នាថ្ងៃ៥ ខែមីនា ក្នុងក្របខ័ណ្ឌតាំងពិព័រណ៍ទេសចរណ៍អន្តរជាតិ ITB Berlin អាល្លឺម៉ង់ នាយកដ្ឋានទេសចរណ៍វៀតណាមបានរៀបចំសន្និសីទសារព័ត៌មានដើម្បីឧទ្ទេសនាមអំពីទេសចរណ៍វៀតណាម។
 |
| ភ្ញៀវបរទេសនិងដៃគូជាច្រើនបានមកស្តង់វៀតណាមនៅឯពិព័រណ៍ទេសចរណ៍អន្តរជាតិ ITB Berlin ដើម្បីស្វែងយល់អំពីទេសចរណ៍វៀតណាម |
កាលពីឆ្នាំមុន វៀតណាមបានទទួលស្វាគមន៍ភ្ញៀវទេសចរអឺរ៉ុបជិត ២ លាននាក់ ដែលភាគច្រើនមកពីចក្រភពអង់គ្លេស បារាំង អាល្លឺម៉ង់ អេស្បាញ អ៊ីតាលីជាដើម។ ដោយឡែក ក្នុងខែមករា ចំនួនភ្ញៀវពីទីផ្សារអឺរ៉ុបមកកាន់ប្រទេសវៀតណាមបានបន្តកើនឡើងជាង ២២% បើធៀបនឹងខែមុន ក៏ដូចជារយៈពេលដូចគ្នាកាលពីឆ្នាំមុន ដែលឈានដល់ជិត ២៧០,០០០ នាក់។
អញ្ជើញថ្លែងមតិនៅទីនេះ ឯកអគ្គរដ្ឋទូតវៀតណាមប្រចាំនៅអាល្លឺម៉ង់ លោក Vu Quang Minh បានសង្កត់ធ្ងន់ថា ព្រឹត្តិការណ៍ផ្សព្វផ្សាយទេសចរណ៍វៀតណាមនៅ ITB Berlin មិនត្រឹមតែផ្សព្វផ្សាយគោលដៅទេសចរណ៍នៅវៀតណាមប៉ុណ្ណោះទេ ថែមទាំងបង្កើតការតភ្ជាប់រវាងវប្បធម៌ ជំរុញការយល់ដឹងទៀតផង។ លោកបានអះអាងថា ក្នុងប៉ុន្មានឆ្នាំថ្មីៗនេះ វៀតណាមមានវឌ្ឍនភាពគួរឱ្យកត់សម្គាល់ក្នុងការអភិវឌ្ឍហេដ្ឋារចនាសម្ព័ន្ធទេសចរណ៍ និងធានាសកម្មភាពប្រកបដោយនិរន្តរភាព។ វៀតណាមប្តេជ្ញាថែរក្សាធម្មជាតិ និងវប្បធម៌របស់ខ្លួន។ គំនិតផ្តួចផ្តើមនាពេលថ្មីៗនេះរបស់វិស័យទេសចរណ៍ គឺដើម្បីជំរុញអេកូទេសចរណ៍ និងទេសចរណ៍សហគមន៍ ដោយឆ្លុះបញ្ចាំងពីការប្តេជ្ញាចិត្តរបស់វៀតណាមចំពោះនិរន្តរភាព និងទេសចរណ៍ប្រកបដោយការទទួលខុសត្រូវ។
 |
| ផ្សព្វផ្សាយយ៉ាងខ្លាំងនូវវៀតណាម ក្នុងតាំងពិព័រណ៍ទេសចរណ៍ឈានមុខគេលើពិភពលោក |
ការចូលរួម ITB Berlin គឺជាសកម្មភាពប្រចាំឆ្នាំរបស់វិស័យទេសចរណ៍វៀតណាម ក្នុងគោលបំណងផ្សព្វផ្សាយរូបភាពរបស់ប្រទេស ប្រជាជន និងវប្បធម៌វៀតណាមពោរពរញដោយភាពទាក់ទាញ រួសរាយរាក់ទាក់ មានគុណភាពខ្ពស់ និងសុវត្ថិភាពសម្រាប់ភ្ញៀវទេសចរក្នុងទីផ្សារអាល្លឺម៉ង់និយាយរួម និងអឺរ៉ុបនិយាយដោយឡែក។ នេះក៏ជាឱកាសសម្រាប់អាជីវកម្មទេសចរណ៍វៀតណាមទាក់ទងផ្ទាល់ និងស្វែងយល់អំពីលក្ខណៈទីផ្សារ ក៏ដូចជានិន្នាការអភិវឌ្ឍន៍និងបើកទូលាយកិច្ចសហប្រតិបត្តិការអាជីវកម្ម៕
 នាយករដ្ឋមន្ត្រី លោក ហ្វាម មិញជីញ អញ្ជើញជាអធិបតីក្នុងកិច្ចសន្ទនាជាមួយសហគ្រាសកូរ៉េខាងត្បូងនិងសហគ្រាសអាស៊ាន នាព្រឹកថ្ងៃទី៤ ខែមីនា នៅទីស្នាក់ការរដ្ឋាភិបាលទីក្រុងហាណូយ នាយករដ្ឋមន្ត្រីវៀតណាម លោក ហ្វាម មិញជីញ បានអញ្ជើញជាអធិបតីនៃកិច្ចសន្ទនាជាមួយសហគ្រាសកូរ៉េខាងត្បូង។ |
 លោកអគ្គលេខាបក្ស តូ ឡឹម ធ្វើជាអធិបតីកិច្ចប្រជុំលើកទី ២ នៃគណៈកម្មាធិការមជ្ឈិមដឹកនាំការអភិវឌ្ឍវិទ្យាសាស្ត្របច្ចេកវិទ្យា នវានុវត្តន៍និងបរិវត្តកម្មឌីជីថល នារសៀលថ្ងៃទី៤ ខែមីនា នៅទីស្នាក់ការគណៈកម្មាធិការមជ្ឈិមបក្ស នៅទីក្រុងហាណូយ អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោក តូ ឡឹម បានអញ្ជើញជាអធិបតីកិច្ចប្រជុំលើកទី២ នៃគណៈកម្មាធិការមជ្ឈិមដឹកនាំការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ និងបរិវត្តកម្មឌីជីថល។ |
មតិពីមិត្តអ្នកអាន