ពលរដ្ឋកម្ពុជាចំនួន ១៤៣នាក់ នៅប្រទេសរុស្សី និងអេហ្ស៊ីប បានត្រលប់មកដល់មាតុប្រទេសវិញ

ឯកឧត្តម ចឺយ វិចិត្ត ឯកអគ្គរាជទូតកម្ពុជាប្រចាំប្រទេសម៉ាឡេស៊ីបានប្រគល់ម៉ាស់សម្រាប់ពលរដ្ឋកម្ពុជា

ឯកឧត្តម ចឺយ វិចិត្ត ឯកអគ្គរាជទូតកម្ពុជាប្រចាំប្រទេសម៉ាឡេស៊ី បានឱ្យដឹងថា ការធ្វើមាតុភូមិនិវត្តន៍នេះ ធ្វើឡើងក្រោមកិច្ចសហការរវាងស្ថានទូតកម្ពុជាប្រចាំសហព័ន្ធរុស្ស៊ី និងស្ថានទូតកម្ពុជា ប្រចាំប្រទេសអេហ្ស៊ីប ដោយស្ថានទូតកម្ពុជា ប្រចាំប្រទេសម៉ាឡេស៊ី ជាអ្នកជួយសម្របសម្រួល និងរៀបចំជើងយន្តហោះតភ្ជាប់ពីទីក្រុងគូឡាឡាំពួ ទៅរាជធានីភ្នំពេញ។ សិក្ខាកាមយោធា និងនិស្សិតទាំងនេះ មួយចំនួនបានបញ្ចប់ការសិក្សា មួយចំនួនត្រូវទៅធ្វើកម្មសិក្សានៅប្រទេសកម្ពុជា ហើយមួយ ចំនួនត្រូវសម្រាកវិស្សមកាលរយៈពេលយូរ។

ក្នុងឱកាសជូនដំណើរនៅអាកាសយានដ្ឋានអន្តរជាតិទីក្រុងគូឡាឡាំពួ ឯកឧត្ដម ឯកអគ្គរាជទូតបាននាំយកម៉ាស់ និងទឹកអាល់កុលអនាម័យ ចែកជូនក្រុមនិស្សិតទាំងអស់ និងបានរំលឹកឱ្យប្រុងប្រយ័ត្នក្នុងការការពារ និងបង្ការការឆ្លងជំងឺដ៏កាចសាហាវនេះ។

ពលរដ្ឋកម្ពុជាចំនួន ១៤៣នាក់ នៅប្រទេសរុស្សី និងអេហ្ស៊ីប បានត្រលប់មកដល់មាតុប្រទេសវិញ

ឯកឧត្ដម បានជម្រាបអំពីការយកចិត្តទុកដាក់ និងការគិតគូរពីសុខទុក្ខរបស់ សម្តេចអគ្គមហាសេនាបតីតេជោ ឯកឧត្តមឧបនាយករដ្ឋមន្ត្រីផ្ទាល់ និងថ្នាក់ដឹកនាំនៃក្រសួងស្ថាប័នពាក់ព័ន្ធ ដល់និស្សិតទាំងអស់ ក៏ដូចជាពលរដ្ឋខ្មែរទូទៅដែលកំពុងជាប់គាំងនៅបរទេស ដោយសារការបិទជើងយន្តហោះ ដែលបង្កឡើងដោយការរាតត្បាតនៃជំងឺកូវីដ១៩។

（ប្រភពព័ត៌មាន: akp.gov.kh）