យុគសម័យ - យោងតាមនាយកដ្ឋានកែច្នៃនិងអភិវឌ្ឍទីផ្សារកសិផល (ក្រសួងកសិកម្មនិងអភិវឌ្ឍន៍ជនបទ) នៅអាស៊ី លើកលែងតែទីផ្សារចិន បរិមាណនាំចេញកសិផលមានការថយចុះ ក្នុងរយៈពេល ៥ ខែដំបូង ទីផ្សារផ្សេងៗ ទៀតត្រូវបានគេវាយតម្លៃការនាំចេញដែលបានកើនឡើងយ៉ាងខ្លាំង។ ជាពិសេសការនាំចេញកសិផលទៅកាន់ប្រទេសថៃ ក្នុងរយៈពេល ៥ ខែចុងក្រោយនេះសម្រេចបាន ៦៨ លានដុល្លារ កើនឡើង ២៣៣,៤% ។ ការនាំចេញទៅកូរ៉េខាងត្បូងក៏សម្រេចបាន ៦៧,៤ លានដុល្លារ កើន ២១,៨% …
ការនាំចេញផ្លែឈើនិងបន្លែរបស់វៀតណាមទៅកាន់បរទេស។ (រូបថត៖ Doanhnhan Sai Gon)
តម្លៃនៃការនាំចេញផ្លែឈើនិងបន្លែនៅខែមិថុនា ឆ្នាំ ២០២០ ត្រូវបានប៉ាន់ប្រមាណនឹងទទួលបាន ២៨៥ លានដុល្លារដែលនាំឱ្យតម្លៃផ្លែឈើនិងបន្លែនាំចេញ ក្នុងរយៈពេល ៦ ខែដំបូងទទួលបាន ១,៧៩ ពាន់លានដុល្លារ។ ប្រទេសចិននៅតែជាទីផ្សារធំបំផុតសម្រាប់ការនាំចូលបន្លែនិងផ្លែឈើរបស់វៀតណាម ទោះបីជាតម្លៃនិងបរិមាណនៃការនាំចេញទៅកាន់ប្រទេសចិនក្នុងរយៈពេល ៥ ខែចុងក្រោយនេះសម្រេចបានត្រឹមតែ ៩០៦ លានដុល្លារអាមេរិក (ធ្លាក់ចុះ ២៩,១% គិតជាតម្លៃ បើប្រៀបធៀបនឹងរយៈពេលដូចគ្នាកាលពីឆ្នាំ ២០១៩) ប៉ុន្តែទីផ្សារនេះស្មើ ៦០.៤ % នៃទីផ្សារនាំចេញ។ ទីផ្សារអាមេរិកសម្រេចបាន ៦២ លានដុល្លារ កើនឡើង ៦,១% ។ ទីផ្សារជប៉ុនសម្រេចបាន ៥៧,៧ លានដុល្លារ កើនឡើង ១៥,៥% ។ ទីផ្សារហូល្លង់សម្រេចបាន ៣៤ លានដុល្លារ កើនឡើង ៩% …
លើសពីនេះទៀត មូលហេតុនៃការនាំចេញកសិផលធ្លាក់ចុះ ក្នុងរយៈពេល ៥ ខែកន្លងមកដោយសារតែទំនិញមួយចំនួនមានការថយចុះ។ តម្លៃនាំចេញផ្លែឈើសំខាន់ៗ មួយចំនួនបានធ្លាក់ចុះយ៉ាងខ្លាំង ក្នុងនោះមានផ្លែស្រកានាគដែលមានចំណែកទីផ្សារខ្ពស់បំផុត (៣៤,៨% នៃតម្លៃនាំចេញបន្លែនិងផ្លែឈើសរុប) សម្រេចបានត្រឹមតែ ៥២១,៨ លានដុល្លារ ថយចុះ ៦,៧% ផ្លែចេកសម្រេចបាន ៩៨,៣ លានដុល្លារ ធ្លាក់ចុះ ៧,៦% ឪឡឹកសម្រេចបាន ៣២,៤ លានដុល្លារ ធ្លាក់ចុះ ៣៩,៦% ។ ទុរេនសម្រេចបាន ១៨ លានដុល្លារធ្លាក់ចុះ ៨៧,៥% …
（បកប្រែដោយឌីណា）
មតិពីមិត្តអ្នកអាន