យុគសម័យ - ចាប់ពីថ្ងៃទី ៣ ខែមិថុនា ផ្នែកគ្រប់គ្រងការចេញចូលប្រទេសនៃស្នងការដ្ឋាននគរបាលខេត្ត Tuyen Quang បានសម្របសម្រួលជាមួយបណ្តាអង្គភាពជំនាញ ដើម្បីអនុវត្តយុទ្ធនាការត្រួតពិនិត្យ ណែនាំ និងគាំទ្រជនបរទេសដែលកំពុងស្នាក់នៅ និងធ្វើសកម្មភាពនៅតាមបណ្តាតំបន់ព្រំដែន ក្នុងរយៈពេលមួយសប្តាហ៍។
| ទេសចរណ៍វៀតណាម - ចិន៖ ការដោះដូរវប្បធម៌ ជំរុញទំនាក់ទំនងមិត្តភាព និងកិច្ចសហប្រតិបត្តិការ ប្រទេសស្វីស បន្តគាំទ្រការអភិវឌ្ឍទេសចរណ៍ប្រកបដោយចីរភាពសម្រាប់ខេត្ត Tuyen Quang |
 |
| ខេត្ត Tuyen Quang: គាំទ្រដល់ភ្ញៀវទេសចរអន្តរជាតិក្នុងអំឡុងពេលស្នាក់នៅក្នុងប្រទេសវៀតណាម |
សកម្មភាពនេះត្រូវបានអនុវត្តនៅតាមឃុំព្រំដែនចំនួន ១៧ ដោយផ្តោតសំខាន់លើការគាំទ្រដល់ភ្ញៀវទេសចរក្នុងការអនុវត្តឱ្យបានត្រឹមត្រូវនូវបណ្តានីតិវិធីចាំបាច់ ធានាសុវត្ថិភាពក្នុងដំណើរការស្នាក់នៅ និងការធ្វើដំណើរ។
តាមនោះដែរ កម្លាំងមានសមត្ថកិច្ចបានដំណើរការត្រួតពិនិត្យឯកសារចេញចូលប្រទេស ទិដ្ឋាការ សំណុំឯកសារប្រកាសស្នាក់នៅបណ្តោះអាសន្ននៅតាមបណ្តាមូលដ្ឋានស្នាក់នៅ និង Homestay; ទន្ទឹមនឹងនោះ ពិនិត្យឡើងវិញនូវមធ្យោបាយ និងអ្នកបើកបរមធ្យោបាយបម្រើដល់ភ្ញៀវទេសចរនៅតាមបណ្តាខ្សែបន្ទាត់ព្រំដែន សំដៅធានាសុវត្ថិភាពចរាចរណ៍ និងសន្តិសុខនៅក្នុងតំបន់។
ទន្ទឹមនឹងភារកិច្ចគ្រប់គ្រង នាយទាហាន និងពលទាហានបានឃោសនាផ្សព្វផ្សាយ និងណែនាំដោយផ្ទាល់ដល់ភ្ញៀវទេសចរបរទេស និងបណ្តាមូលដ្ឋានអាជីវកម្មទេសចរណ៍អំពីនីតិវិធីសុំលិខិតអនុញ្ញាតចូលទៅក្នុងតំបន់ព្រំដែន បទប្បញ្ញត្តិនៃការស្នាក់នៅ ព្រមទាំងបណ្តាការកត់សម្គាល់ចាំបាច់នានានៅពេលមកទស្សនាក្នុងមូលដ្ឋាន។ សកម្មភាពនេះគឺសំដៅជួយឱ្យភ្ញៀវទេសចរទទួលបានព័ត៌មានកាន់តែពេញលេញ កាត់បន្ថយការកើតឡើងនូវការបំពានផ្សេងៗដែលមិនគួរមានក្នុងអំឡុងពេលនៃការមកកម្សាន្ត។
