កម្ពុជាអំពាវនាវឱ្យប្រទេសសមាជិកចំនួន ៦ ក្នុងកិច្ចសហប្រតិបត្តិការ មេគង្គ - ឡានឆាងរឹតចំណងសាមគ្គីភាពក្នុងការប្រយុទ្ធប្រឆាំងនឹងជំងឺកូវីដ-១៩

មេគង្គ - អាមេរិកដំឡើងទំនាក់ទំនងភាពជាដៃគូ

ថ្នាក់ដឹកនាំមេគង្គ - ឡានឆាងបានប្តេជ្ញាចិត្តសហប្រតិបត្តិការខាងសេដ្ឋកិច្ច

ឯកឧត្តម ប្រាក់សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា

នាថ្ងៃទី ២៤ ខែមីនា លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា បានអំពាវនាវដល់ប្រទេសសមាជិកចំនួន ៦ ក្នុងកិច្ចសហប្រតិបត្តិការមេគង្គ - ឡានឆាង (LMC) បន្តបង្ហាញពីចំណងសាមគ្គីភាពរបស់ខ្លួនក្នុងការឆ្លើយតបនឹងជំងឺកូវីដ-១៩។

ក្នុងសារនៃពិធីរំលឹក“ទិវាសប្តាហ៍នៃកិច្ចសហប្រតិបត្តិការមេគង្គ -ឡានឆាង ឆ្នាំ២០២១ ដែលជាព្រឹត្តិការណ៍ប្រចាំឆ្នាំ លោក សុខុន បានមានប្រសាសន៍ថាឆ្នាំ ២០២០ ត្រូវបានគ្របដណ្តប់ដោយជំងឺរាតត្បាតកូវីដ-១៩ ហើយជំងឺនេះក៏ជះឥទ្ធិពលយ៉ាងទូលំទូលាយដល់សុវត្ថិភាពនៃសុខភាពសាធារណៈ និងការធ្វើដំណើររបស់មនុស្ស ក៏ដូចជាលំហូរនៃសង្វាក់ផ្គត់ផ្គង់សកលផងដែរ។

លោកប្រាក់សុខុន បានបញ្ជាក់ថែមទៀតថា ដើម្បីធានាបាននូវការស្តារសេដ្ឋកិច្ច - សង្គមឡើងវិញ បន្ទាប់ពីវិបត្តិជំងឺកូវីដ-១៩ នៅឯកិច្ចប្រជុំថ្នាក់ដឹកនាំ LMC លើកទី ៣ កាលពីខែសីហាឆ្នាំ ២០២០ ថ្នាក់ដឹកនាំនៃប្រទេស LMC បានអះអាងសារជាថ្មីម្តងទៀតនូវការប្តេជ្ញាចិត្តក្នុងការដោះស្រាយផលប៉ះពាល់ដ៏ធ្ងន់ធ្ងរដោយសារជំងឺកូវីដ-១៩ ដោយការពង្រីកនិងពង្រឹងកិច្ចសហប្រតិបត្តិការសុខភាពសាធារណៈ តាមរយៈការបង្កើតសហគមន៍សុខាភិបាលសាធារណៈមេគង្គ - ឡានឆាងផងដែរ។

បើតាមលោកសុខុនក្នុងរយៈពេល ៥ ឆ្នាំកន្លងមកនេះ LMC បានបង្ហាញថានេះគឺជាក្របខ័ណ្ឌសមស្របសម្រាប់កិច្ចសហប្រតិបត្តិការនៅពេលលើកកម្ពស់កិច្ចសហប្រតិបត្តិការឱ្យកាន់តែជិតស្និទ្ធក្នុងចំណោមប្រទេសសមាជិកចំនួន ៦ ក្នុងការដោះស្រាយបញ្ហាប្រឈមក្នុងតំបន់ ក្នុងស្មារតីនៃការបើកចំហបើកចំហនិងភ្ជាប់ទំនាក់ទំនងជាមួយនឹងយន្តការសហប្រតិបត្តិការអនុតំបន់ដែលមានស្រាប់ផ្សេងៗទៀតផង ដែរ៕

ហេង វុធ្ធី

Vietnamplus