សូមថ្លែងអំណរគុណដល់អាជ្ញាធរខេត្តកោះកុងចំពោះការយកចិត្តុកដាក់និងគាំទ្រប្រជាជនមានដើមកំណើតវៀតណាម!

ប្រគល់អំណោយដល់គ្រួសាមានដើមកំណើតវៀតណាមដែលជួបការលំបាកនៅខេត្តតាកែវខេត្តកោះកុង (កម្ពុជា)

និទាឃរដូវបានមកដល់សហគមន៍ខ្មែរ -វៀតណាមនៅខេត្តកោះកុង

លោកអគ្គកុង​ស៊ុ​ល Vu Ngoc Ly ជូន​អំណោយ​​ជូនដល់​លោកស្រី មិថុនា ភូថង អភិបាល​ខេត្តកោះកុង។

នៅក្នុងជំនួបនោះ លោកស្រី មិថុនា ភូថង អភិបាលខេត្តកោះកុង បានវាយតម្លៃខ្ពស់ចំពោះការអភិវឌ្ឍន៍នៃចំណងមិត្តភាពនិងកិច្ចសហប្រតិបត្តិការគ្រប់ជ្រុងជ្រោយរវាងវៀតណាមនិងកម្ពុជា ហើយបានថ្លែងអំណរ​គុណចំពោះមនោសញ្ចេតនាដែលស្ថានអគ្គកុងស៊ុលវៀតណាមជំនាន់ជាច្រើនបានផ្តល់ឱ្យអាជ្ញាធរ​និង​ប្រជាជន​ខេត្ត​កោះកុងអស់រយៈពេលជាច្រើនឆ្នាំមកហើយ។ លោកស្រីអភិបាល​រូបនេះ បានសង្កត់ធ្ងន់ថា ការដែលស្ថានអគ្គកុងស៊ុលតែងតែរៀបចំគណៈប្រតិភូអញ្ជើញទៅសួរសុខទុក្ខនិងចូលរួមក្នុងពិធីបុណ្យប្រពៃណី​ជាតិរៀងៗខ្លួននិងផ្ញើសារអបអរសាទរដល់គ្នាទៅវិញទៅមក ក្នុងឱកាសដ៏សំខាន់ដែល​បានរួមចំណែកពង្រឹងនិងពង្រីកទំនាក់ទំនងរវាងប្រទេសទាំងពីរនិង​ធ្វើ​​ឲ្យ​មនោសញ្ចេតនានិងកិច្ចសហប្រតិបត្តិការរវាង​​វៀតណាមនិយាយរួម​និង​អាជ្ញាធរ ប្រជាជន​ខេត្ត​កោះកុងនិយាយដោយឡែក​កាន់តែ​ស្អិតរមួតថែមទៀត ។

លោកអគ្គកុងស៊ុល Vu Ngoc Ly បានវាយតម្លៃខ្ពស់ចំពោះសមិទ្ធផលធំ ៗ ដែលប្រជាជនកម្ពុជានិយាយរួមនិងខេត្តកោះកុងនិយាយដោយឡែក​សម្រេចបានជាពិសេសនៅក្នុងបរិបទនៃការរីករាលដាលនៃជំងឺកូវីដ ១៩ ។ សូមអបអរសាទរចំពោះប្រទេសកម្ពុជាដែលបានដាក់ពង្រាយការចាក់វ៉ាក់សាំងជំងឺកូវីដ -១៩ សម្រាប់ប្រជាជនទាំងមូល​ដែល​មានអាយុចាប់ពីអាយុ ១៨ ឆ្នាំនិង​ឡើង​ជាង ហើយកំពុងដាក់​ពង្រាយយ៉ាងសកម្មនូវការចាក់វ៉ាក់សាំង​សម្រាប់​ប្រជាជន​គ្រប់វ័យ។ លោកអគ្គកុងស៊ុល Vu Ngoc Ly បាន​ថ្លែង​អំណរ​គុន​លោកស្រី​អភិបាល​ខេត្តកោះកុង​និ​ងអាជ្ញាធរ​ខេត្ត​នេះ​បាន​យកចិត្តទុក​ដាក់​និង​ដាក់​ពង្រាយ​ការចាក់​វ៉ាក់សាំង​សម្រាប់​ប្រជាជន​មានដើមកំណើត​វៀតណាម​ ១០០% ដែលរស់នៅក្នុងខេត្តនេះ។

