យុគសម័យ - នៅថ្ងៃទី ២៤ ខែសីហា កិច្ចប្រជុំកំពូលមេគង្គ-ឡានឆាងលើកទី ៣ បានរៀបចំ តាមរយៈប្រព័ន្ធវីដេអូ នៅព្រឹកថ្ងៃទី២៤ ខែសីហា ឆ្នាំ២០២០ ក្នុងគោលបំណងរួមគ្នាលើកកម្ពស់ការអភិវឌ្ឍ នាពេល អនាគតរបស់មេគង្គ - ឡានឆាង។
លោកនាយករដ្ឋមន្រ្តីឡាវ Thongloun Sisoulith បានអញ្ជើញថ្លែងសន្ទរកថា នៅក្នុងកិច្ចប្រជុំនេះ។ (រូបថត៖ ទីភ្នាក់ងារសារព័ត៌មានវៀតណាម)
កិច្ចប្រជុំកំពូលមេគង្គ-ឡានឆាងលើកទី៣នេះ ប្រទេសឡាវធ្វើជាម្ចាស់ផ្ទះរៀបចំកិច្ចប្រជុំដែលមានលោក ថងលូន ស៊ីស៊ូលីត នាយករដ្ឋមន្ត្រីឡាវ និងលោក លី ខឺឈាង នាយករដ្ឋមន្ត្រីចិន ធ្វើជាសហប្រធាននៃកិច្ចប្រជុំ។ សមាជិកនៃមេគង្គ - ឡានឆាងគឺមានប្រទេស ៦ ដូចជា ៖ កម្ពុជា, ឡាវ, មីយ៉ាន់ម៉ា, ថៃ, វៀតណាម និងចិន។
សេចក្តីថ្លែងការណ៍របស់សហប្រធាននៃអង្គប្រជុំនេះបានប្រកាសចេញ បន្ទាប់ពីកិច្ចប្រជុំនេះបានលើកឡើងថា ថ្នាក់ដឹកនាំនៃមេគង្គ -ឡានឆាង បានទទួលស្គាល់មេគង្គ -ឡានឆាង គឺជាយន្តការសហប្រតិបត្តិការក្នុងអនុតំបន់ថ្មី ដោយមានការពិគ្រោះយោបល់ធ្វើឲ្យស៊ីជម្រៅ ការចូលរួមចំណែកនិងការចែករំលែកផលប្រយោជន៍ក្នុងចំណោមបណ្តាប្រទេសរជាសមាជិកទាំង ៦ ការប្តេជ្ញាចិត្តចំពោះកិច្ចសហប្រតិបត្តិការខាងសេដ្ឋកិច្ច និងការអភិវឌ្ឍឆ្លងកាត់ព្រំដែនក្នុងចំណោមប្រទេសក្នុងតំបន់ តាមរយៈការជំរុញពាណិជ្ជកម្មនិងការវិនិយោគ។
ថ្នាក់ដឹកនាំទាំងនោះបានសង្កត់ធ្ងន់ថាគំនិតផ្តួចផ្តើមរបៀងពាណិជ្ជកម្មតាមសមុទ្រ - ដីគោកអន្តរជាតិថ្មីនឹងពង្រីកនិងពង្រឹងទំនាក់ទំនងពហុភាគីរវាងអាស៊ីអាគ្នេយ៍និងអឺរ៉ុប -អាស៊ី តាមរយៈ តំបន់ ខាងលិចរបស់ប្រទេសចិន ដោយផ្តោតលើក្លាយជារបៀង ពាណិជ្ជកម្មអន្តរជាតិលើគ្រប់ជ្រុងជ្រោយ ដោយតភ្ជាប់បណ្តាញផលិតកម្មក្នុងតំបន់និងបណ្តាញផ្គត់ផ្គង់ តាមរយៈការភ្ជាប់ផ្លូវគោកនិងផ្លូវសមុទ្រដែលបង្កលក្ខណៈងាយស្រួលសម្រាប់ចរាចរទំនិញ ។
