Trending now

ក្រុមហ៊ុនកៅស៊ូវៀតណាមរួមចំណែក ក្នុងការអភិវឌ្ឍសេដ្ឋកិច្ច និងធានាសុខុមាលភាពសង្គមរបស់កម្ពុជា

10:13 | 09/10/2020 (យោងតាម kh.qdnd.vn)

អភិបាលខេត្តកំពង់ធំ លោក សុខ លូ បានវាយតម្លៃខ្ពស់ចំពោះសកម្មភាពរបស់អង្គភាពសមាជិកនៃសម្ព័ន្ធក្រុមហ៊ុនឧស្សាហកម្មកៅស៊ូវៀតណាម (VRG) នៅកម្ពុជា។

អភិបាលខេត្តកំពង់ធំ លោក សុខ លូ ថ្លែងមតិក្នុងជំនួបធ្វើការ (រូបថត៖ vov.vn)

នាថ្ងៃទី ៥ តុលា នៅខេត្តកំពង់ធំ ថ្លែងក្នុងជំនួបធ្វើការជាមួយគណៈប្រតិភូស្ថានទូតវៀតណាម និងក្លឹបពាណិជ្ជកម្មវៀតណាមប្រចាំកម្ពុជា (VBCC) ដឹកនាំដោយឯកអគ្គរដ្ឋទូតវៀតណាមប្រចាំកម្ពុជា លោក Vu Quang Minh អភិបាលខេត្តកំពង់ធំ លោក សុខ លូ បានបញ្ជាក់ពីតួនាទីយ៉ាងសំខាន់របស់សម្ព័ន្ធក្រុមហ៊ុនឧស្សាហកម្មកៅស៊ូវៀតណាម (VRG) និយាយដោយឡែក និងសហគ្រាសវៀតណាមនៅកម្ពុជានិយាយរួម។

លោក សុខ លូ បានមានប្រសាសន៍ថា VRG បាន និងកំពុងរួមចំណែកក្នុងការជំរុញទំនាក់ទំនងសាមគ្គីភាព មិត្តភាព និងកិច្ចសហប្រតិបត្តិការប្រកបដោយប្រសិទ្ធភាពរវាងវៀតណាម និងកម្ពុជា។ ថ្វីត្បិតតែលើវិស័យជាច្រើនបានរងផលប៉ះពាល់ដោយសារការរីករាលដាលនៃជំងឺរាតត្បាត Covid-19 ក៏ដោយ ក៏សម្ព័ន្ធក្រុមហ៊ុននេះ នៅតែចូលរួមយ៉ាងសកម្មក្នុងការជំរុញការអភិវឌ្ឍសេដ្ឋកិច្ច ធ្វើឲ្យហេដ្ឋារចនាសម្ព័ន្ធនៅតំបន់ជនបទកាន់តែប្រសើរឡើង និងបង្កើតការងារធ្វើដោយមានប្រាក់ចំណូលប្រកបដោយស្ថិរភាព។

ក្នុងឱកាសនេះ លោកឯកអគ្គរដ្ឋទូត Vu Quang Minh បានប្តេជ្ញានឹងបន្តបំពេញយ៉ាងល្អបំផុតនូវកាតព្វកិច្ចរបស់សហគ្រាសចំពោះរដ្ឋ លើកកម្ពស់ជីវភាពរស់នៅរបស់កម្មករ រួមចំណែកជំរុញកំណើនសេដ្ឋកិច្ច និងធានាសុខុមាលភាពសង្គមរបស់កម្ពុជា៕

(យោងតាម kh.qdnd.vn)

(យោងតាម kh.qdnd.vn)

មតិពីមិត្តអ្នកអាន

ព័ត៌មានថ្មីៗ

កំពង់ផែនេសាទធំជាងគេនៅតំបន់កណ្តាលខាងត្បូងវៀតណាមបានដំណើរការឡើង
គិលានុបដ្ឋាកនិងអ្នកថែទាំជំងឺជនជាតិវៀតណាមជិត ១.៩០០ នាក់ធ្វើការនៅប្រទេសជប៉ុន
គាំទ្រគំនិតផ្តួចផ្តើមចំនួន ២៩ របស់យុវជន ដែលរងផលប៉ះពាល់ដោយការរីករាលដាលនៃជំងឺកូវីដ-១៩
ជំនួបសំណេះសំណាលជាមួយសហគមន៍ជនជាតិវៀតណាម នៅខេត្ត Ústecký
ក្រុមបាល់ទាត់ជម្រើសជាតិវៀតណាមស្ថិតក្នុងក្រុមចំណាត់ថ្នាក់លេខ ១ នៅ AFF Cup 2020