វៀតណាមជឿជាក់ថា ក្រោមការដឹកនាំរបស់នាយករដ្ឋមន្ត្រី និងប្រធានរដ្ឋសភាថ្មី កម្ពុជានឹងបន្តសម្រេចបាននូវសមិទ្ធិផលជាច្រើនថែមទៀតក្នុងបុព្វហេតុកសាងប្រទេសជាតិ។
 ថ្នាក់ដឹកនាំវៀតណាមអបអរសាទរកម្ពុជាដែលបានរៀបចំការបោះឆ្នោតជ្រើសតាំងតំណាងរាស្ត្រនីតិកាលទី៧ ដោយជោគជ័យ |
 ថ្នាក់ដឹកនាំវៀតណាមជូនពរបុណ្យចូលឆ្នាំថ្មីប្រពៃណីជាតិកម្ពុជា និងឡាវ |
 |
| ថ្នាក់ដឹកនាំវៀតណាមអបអរសាទរកម្ពុជាចំពោះការបង្កើតរដ្ឋសភានីតិកាលទី៧ និងរដ្ឋាភិបាលអាណត្តិទី៧ |
ក្នុងឱកាសដែលព្រះរាជាណាចក្រកម្ពុជាបង្កើតរដ្ឋសភានីតិកាលទី៧ និងរដ្ឋាភិបាលអាណត្តិទី៧ (២០២៣-២០២៨) នាថ្ងៃទី ២២ សីហា លោក Pham Minh Chinh នាយករដ្ឋមន្ត្រីវៀតណាម បានផ្ញើលិខិតអបអរសាទរជូនលោក ហ៊ុន ម៉ាណែត នាយករដ្ឋមន្ត្រីកម្ពុជា។ លោក Vuong Dinh Hue ប្រធានរដ្ឋសភាវៀតណាម បានផ្ញើលិខិតអបអរសាទរជូនលោកស្រី ឃួន សុដារី ប្រធានរដ្ឋសភាកម្ពុជា។
ក្នុងលិខិតអបអរសាទរ ថ្នាក់ដឹកនាំវៀតណាមបានសម្តែងការជឿជាក់ថា ក្រោមការដឹកនាំរបស់នាយករដ្ឋមន្ត្រី និងប្រធានរដ្ឋសភាថ្មី កម្ពុជានឹងបន្តសម្រេចបាននូវសមិទ្ធិផលជាច្រើនថែមទៀតក្នុងបុព្វហេតុកសាងប្រទេសជាតិប្រកបដោយសន្តិភាព ស្ថិរភាព វិបុលភាព និងការអភិវឌ្ឍ មានតួនាទី និងកិត្យានុភាពកាន់តែកើនឡើងក្នុងតំបន់ និងនៅលើពិភពលោក។
ថ្នាក់ដឹកនាំវៀតណាមក៏ជឿជាក់ថា នាពេលខាងមុខ ទំនាក់ទំនងភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និងស្ថិតស្ថេរយូរអង្វែងរវាងវៀតណាម និងកម្ពុជានឹងបន្តរួបរួម និងអភិវឌ្ឍប្រកបដោយផលប្រយោជន៍របស់ប្រជាជននៃប្រទេសទាំងពីរ រួមចំណែកយ៉ាងសកម្មចំពោះសមាគមប្រជាជាតិអាស៊ីអាគ្នេយ៍ (អាស៊ាន) ដើម្បីសន្តិភាព ស្ថិរភាព និងការអភិវឌ្ឍក្នុងតំបន់ និងពិភពលោក។
ក្នុងឱកាសនេះ លោក Bui Thanh Son រដ្ឋមន្ត្រីការបរទេសវៀតណាម បានផ្ញើលិខិតអបអរសាទរជូនលោក សុខ ចិន្តាសោភា ឧបនាយករដ្ឋមន្ត្រី រដ្ឋមន្ត្រីក្រសួងការបរទេសនិងសហប្រតិបត្តិការអន្តរជាតិកម្ពុជា៕
មតិពីមិត្តអ្នកអាន