ការនាំយកវិស័យម្ហូបអាហារក្លាយទៅជាកម្លាំងចលករលើកកម្ពស់ម៉ាកយីហោទេសចរណ៍វៀតណាម

សិក្ខាសាលា «វិស័យម្ហូបអាហារជាមួយនិងការអភិវឌ្ឍទេសចរណ៍វៀតណាម»។

វិស័យម្ហូបអាហារគឺមិនត្រឹមតែជាផ្នែកមួយនៃជីវភាពរស់នៅវប្បធម៌ប៉ុណ្ណោះទេ គឺថែមទាំងកាន់តែក្លាយទៅជាកត្តាដ៏មានសារៈសំខាន់បង្កើតឡើងនូវភាពទាក់ទាញនៃចំណុចដៅធ្វើដំណើរ។ នៅក្នុងបរិបទនៃនិន្នាការទេសចរណ៍ពិសោធន៍វប្បធម៌និងបែបជនជាតិដើមភាគតិចអភិវឌ្ឍន៍យ៉ាងខ្លាំងក្លា ការទាញយកផលប្រកបដោយប្រសិទ្ធភាពនូវបណ្តាតម្លៃម្ហូបអាហារគឺត្រូវបានចាត់ទុកថាជាទិសដៅដើរប្រកបដោយសក្តានុពលពេញលេញដើម្បីលើកកម្ពស់សមត្ថភាពប្រកួតប្រជែងនៃទេសចរណ៍វៀតណាម។

ថ្លែងមតិនៅក្នុងសិក្ខាសាលា បណ្ឌិត Hoang Thi Binh អនុប្រធានវិទ្យាស្ថានវប្បធម៌ សិល្បៈ កីឡានិងទេសចរណ៍វៀតណាម បានឱ្យដឹងថាវៀតណាមក្តោបក្តាប់នូវខឿនវប្បធម៌ម្ហូបអាហារដ៏សម្បូរបែប ដែលត្រូវបានបង្កើតឡើងព្រមទាំងបណ្តុះបណ្តាលឆ្លងកាត់រយៈពេលរាប់ពាន់ឆ្នាំនៃប្រវត្តិសាស្ត្រ។ រាល់តំបន់ដែនដីសុទ្ធសឹងតែមានបណ្តាមុខម្ហូប គ្រឿងផ្សំនិងវិធីសាស្ត្រកែច្នៃដោយឡែករៀងៗខ្លួន ឆ្លុះបញ្ចាំងពីលក្ខខណ្ឌធម្មជាតិ ប្រវត្តិសាស្ត្រព្រមទាំងអត្តសញ្ញាណវប្បធម៌របស់តំបន់នីមួយៗ។ នេះគឺជាប្រភពធនធានពិសេសលក្ខណៈដែលអាចបំប្លែងទៅជាផលប្រយោជន៍ក្នុងការអភិវឌ្ឍទេសចរណ៍ ប្រសិនបើត្រូវបានទាញយកផលជាលក្ខណៈបែបផែននិងមានចីរភាព។

បណ្តាប្រតិភូបានសន្និដ្ឋានថា ដើម្បីឱ្យវិស័យម្ហូបអាហារក្លាយទៅជាផលិតផលទេសចរណ៍ពិសេសលក្ខណៈពិតប្រាកដនោះ គឺត្រូវតែមានយុទ្ធសាស្ត្រអភិវឌ្ឍន៍ប្រកបដោយសមកាលកម្មតាំងពីដំណាក់កាលអភិរក្ស ការធ្វើស្តង់ដារភាវូបនីយកម្ម ការកសាងម៉ាកយីហោ រហូតដល់ការផ្សព្វផ្សាយព្រមទាំងការតភ្ជាប់ជាមួយនិងបណ្តាទម្រង់ទេសចរណ៍ដទៃទៀត។ ទន្ទឹមនឹងការលើកតម្កើងតម្លៃប្រពៃណី វិស័យទេសចរណ៍ក៏ត្រូវតែលើកទឹកចិត្តដល់ការផ្លាស់ប្តូរថ្មីរបៀបចូលទៅជិត លើកកម្ពស់គុណភាពសេវាកម្មព្រមទាំងបង្កើតចេញនូវបណ្តាការពិសោធន៍ម្ហូបអាហារដែលមានលក្ខណៈប្លែកខុសគេសម្រាប់ភ្ញៀវទេសចរជាតិនិងអន្តរជាតិ។

