បើកបន្ថែមបណ្តាញតភ្ជាប់ប្រជាជនវៀតណាម - ម៉ិកស៊ិក

នៅក្នុងជំនួប ប្រធាន Phan Anh Son បានសម្តែងការស្វាគមន៍ចំពោះអគ្គលេខាបក្ស Alberto Anaya Gutiérrez ព្រមទាំងគណៈប្រតិភូជាន់ខ្ពស់នៃគណបក្សពលករម៉ិកស៊ិក ដែលបានមកបំពេញទស្សនកិច្ច និងធ្វើការជាមួយសហភាពបណ្តាអង្គការមិត្តភាពវៀតណាម។

លោក Phan Anh Son បានជម្រាបជូនសង្ខេបអំពីតួនាទីរបស់សហភាពបណ្តាអង្គការមិត្តភាពវៀតណាម និងបណ្តាអង្គការជាសមាជិក ក្នុងការជំរុញទំនាក់ទំនងមិត្តភាពរវាងប្រជាជនវៀតណាមជាមួយប្រជាជននៃបណ្តាប្រទេសនានា។

ប្រធានសហភាពបណ្តាអង្គការមិត្តភាពវៀតណាម Phan Anh Son ទទួលបដិសណ្ឋារកិច្ចអគ្គលេខាបក្សនៃគណបក្សពលករម៉ិកស៊ិក Alberto Anaya Gutiérrez សមាជិកព្រឹទ្ធសភាសហព័ន្ធ។

លើកឡើងអំពីទំនាក់ទំនងជាមួយម៉ិកស៊ិក ប្រធាន Phan Anh Son បានឱ្យដឹងថា សហភាពបណ្តាអង្គការមិត្តភាពវៀតណាមកំពុងជំរុញការបង្កើតសមាគមមិត្តភាពវៀតណាម - ម៉ិកស៊ិក ដែលតាមរយៈនោះបង្កើតបន្ថែមនូវបណ្តាញផ្លាស់ប្តូរ និងតភ្ជាប់មួយរវាងប្រជាជននៃប្រទេសទាំងពីរ។

លោកមានបំណងថា បន្ទាប់ពីសមាគមត្រូវបានបង្កើតឡើង ភាគីទាំងពីរនឹងបន្តរក្សាទំនាក់ទំនង ពង្រឹងការផ្លាស់ប្តូរយោបល់ និងសហការរៀបចំបណ្តាសកម្មភាពដែលសមស្រប។

ប្រធាន Phan Anh Son ក៏បានស្នើឱ្យភាគីម៉ិកស៊ិកយកចិត្តទុកដាក់ និងគាំទ្រជំរុញការបង្កើតក្រុម ឬអង្គការមិត្តភាពជាមួយវៀតណាម ដើម្បីធ្វើជាដៃគូនៅក្នុងបណ្តាសកម្មភាពសហប្រតិបត្តិការ និងការផ្លាស់ប្តូរប្រជាជន។

ប្រធានសហភាពបណ្តាអង្គការមិត្តភាពវៀតណាម Phan Anh Son ទទួលជួបគណៈប្រតិភូជាន់ខ្ពស់នៃគណបក្សពលករម៉ិកស៊ិក ដឹកនាំដោយអគ្គលេខាបក្ស Alberto Anaya Gutiérrez សមាជិកព្រឹទ្ធសភាសហព័ន្ធ។

អគ្គលេខាបក្ស Alberto Anaya Gutiérrez បានវាយតម្លៃខ្ពស់ចំពោះតួនាទីរបស់សហភាពបណ្តាអង្គការមិត្តភាពវៀតណាម ក្នុងការរឹតបន្តឹងចំណងមិត្តភាពរវាងប្រជាជនវៀតណាមជាមួយប្រជាជននៃបណ្តាប្រទេសនានា។ យោងតាមលោក ជំនួបនេះក៏បានជួយឱ្យគណៈប្រតិភូមានការយល់ដឹងបន្ថែមទៀតអំពីប្រទេសជាតិ និងប្រជាជនវៀតណាមផងដែរ។

នៅក្នុងការផ្លាស់ប្តូរយោបល់ គណៈប្រតិភូម៉ិកស៊ិកបានចែករំលែកអំពីតួនាទីរបស់បណ្តាអង្គការប្រជាជនក្នុងការពង្រឹងការយល់ដឹង និងការផ្លាស់ប្តូរអន្តរជាតិ។ មតិមួយចំនួនបានសម្តែងនូវបំណងប្រាថ្នាចង់ចូលរួម ប្រសិនបើអង្គការមិត្តភាពម៉ិកស៊ិក - វៀតណាម ត្រូវបានបង្កើតឡើងនាពេលអនាគត។

បញ្ចប់ជំនួប ប្រធាន Phan Anh Son មានបំណងថា ភាគីទាំងពីរនឹងបន្តរក្សាទំនាក់ទំនង ដែលតាមរយៈនោះរួមចំណែកជំរុញទំនាក់ទំនងមិត្តភាពរវាងប្រជាជនវៀតណាម និងម៉ិកស៊ិក៕

អគ្គលេខាគណៈបក្សពលកម្មម៉ិកស៊ិក៖ អត្ថបទសរសេររបស់លោកអគ្គលេខាបក្ស Nguyen Phu Trong បានបង្ហាញឲ្យឃើញការសម្រេចចិត្តត្រឹមត្រូវអំពីមាគ៌ាអភិវឌ្ឍរបស់វៀតណាម បច្ចុប្បន្ននេះ និយាយដល់វៀតណាម មិនត្រឹមតែ និយាយដល់សេចក្ដីស្នេហាជាតិ ប្រពៃណីតស៊ូប្រឆាំងខ្មាំងសត្រូវឈ្លានពានដើម្បី ដណ្ដើមឯករាជ្យនិងសេរីភាពប៉ុណ្ណោះទេ ថែមទាំងត្រូវនិយាយដល់ជោគជ័យរបស់វៀត ណាមលើដំណើរការកសាងនិងអភិវឌ្ឍប្រទេសជាតិ ដោយមានតួនាទីនិងឋានៈកាន់តែ ខ្ពស់លើឆាកអន្តរជាតិទៀតផង។

ប្រគល់ «មេដាយដើម្បីសន្តិភាពនិងមិត្តភាពរវាងប្រជាជន» ជូនឯកអគ្គរដ្ឋទូតម៉ិកស៊ិក ប្រចាំនៅវៀតណាម យុគសម័យ - នាថ្ងៃទី ២៣ ខែវិច្ឆិកា ប្រធានសម្ព័ន្ធអង្គការមិត្តភាពវៀតណាម លោកស្រី Nguyen Phuong Nga បានប្រគល់«មេដាយដើម្បីសន្តិភាពនិងមិត្តភាពរវាងប្រជាជន» ជូនឯកអគ្គរដ្ឋទូត Sara Valdes Bolano ក្នុងឱកាសដែលឯកអគ្គរដ្ឋទូតបញ្ចប់អាណត្តិការងារនៅវៀតណាម។

សុវណ្ណ

thoidai.com.vn