យុគសម័យ - នាថ្ងៃទី ៩ ខែធ្នូឆ្នាំ ២០២០ មជ្ឈមណ្ឌលបណ្តុះបណ្តាលភាសាវៀតណាមសំរាប់និស្សិតបរទេសនៃសាកលវិទ្យាល័យ Cuu Long បានរៀបចំពិធីប្រគល់លិខិតបញ្ជាក់នូវការបញ្ចប់វគ្គៈរៀនភាសា វៀតណាមដល់និស្សិតចំនួន ៤៥ នាក់ ជំនាន់ទី ៦។ ក្នុងនោះនិស្សិត ៣៧ នាក់មកពីប្រទេសឡាវ និស្សិតកម្ពុជាចំនួន ៧ នាក់ និងនិស្សិតមកពីប្រទេសចិនចំនួន ១ នាក់។
រយៈពេលនៃវគ្គសិក្សានីមួយៗគឺ ១០ ខែ និស្សិតនឹងត្រូវបណ្តុះបណ្តាលបំណិនភាសាវៀតណាមចំនួន ៤ រួមមាន៖ ស្តាប់ និយាយ អាននិងសរសេរ។ យ៉ាងហោចណាស់ និស្សិតត្រូវទទួលលិខិតបញ្ជាក់ B1 ជាភាសាវៀតណាម ដើម្បីបន្តការសិក្សានៅក្នុងសាកលវិទ្យាល័យនៅប្រទេសវៀតណាម។
និស្សិតទទួលបានលិខិតបញ្ជាក់នូវការបញ្ចប់វគ្គៈរៀនភាសាវៀតណមា។ (រូបថត៖ កាសែត Vinh Long)
ថ្លែងនៅក្នុងពិធីនេះលោកបណ្ឌិត Nguyen Thanh Dung សាកលវិទ្យាធិការរងនៃសាកលវិទ្យាល័យ Cuu Long បានអបអរសាទរចំពោះនិស្សិតអន្តរជាតិដែលបានបញ្ចប់វគ្គសិក្សានិងទទួលបានលិខិតបញ្ជាក់នូវការបញ្ចប់វគ្គៈរៀនភាសារវៀតណាម។ ទន្ទឹមនឹងនេះសង្ឃឹមថា និស្សិតអន្តរជាតិនឹងបន្តសិក្សា អនុវត្តនិងលើកស្ទួយលលទ្ធភាពនិយាយនិងសរសេរភាសាវៀតណាមរបស់ពួកគេ ដើម្បីបម្រើការសិក្សារបស់ពួកគេ នៅប្រទេសវៀតណាមឱ្យកាន់តែប្រសើរនាពេលខាងមុខ។
សាកលវិទ្យាល័យ Cuu Long គឺជាសាកលវិទ្យាល័យមួយក្នុងចំណោមសាកលវិទ្យាល័យចំនួន ៧ នៅក្នុងវាលទំនាបទន្លេ Cuu Long ដែលទទួលបានការអនុញ្ញាតពីក្រសួងអប់រំនិងបណ្តុះបណ្តាល ដើម្បីបណ្តុះបណ្តាលនិងផ្តល់លិខិតបញ្ជាក់នូវការបញ្ចប់វគ្គៈរៀនភាសាវៀតណាមសម្រាប់ជនបរទេស។
រហូតមកដល់ពេលនេះ សាកលវិទ្យាល័យ Cuu Long មាននិស្សិតបរទេសចំនួន ១៦០ នាក់មកពីប្រទេសឡាវនិងកម្ពុជាកំពុងសិក្សានិស្សិតអន្តរជាតិចំនួន ២០ នាក់បានបញ្ចប់ការសិក្សា./.
（បកប្រែដោយឌីណា）
（ប្រភពព័ត៌មាន: Thoi Dai）
មតិពីមិត្តអ្នកអាន