កញ្ញា Anna Kowalska ភ្ញៀវទេសចរមកពីប្រទេសប៉ូឡូញ បានឱ្យដឹងថា មុនពេលមកដល់តំបន់ព្រំដែន កញ្ញាមិនទាន់ក្តាប់បានច្បាស់លាស់នូវបណ្តាបទប្បញ្ញត្តិដែលពាក់ព័ន្ធនឹងការស្នាក់នៅ និងការទស្សនានៅឡើយទេ។ ការដែលទទួលបានការណែនាំដោយផ្ទាល់ពីកម្លាំងមានសមត្ថកិច្ច បានជួយឱ្យដំណើរស្វែងយល់ និងកម្សាន្តមានភាពរលូនជាងមុន និងបង្កើតបាននូវអារម្មណ៍កក់ក្តៅ និងមានសុវត្ថិភាពនៅពេលមកទទួលបទពិសោធន៍នៅក្នុងប្រទេសវៀតណាម។
ក្នុងពេលជាមួយគ្នានោះ លោក Pierre Martin ភ្ញៀវទេសចរមកពីប្រទេសបារាំង បានវាយតម្លៃថា ការគាំទ្រភ្លាមៗនៅតាមបណ្តាមូលដ្ឋានស្នាក់នៅ បានជួយឱ្យភ្ញៀវអន្តរជាតិយល់ដឹងកាន់តែច្បាស់អំពីបណ្តាបទប្បញ្ញត្តិរបស់មូលដ្ឋាន ទន្ទឹមនឹងនោះរួមចំណែកកសាងបរិយាកាសទេសចរណ៍ប្រកបដោយសុវត្ថិភាព និងភាពស្និទ្ធស្នាល។
នារយៈពេលប៉ុន្មានឆ្នាំចុងក្រោយនេះ រួមជាមួយការរីកចម្រើននៃទេសចរណ៍សហគមន៍ និងបណ្តាផលិតផលទេសចរណ៍បែបបទពិសោធន៍វប្បធម៌ជនជាតិដើមភាគតិច តំបន់ខ្ពង់រាប និងតំបន់ព្រំដែនជាច្រើនបានទាក់ទាញភ្ញៀវអន្តរជាតិកាន់តែច្រើនឡើងៗ។
ការបង្កើនការត្រួតពិនិត្យ និងការគ្រប់គ្រងជនបរទេសនៅតាមតំបន់ព្រំដែន បានរួមចំណែកលើកកម្ពស់ប្រសិទ្ធភាពនៃការគ្រប់គ្រងរដ្ឋលើការចេញចូលប្រទេស, ម្ចាស់ការបង្ការ និងទប់ស្កាត់បណ្តាការបំពានច្បាប់ ទន្ទឹមនឹងនោះបង្កើតបរិយាកាសអំណោយផលសម្រាប់ការអភិវឌ្ឍទេសចរណ៍ប្រកបដោយចីរភាព និងកសាងរូបភាពខេត្ត Tuyen Quang ប្រកបដោយសុវត្ថិភាព ស្និទ្ធស្នាល និងរាក់ទាក់ទាក់ទាញភ្ញៀវទេសចរ៕
 ប្រទេសឥណ្ឌាផ្ដល់ជំនួយថវិកាជាង ១២០ លានរូពី ដើម្បីសាងសង់មជ្ឈមណ្ឌលព័ត៌មានបេតិកភណ្ឌវប្បធម៌ពិភពលោក My Son យុគសម័យ - រដ្ឋាភិបាលឥណ្ឌាទើបតែបានអនុម័តយល់ព្រមបន្ថែមមុខសញ្ញាសាងសង់មជ្ឈមណ្ឌលព័ត៌មានបេតិកភណ្ឌវប្បធម៌ពិភពលោក My Son ជាមួយនឹងកញ្ចប់ថវិកាជាង ១២០ លានរូពី។ |
 Dien Bien - គោលដៅយុទ្ធសាស្ត្រសម្រាប់ការវិនិយោគ យុគសម័យ - នាពេលថ្មីៗនេះ ខេត្តក៏កំពុងកែលម្អបរិយាកាសវិនិយោគយ៉ាងខ្លាំងក្លា ដើម្បីបង្កលក្ខណៈងាយស្រួលសម្រាប់សហគ្រាស។ |
thoidai.com.vn
មតិពីមិត្តអ្នកអាន