យុគសម័យ- ដោយបំណងប្រាថ្នាជួយឧបត្ថម្ភប្រជាជនមានដើមកំណើតវៀតណាមមានពិធីបុណ្យតេតសប្បាយរីករាយ ស្ថានអគ្គកុងស៊ុលវៀតណាមប្រចាំនៅខេត្តព្រះសីហនុ (ទទួលបន្ទុកកិច្ចការបរទេសនិង កុងស៊ុលនៅភាគនិរតីនៃប្រទេសកម្ពុជា) សម្របសម្រួលជាមួយគណៈកម្មាធិការប្រតិបត្តិនៃសមាគមខ្មែរ - វៀតណាម នៅខេត្តកោះកុង បានរៀបចំពិធីប្រគល់អំណោយចំនួន ១២០ ឈុតដល់ប្រជាជនមានដើមកំណើតវៀតណាមដែលស្ថិតក្នុងស្ថានភាពលំបាកនៅខេត្តកោះកុង។
ពិធីប្រគល់អំណោយដល់បងប្អូនប្រជាជនមានដើមកំណើតវៀតណាម នៅខេត្តកោះកុង ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម (បុណ្យតេត)ឆ្នាំ ២០២១
អំណោយនីមួយៗមានតម្លៃ ១០ ដុល្លារអាមេរិក រួមមានអង្ករ ១០ គីឡូក្រាម ប្រេងឆា ០១ ដបទឹកស៊ីអ៊ីវ ០១ ដប មីចំនួន ០៥ កញ្ចប់និងថវិកា ៥០០០ រៀលសម្រាប់មធ្យោបាយធ្វើដំណើរ។ តាមសំណើរបស់គណៈកម្មាធិការប្រតិបត្តិនៃសមាគមខ្មែរ - វៀតណាម នៅខេត្តកោះកុងស្ថានអគ្គកុងស៊ុលបានផ្តល់អំណោយចំនួន ៧០/១២០ ខាងលើ ហើយចំនួនអំណោយនៅសល់ចំនួន ៥០ ឈុត ទៀតនឹងត្រូវបានគណៈកម្មធិការប្រតិបត្តិបន្តប្រគល់ដល់បងប្អូនប្រជាជនមានដើមកំណើតវៀតណាម។
ពិធីប្រគល់អំណោយបានធ្វើឡើងនៅព្រឹកថ្ងៃទី ៤ ខែកុម្ភះឆ្នាំ ២០២១ នៅក្រុងខេមរភូមិន្ទក្រោមអធិបតីភាពរបស់លោក ងួន សុធី (Nguyen Nhi Anh) ( ប្រធានសមាគមខ្មែរ - វៀតណាមខេត្តកោះកុង ដោយមានការ ចូលរួមពី សមាជិក នៃគណៈកម្មាធិការប្រតិបត្តិ ខេត្តនិងបងប្អូនជាច្រើន./.（បកប្រែដោយឌីណា）
（ប្រភពព័ត៌មាន: Fb facebook.com/ngocly.vu.）
មតិពីមិត្តអ្នកអាន