សហភាពអឺរ៉ុបហៅកាត់ថា (EU) បានផ្ដល់ថវិកា ចំនួន៣,៤៥លានដុល្លារ ដល់កម្ពុជា ដើម្បីឆ្លើយតបសកម្មភាព ប្រយុទ្ធប្រឆាំងជំងឺកូវីដ-១៩ ដែលកំពុងរាតត្បាត។
របៀបការពារពីជំងឺកូវីដ១៩
សហភាពអឺរ៉ុបប្រចាំកម្ពុជា បានប្រកាសនៅក្នុងសប្តាហ៍នេះថា “ដើម្បីឆ្លើយតបរបស់ក្រុមអឺរ៉ុបទៅលើជំងឺកូវីដ-១៩ សហភាពអឺរ៉ុប ប្រកាសផ្តល់មូនិធិជាទឹកប្រាក់សរុបចំនួន២០ លានអឺរ៉ូ សម្រាប់គាំទ្រដល់ប្រព័ន្ធសុខាភិបាល នៅសហគមអាស៊ានទាំង៨ប្រទេស “។
ក្នុងចំណែក នៃថវិកាសកលចំនួន២០លានអឺរ៉ូនោះ គឺអឺរ៉ុបយក ២,៨៥លានអឺរ៉ូ ស្មើនឹង ៣,៤៥លានដុល្លារ សម្រាប់ជួយប្រយុទ្ធប្រឆាំងជំងឺរាតត្បាតកូវីដ-១៩នៅក្នុងប្រទេសកម្ពុជាផងដែរ។ ជំនួយរបស់សហភាពអឺរ៉ុបនឹងត្រូវអនុវត្តដោយការិយាល័យអង្គការសុខភាពពិភពលោកនៅភ្នំពេញនិងសហការជាមួយក្រសួងសុខាភិបាលដើម្បីគាំទ្រដល់ផែនការឆ្លើយតបថ្នាក់ជាតិនៃការប្រយុទ្ឋប្រឆាំងជំងឺរាតត្បាតកូវីដ១៩។
សូមជម្រាបថានេះ ជាជំនួយលើកទី២ហើយរបស់សហភាពអឺរ៉ុបមកកម្ពុជា។កាលពីពេលកន្លងទៅនេះសហភាពអឺរ៉ុបក៏បានផ្តល់ជំនួយជាថវិកាប្រមាណ៦០លានដុល្លារអាមេរិកផងដែរដើម្បីដោះស្រាយបញ្ហាកូវីដ១៩នេះ។ ក្រៅពីអឺរ៉ុបគេឃើញប្រទេសធំៗមួយចំនួន បានផ្តល់ជំនួយដល់កម្ពុជានៅក្នុងការប្រយុទ្ធប្រឆំាងកូវីដ១៩នេះ។
សហរដ្ឋអាមេរិក បានផ្តល់ជំនួយ ដល់កម្ពុជានូវទឹកប្រាក់ប្រមាណ១១លានដុល្លាររួចហើយដែរ។ រីឯអាល្លឺម៉ង់វិញបានផ្តល់នូវទឹកប្រាក់១លាន៦សែនដុល្លារអាមេរិក។ ប្រទេសជប៉ុននិងចិនជួយផ្តល់គ្រូពេទ្យជំនាញនិងបរិក្ខារពេទ្យចាំបាច់សម្រាប់ប្រទេសកម្ពុជា។ចំណែឡែកប្រទេសវៀតណាមបានផ្តល់ថវិកាចំនួន២០ម៉ឺនដុល្លារដល់កម្ពុជានិងឡាវដើម្បីដោះស្រាយផលប៉ះពាល់នៃជំងឺកូវីដ១៩នេះដែរ។
ក្រៅពីកម្ពុជាទទួលជំនួយថវិកានិងសម្ភារៈពេទ្យពីប្រជាទេសដទៃកម្ពុជាក៍បានផ្តល់ម៉ាស និងសម្ភារវិជ្ជសាស្រ្តទៅប្រទេសមីយ៉ានម៉ា ប្រទេសឡាវ និងទីម័រខាងកើតផងដែរ។ម៉ាសដែលកម្ពុជាផ្តល់ជូនប្រទេសទីម័រខាងកើត ចំនួន១លានម៉ាស ប្រទេសឡាវ និងមីយ៉ាន់ម៉ាចំនួន២លានក្នុងមួយប្រទេសរួមនិៈវិជ្ជាសាស្រ្តមួយចំនួនទៀត៕
（សរុបដោយ ហេង វុធ្ធ）
（ប្រភពព័ត៌មាន: FreshNews និង kohsantepheapdaily.com.kh/）