យោងតាមបណ្តាជំនាញការ ប្រទេសជាច្រើនសម្រេចបានជោគជ័យក្នុងការនាំយកវិស័យម្ហូបអាហារក្លាយទៅជា «ឯកអគ្គរដ្ឋទូតវប្បធម៌» រួមចំណែកផ្សព្វផ្សាយរូបភាពប្រទេសជាតិនិងទាក់ទាញភ្ញៀវទេសចរ។ វៀតណាមមានលក្ខខណ្ឌជាច្រើនដើម្បីពង្រីកប្រៀបខ្លាំងមួយនេះដោយសារតែប្រព័ន្ធមុខម្ហូបដ៏សម្បូរបែប គ្រឿងផ្សំចម្រុះព្រមទាំងវប្បធម៌ម្ហូបអាហារផ្សារភ្ជាប់ជាមួយនិងជីវភាពរស់នៅរបស់សហគមន៍។ ទោះជាយ៉ាងណាក៏ដោយ ដើម្បីទាញយកផលឱ្យកាន់តែមានប្រសិទ្ធភាពជាងមុននោះ គឺត្រូវតែបង្កើនការផ្សារភ្ជាប់រវាងបណ្តាស្ថាប័នគ្រប់គ្រង មូលដ្ឋាន សហគ្រាសព្រមទាំងសហគមន៍ក្នុងការកសាងផលិតផល ការអភិវឌ្ឍបណ្តាខ្សែនិងចំណុចទេសចរណ៍ម្ហូបអាហារព្រមទាំងជំរុញខ្លាំងការផ្សព្វផ្សាយព័ត៌មាននិងការជំរុញនៅឯទីផ្សារអន្តរជាតិ។

សិក្ខាសាលាក៏ជាវេទិកាមួយដើម្បីឱ្យបណ្តាអ្នកវិទ្យាសាស្ត្រ ជំនាញការព្រមទាំងសហគ្រាសផ្លាស់ប្តូរបទពិសោធន៍ ចែករំលែកបណ្តាម៉ូដែលអភិវឌ្ឍន៍ទេសចរណ៍ម្ហូបអាហារ ទន្ទឹមនឹងនោះលើកឡើងនូវបណ្តាដំណោះស្រាយជាច្រើនក្នុងគោលបំណងអភិរក្សនិងពង្រីកតម្លៃវប្បធម៌ម្ហូបអាហារផ្សារភ្ជាប់ជាមួយនិងការអភិវឌ្ឍទេសចរណ៍ប្រកបដោយចីរភាព។ រាល់មតិយោបល់នៅឯសិក្ខាសាលានឹងរួមចំណែកធ្វើឱ្យពេញលេញនូវខឿនគ្រឹះវិទ្យាសាស្ត្រនិងជាក់ស្តែងសម្រាប់ការកសាងបណ្តាគោលនយោបាយនិងយុទ្ធសាស្ត្រអភិវឌ្ឍន៍ទេសចរណ៍នៅក្នុងដំណាក់កាលថ្មី នាំយកវិស័យម្ហូបអាហារក្លាយទៅជាសសរទ្រូងដ៏មានសារៈសំខាន់មួយក្នុងចំណោមបណ្តាសសរទ្រូងដ៏មានសារៈសំខាន់របស់ម៉ាកយីហោទេសចរណ៍វៀតណាម៕

អង្គការ Zhi Shan គាំទ្រអាហារូបករណ៍ចំនួន ២៤៨ កន្លែង និងបណ្ណាល័យចំនួន ៣ សម្រាប់សិស្សានុសិស្សនៅទីក្រុង Hue យុគសម័យ - កញ្ចប់ជំនួយពីគម្រោង "គាំទ្រកុមារដែលមានស្ថានភាពលំបាកនៅទីក្រុង Hue" ដែលឧបត្ថម្ភដោយអង្គការ Zhi Shan Foundation (តៃវ៉ាន់ - ចិន) មានតម្លៃសរុប ១,៥ ប៊ីលីយ៉ុងដុង (ស្មើនឹង ៥៩.៨៧៣ ដុល្លារអាមេរិក) ដោយផ្តោតលើខ្លឹមសារសំខាន់ៗដូចជា៖ ការគាំទ្រការអប់រំ ការលើកកម្ពស់លក្ខខណ្ឌសិក្សា ការអភិវឌ្ឍវប្បធម៌អាន និងការបង្កើនជំនាញសម្រាប់សិស្សានុសិស្ស។

អង្គការ Tzu Chi ប្រគល់អាហារូបករណ៍ចំនួន ៧០០ កន្លែង ដល់សិស្ស និស្សិតដែលមានជីវភាពខ្វះខាតនៅទីក្រុង Hai Phong យុគសម័យ - សហភាពបណ្តាអង្គការមិត្តភាពទីក្រុង Hai Phong ទើបតែបានសម្របសម្រួលជាមួយអង្គការ Tzu Chi និងអង្គភាពពាក់ព័ន្ធនានា រៀបចំកម្មវិធីប្រគល់អាហារូបករណ៍ចំនួន ៧០០ កន្លែង ដល់សិស្សានុសិស្ស និងនិស្សិតដែលមានជីវភាពខ្វះខាត នៅក្នុងតំបន់ភាគខាងលិចនៃទីក្រុង។

ឌឹកអាញ់

thoidai.com.vn