្ពុជា មានក្រុមហ៊ុនម៉ាក និងអ្នកលក់រាយជាច្រើននៅអឺរ៉ុប និអាមេរិកខាងជើង ត្រូវបានបង្ខំចិត្ត លុបចោលការបញ្ជាទិញ ឬមានអ្នកខ្លះរហូតដល់ក្ស័យធន ដោយសារតែផលប៉ះពាល់នៃមេរោគកូវីដ-១៩។
តាមការប៉ាន់ប្រមាណរបស់ GMAC នៅត្រីមាសទី ២ ឆ្នាំ២០២០ ការលក់ផលិតផលសម្លៀកបំពាក់ ស្បែកជើង និងផលិតផលធ្វើដំណើរ នឹងមានការធ្លាក់ចុះដល់ទៅ ៥០ ទៅ៦០ភាគរយ ធៀបនឹងឆ្នាំ២០១៩ ហើយវាអាចនឹងមានការប្រសើរឡើងតិចតួចប៉ុណ្ណោះ នៅមុនឆ្នាំ២០២១។
លោក Amaud Darc ប្រធានសភាពាណិជ្ជកម្មអឺរ៉ុបប្រចាំកម្ពុជា បានលើកឡើងថា ការរីករាលដាលនៃមេរោគកូវីដ-១៩ បាននិងកំពុងធ្វើឲ្យប៉ះពាល់យ៉ាងខ្លាំងដល់សេដ្ឋកិច្ចពិភពលោក ហើយស្ថានភាពនេះ ក៏មិនខុសពីប្រទេសកម្ពុជាដែរ ដែលការអភិវឌ្ឍរបស់កម្ពុជាគឺពឹងផ្អែកខ្លាំងទៅលើពាណិជ្ជកម្មជាមួយសហភាពអឺរ៉ុប៕
（សរុបដោយវិច្ឆិកា）
មតិពីមិត្តអ្នកអាន