មេដឹកនាំបានទទួលស្គាល់ពីសារៈសំខាន់នៃកិច្ចសហប្រតិបត្តិការរួមគ្នានៅក្នុងតំបន់មេគង្គ ឡានឆាងនិង របៀងពាណិជ្ជកម្មតាមសមុទ្រ - ដីគោកអន្តរជាតិថ្មី ដើម្បីបង្កើនកិច្ចសហប្រតិបត្តិការខាងសេដ្ឋកិច្ច ពាណិជ្ជកម្មនិងការវិនិយោគក្នុងចំណោមបណ្តាប្រទេសមេគង្គ - ឡានឆាង ជំរុញការធ្វើពាណិជ្ជកម្មដោយរលូននិងការវិនិយោគប្រកបដោយចីរភាព លើកកម្ពស់សមត្ថភាពនៃខ្សែសង្វាក់ផ្គត់ផ្គង់និងឧស្សាហកម្ម នៅក្នុងតំបន់និងកសាងសេដ្ឋកិច្ចអនុតំបន់ដែលមានលក្ខណៈរឹងមាំ និរន្តរភាពនិងការប្រកួតប្រជែង។ ទទួលស្គាល់ឱកាសសម្រាប់ការជំរុញបណ្តាយុទ្ធសាស្ត្រអភិវឌ្ឍន៍ជាតិរបស់បណ្តាប្រទេសជាសមាជិកមេគង - ឡានឆាង ជាពិសេសក្នុងការអភិវឌ្ឍហេដ្ឋារចនាសម្ព័ន្ធនិងការតភ្ជាប់និងរបៀងពាណិជ្ជកម្មអន្តរជាតិសមុទ្រ - ដីគោក ដើម្បីលើកកម្ពស់កិច្ចសហប្រតិបត្តិការខាងសេដ្ឋកិច្ចនិងពង្រឹងការតភ្ជាប់និងការអភិវឌ្ឍន៍ក្នុងចំណោមប្រទេសជាសមាជិកក្នុងអនុតំបន់មេគង្គ - ឡានឆាង និងតំបន់ជាច្រើនទៀត។
សេចក្តីថ្លែងការណ៍បានលើកឡើងថា ថ្នាក់ដឹកនាំបានបញ្ជាក់ជាថ្មីនូវការប្តេជ្ញាចិត្តរបស់ខ្លួនក្នុងការជំរុញកិច្ចសហប្រតិបត្តិការ ក្នុងការតភ្ជាប់ ពាណិជ្ជកម្មការ វិនិយោគនិងសមត្ថភាពផលិតកម្មតាមរយៈការបង្កើនការសម្របសម្រួលពាណិជ្ជកម្ម ដើម្បីស្វែងរកមធ្យោបាយផ្សេងៗទៀត។ ការតភ្ជាប់នៅលើដីគោកនិងនៅសមុទ្រការធ្វើសកម្មភាពជំរុញពាណិជ្ជកម្មនិងវិនិយោគផ្សេងៗគ្នា ខណៈពេលដែលការផ្គត់ផ្គង់ក្នុងតំបន់ប្រកបដោយនិរន្តរភាពនិងបត់បែន ក៏ដូចជាបណ្តាញឧស្សាហកម្មដើម្បីលើកកម្ពស់ជីវភាពប្រកបដោយគុណភាពខ្ពស់ និងការអភិវឌ្ឍប្រកបដោយចីរភាពនៃតំបន់មេគង្គ - ឡានឆាង។
បណ្តាប្រទេសជាសមាជិកមេគង្គ - ឡានឆាង នឹងពង្រឹងកិច្ចសហប្រតិបត្តិការនៅក្នុងសេដ្ឋកិច្ចឌីជីថល ការអភិវឌ្ឍធនធានមនុស្សក៏ដូចជាសហគ្រាសខ្នាតតូចនិងមធ្យម (MSMEs) ដើម្បីទប់ទល់នឹងផលប៉ះពាល់អវិជ្ជមាននៃការរីករាលដាលជំងឺ COVID-19 បង្កើតការងារ បន្តផលិតកម្មនិងការស្តារសេដ្ឋកិច្ចឡើងវិញ។
ថ្នាក់ដឹកនាំទាំងនោះក៏បានសន្យាថានឹងធ្វើឱ្យស៊ីជម្រៅកិច្ចសហប្រតិបត្តិការរវាងបណ្តាប្រទេសមេគង្គ - ឡានឆាង ក្នុងក្របខណ្ឌគំនិតផ្តួចផ្តើមខ្សែក្រវ៉ាត់មួយនិងផ្លូវមួយ ដើម្បីលើកកម្ពស់ការបង្រួបបង្រួមនៃមេគង្គ ឡានឆាង និងរបៀងពាណិជ្ជកម្មតាមសមុទ្រ -ដីគោកអន្តរជាតិថ្មី ដើម្បីគាំទ្រដល់ការកសាងសហគមន៍អាស៊ាន./.(បកប្រែដោយឌីណា)
មតិពីមិត្តអ្នកអាន