ទាក់ទងនឹងទំនាក់ទំនងរវាងប្រទេសទាំងពីរ លោកអគ្គកុងស៊ុលមានសេចក្តីរីករាយ ដោយឃើញថា ក្នុងបរិបទនៃការរីករាលដាលនៃជំងឺកូវីដ ១៩ ប្រទេសទាំងពីរនៅតែរក្សាការផ្លាស់ប្តូរ តាមគ្រប់ទម្រង់ (ទាំងដោយផ្ទាល់និងតាមរយៈប្រព័ន្ធអនឡាញ) កិច្ចសហប្រតិបត្តិការខាង​សេដ្ឋកិច្ចនៃប្រទេសទាំងពីរ កិច្ចសហប្រតិបត្តិការសេដ្ឋកិច្ចនៅតែរក្សាសន្ទុះកំណើនយ៉ាងរឹងមាំ ទំហំពាណិជ្ជកម្មទ្វេភាគីសម្រេចបានជាង ៦.៦ ពាន់លានដុល្លារអាមេរិកដែលកើនឡើងជាង ៩៧% បើប្រៀបធៀបនឹងរយៈពេលដូចគ្នាក្នុងឆ្នាំ ២០២០។ លោកអគ្គកុងស៊ុល Vu Ngoc Ly បានសង្កត់ធ្ងន់ថា ក្នុងដំណើរទស្សនកិច្ចរបស់សម្តេច​តេជោ ហ៊ុន សែន​ នាយករដ្ឋមន្ត្រីនៃព្រះរាជាណាចក្រកម្ពុជា ទៅកាន់ប្រទេសវៀតណាម សម្តេចតេជោ ហ៊ុនសែន បានជួបពិភាក្សាការងារជាមួយថ្នាក់ដឹកនាំជាន់ខ្ពស់វៀតណាម (អគ្គលេខាធិការបក្ស ប្រធានរដ្ឋ និងនាយករដ្ឋមន្រ្តី) ដើម្បីពិភាក្សាអំពីវិធានការជំរុញកិច្ចសហប្រតិបត្តិការរវាងប្រទេសទាំងពីរ នៅក្នុងបរិបទបច្ចុប្បន្ននេះ។

សូមថ្លែងអំណរគុណដល់អាជ្ញាធរខេត្តកោះកុងដែលតែងតែយកចិត្តទុកដាក់និងបង្កើតលក្ខខណ្ឌអំណោយផលដល់សហគមន៍ប្រជាជន​វៀតណាមមាន​ដើមកំណើត​វៀតណាម នៅក្នុងខេត្តនេះ លោកអគ្គកុងស៊ុល Vu Ngoc Ly មានបំណងដោយស្មោះថានៅក្នុងពេលខាង​មុខ​នេះ ប្រជាជនមាន​ដើម​កំណើតវៀតណាមនឹងបន្តទទួលជំនួយ ដើម្បីមាន​ស្ថេរភាពក្នុងជីវភាពរស់​នៅដែលរួមចំណែកយ៉ាង​វិជ្ជមាន ក្នុងការអភិវឌ្ឍ​និ រីកចម្រើននៃព្រះរាជាណាចក្រកម្ពុជានិងទំនាក់ទំនងមិត្តភាពរវាងប្រទេសទាំងពីរ។

ក្នុងឱកាសពិធីបុណ្យភ្ជុំបិណ្ឌប្រពៃណីជាតិខ្មែរនេះ លោកអគ្គកុងស៊ុល Vu Ngoc Ly សូមជូនពរដល់លោកស្រីអភិបាលខេត្ត អាជ្ញាធរនិងប្រជាជនខេត្តកោះកុងមានសុខភាពល្អ សំណាងល្អនិងជោគជ័យគ្រប់ភារកិច្ច។

ក្នុងឱកាសនេះផងដែរ ស្ថានអគ្គកុងស៊ុលបានប្រគល់ជូនអាជ្ញាធរខេត្តនូវម៉ាស់ចំនួន ១ ម៉ឺនម៉ាស់ ដើម្បីគាំទ្រដល់ប្រជាពលរដ្ឋក្នុងខេត្ត សំដៅ​ទប់ស្កាត់នឹងការឆ្លងជំងឺកូវីដ ១៩ ។ នេះគឺជាអំណោយពីមូលនិធិទ្រទ្រង់សហគមន៍នៅព្រះរាជាណាចក្រកម្ពុជា៕

ឌីណា