យុគសម័យ - ចាប់ពីថ្ងៃទី ១៤ ដល់ថ្ងៃទី ១៥ ខែមករានៅទីក្រុងហូជីមិញ ក្រុមការងារនៃបញ្ជាការដ្ឋានកងទ័ពជើងគោកកម្ពុជាដឹកនាំដោយឧត្តមសេនីយ៍ឯក សួន ផល្លា ក្រុមការងារនៃបញ្ជាការដ្ឋានកងរាជអាវុធហត្ថនៃកងយោពលខេមរភូមិន្ទ ដឹកនាំដោយនាយ ឧត្តមសេនីយ៍ឯក ហុង វិណុល និងមន្ត្រីមួយចំនួនទៀតមកពីស្ថាប័ននានារបស់កម្ពុជាបានអញ្ជើញមកសួរសុខទុកនិងជូនពរឆ្នាំថ្មីចំពោះ បញ្ជាការដ្ឋានកងទ័ពការពារព្រំដែនវៀតណាម។ លោកឧត្តមសេនីយ៍ត្រី Nguyen Hoai Phuong មេបញ្ជាការរងនៃបញ្ជាការដ្ឋានការពារព្រំដែនអញ្ជើញធ្វើអធិបតីក្នុងជំនួបទទួលបដិសណ្ឋារកិច្ចនេះ។
ក្រុមការងារនៃបញ្ជាការដ្ឋានកងទ័ពជើងគោកកម្ពុជាដឹកនាំដោយឧត្តមសេនីយ៍ឯក សួន ផល្លា ជូនកាដូដល់ បញ្ជាការដ្ឋានកងទ័ពការពារព្រំដែនវៀតណាម
អញ្ជើញទៅសួរសុខទុក្ខនិងអបអរសាទរបុណ្យតេតចំពោះបញ្ជាការដ្ឋានកងទ័ពការពារព្រំដែនវៀតណាម ប្រធានក្រុមការងារមានបំណងចង់ផ្តល់សេចក្តីជូនពរដ៏ល្អបំផុតដល់ ថ្នាក់ដឹកនាំបញ្ជាការដ្ឋានការពារព្រំដែននិងមន្រ្តីនិងទាហានទាំងអស់ដែលកំពុងធ្វើការក្នុងកងកំលាំងការពារព្រំដែន។ ថ្នាក់ដឹកនាំនៃកងកម្លាំងប្រដាប់អាវុធកម្ពុជាបានថ្លែងអំណរគុណដល់កងទ័ពការពារព្រំដែន វៀតណាមដែលបានយកចិត្តទុកដាក់និងជួយឧបត្ថម្ភលើគ្រប់វិស័យដល់កងទ័ពនិងប្រជាជនកម្ពុជាក្នុងរយៈពេលកន្លងមកនេះ។
ក្រុមការងារនៃបញ្ជាការដ្ឋានកងរាជអាវុធហត្ថនៃកងយោពលខេមរភូមិន្ទ ដឹកនាំដោយនាយ ឧត្តមសេនីយ៍ឯក ហុង វិណុល ជូនកាដូដល់បញ្ជាការដ្ឋានកងទ័ពការពារព្រំដែនវៀតណាម
នៅក្នុងជំនួបនេះក្នុងនាមគណៈកម្មាធិការបក្សនៃបញ្ជាការដ្ឋានកងទ័ពការពារព្រំដែនវៀតណាមលោកឧត្តមសេនីយ៍ត្រី Nguyen Hoai Phuong បានសង្ឃឹមថាក្នុងរយៈពេលខាងមុខនេះ កងទ័ពការពារព្រំដែនវៀតណាមនឹងបន្តសម្របសម្រួលយ៉ាងជិតស្និទ្ធជាមួយកងកម្លាំងប្រដាប់អាវុធកម្ពុជា ក្នុងការគ្រប់គ្រងនិងការពារព្រំដែនរួម រវាងប្រទេសទាំងពីរ ដោយរក្សាបាននូវទំនាក់ទំនងសាមគ្គីភាព និងកសាងខ្សែព្រំដែនរួមប្រកបដោយសន្តិភាព មិត្តភាពសហប្រតិបត្តិការនិងអភិវឌ្ឍន៍៕
រូបថត៖ bienphong.com.vn
(បកប្រែដោយ ហេងវុធ្ធី)
មតិពីមិត្តអ្នកអាន