ស្ថានទូតកម្ពុជាប្រចាំនៅប្រទេសថៃបានឲ្យដឹងថាទំហំពាណិជ្ជកម្មទ្វេភាគីរវាងកម្ពុជានិងថៃមានចំនួន ៣,១ ពាន់លានដុល្លារក្នុងរយៈពេល ៤ ខែដំបូងនៃឆ្នាំនេះ ពោលគឺមានការកើនឡើងចំនួន ១៨,៣ ភាគរយបើប្រៀបធៀបទៅនឹងឆ្នាំកន្លងទៅ។
ទំហំពាណិជ្ជកម្មរវាងប្រទេសកម្ពុជានិងថៃមានចំនួន ៣,១ ពាន់លានដុល្លារក្នុងរយៈពេល ៤ ខែ នៃឆ្នាំនេះ
ប្រទេសកម្ពុជាបានចំណាយថវិកាសរុបចំនួន ២,៤ ពាន់លានដុល្លារលើការនាំចូលទំនិញនានាពីប្រទេសថៃដែលភាគច្រើនជាគ្រឿងម៉ាស៊ីន អេឡិចត្រូនិច ប្រេងឥន្ធនៈ សំភារៈសំណង់ អាហារគ្រឿងសំអាង និងឧបករណ៍ប្រើប្រាស់ក្នុងផ្ទះ ខណៈដែលខ្លួនទទួលបានចំណូលចំនួន ៦៨៧ លានដុល្លារពីការនាំចេញទៅកាន់ប្រទេសថៃវិញដែលរួមមានគ្រឿងអលង្ការនិងផលិតផលកសិកម្ម។គួរបញ្ជាក់ឲ្យដឹងផងដែរថា ប្រទេសទាំងពីរមានគោលបំណងក្នុងការទទួលបានទំហំពាណិជ្ជកម្មទ្វេភាគីចំនួន ១៥ ពាន់លានដុល្លារក្នុងឆ្នាំនេះ បើប្រៀបធៀបនឹងចំនួន ៩,៤ ពាន់លានដុល្លារក្នុងឆ្នាំ ២០១៩ និង ៨,៣ ពាន់លានដុល្លារកាលពីឆ្នាំ ២០១៨ កន្លងទៅ ៕
(ប្រភពព័ត៌មាន: khmertimeskh.com)
មតិពីមិត្តអ្នកអាន