ប្រធានរដ្ឋវៀតណាម ជួបជាមួយកម្មាភិបាលនៃស្ថានទូត និងសហគមន៍ជនវៀតណាមនៅឈីលី

លោក Luong Cuong ប្រធានរដ្ឋវៀតណាម ជួបជាមួយកម្មាភិបាលនៃស្ថានទូត និងសហគមន៍ជនវៀតណាមនៅឈីលី

អញ្ជើញថ្លែងមតិក្នុងជំនួបនេះ លោក Nguyen Viet Cuong ឯកអគ្គរដ្ឋទូតវៀតណាមប្រចាំនៅឈីលី បានថ្លែងអំណរគុណចំពោះបក្ស រដ្ឋដែលតែងតែយកចិត្តទុកដាក់ចំពោះជីវភាពរស់នៅរបស់កម្មាភិបាល បុគ្គលិកនៃស្ថាប័នតំណាងវៀតណាមនៅឯបរទេស រួមទាំងប្រទេសឈីលី តាមរយៈនោះ លើកទឹកចិត្តកម្មាភិបាល និងបុគ្គលិកនៃស្ថានទូតក្នុងការបំពេញភារកិច្ចដែលបក្ស និងរដ្ឋប្រគល់ជូន។

លោក Nguyen Viet Cuong បានរាយការណ៍ជូនលោក Luong Cuong អំពីស្ថានភាពសហគមន៍ជនវៀតណាមដែលកំពុងរស់នៅ និងធ្វើការនៅឈីលី។ ទោះបីជាចំនួនប្រជាជនវៀតណាមដែលកំពុងរស់នៅ និងធ្វើការនៅប្រទេសឈីលីមានចំនួនមិនច្រើនក៏ដោយ ក៏ពួកគេតែងតែសាមគ្គី និងគោរពច្បាប់នៃប្រទេសម្ចាស់ផ្ទះ។ លោកឯកអគ្គរដ្ឋទូតបានអះអាងថា ដោយឈរលើមូលដ្ឋាននៃទំនាក់ទំនងប្រពៃណី ដែលត្រូវបានពូនជ្រំដោយថ្នាក់ដឹកនាំ និងប្រជាជននៃប្រទេសទាំងពីរ ស្ថានទូតវៀតណាមប្រចាំនៅឈីលី បានផ្តោតលើការរក្សាទំនាក់ទំនងនយោបាយល្អរវាងប្រទេសទាំងពីរ។ កម្មាភិបាល បុគ្គលិកនៃស្ថានទូត និងសហគមន៍ជនវៀតណាមនៅឈីលី តែងតែជឿជាក់លើមាគ៌ា គោលនយោបាយរបស់បក្ស រដ្ឋ ក៏ដូចជាតួនាទីដែលកំពុងកើនឡើងរបស់ប្រទេសជាតិ។

ក្នុងបរិយាកាសស្និទ្ធស្នាល និងកក់ក្តៅ តាងនាមថ្នាក់ដឹកនាំបក្ស និងរដ្ឋ លោក Luong Cuong បានវាយតម្លៃខ្ពស់ចំពោះកិច្ចខិតខំប្រឹងប្រែង និងសមិទ្ធិផលដែលស្ថានទូត ក៏ដូចជាសហគមន៍ជនវៀតណាមនៅឈីលី សម្រេចបានក្នុងការអនុវត្តមាគ៌ា គោលនយោបាយការបរទេសរបស់បក្ស និងរដ្ឋរបស់វៀតណាម ចូលរួមចំណែកបន្តអភិវឌ្ឍទំនាក់ទំនងសហប្រតិបត្តិការលើគ្រប់វិស័យរវាងវៀតណាម និងឈីលី។

ចែករំលែកជាមួយសហគមន៍អំពីស្ថានភាពក្នុងស្រុក លោកប្រធានរដ្ឋបានអះអាងថា ទោះបីជាស្ថានភាពនយោបាយ និងសេដ្ឋកិច្ចពិភពលោកមានភាពស្មុគស្មាញក៏ដោយ ក្រោមការដឹកនាំរបស់បក្ស ជាមួយនឹងការខិតខំប្រឹងប្រែង និងសាមគ្គីភាពនៃប្រព័ន្ធនយោបាយទាំងមូល និងប្រជាជនគ្រប់មជ្ឈដ្ឋាន វៀតណាមនៅតែរក្សាស្ថិរភាពនយោបាយ ការអភិវឌ្ឍសេដ្ឋកិច្ច ហើយការការពារជាតិ និងសន្តិសុខត្រូវបានពង្រឹង ការពារយ៉ាងរឹងមាំនូវឯករាជ្យ អធិបតេយ្យភាព បូរណភាពទឹកដី កិច្ចសហប្រតិបត្តិការបរទេសត្រូវបានលើកកម្ពស់ និងសម្រេចបានលទ្ធផលវិជ្ជមានជាច្រើន។

លោកប្រធានរដ្ឋបានអះអាងថា បក្ស រដ្ឋ តែងតែយកចិត្តទុកដាក់ និងចាត់ទុកសហគមន៍ជនវៀតណាមនៅបរទេសជាផ្នែកដែលមិនអាចកាត់ផ្តាច់បាន ដែលជាធនធានរបស់សហគមន៍ប្រជាជាតិ និងជាកត្តាសំខាន់ រួមចំណែកពង្រឹងទំនាក់ទំនងកិច្ចសហប្រតិបត្តិការ និងមិត្តភាពរវាងវៀតណាមនិងប្រទេសនានា។

លោកប្រធានរដ្ឋបានស្នើឲ្យស្ថានទូតបន្តលើកកំពស់តួនាទីជាស្ពានជំរុញទំនាក់ទំនងពិសេសរវាងវៀតណាមនិងឈីលីឲ្យកាន់តែស៊ីជម្រៅ។ លោកប្រធានរដ្ឋជឿជាក់ថា សហគមន៍ជនវៀតណាមនៅឈីលីនឹងកាន់តែអភិវឌ្ឍ បន្តគោរពតាមច្បាប់របស់ប្រទេសម្ចាស់ផ្ទះ រក្សាអត្តសញ្ញាណប្រជាជាតិ ហើយក្លាយជាស្ពានជម្រុញទំនាក់ទំនងមិត្តភាពរវាងប្រទេសទាំងពីរឲ្យកាន់តែអភិវឌ្ឍ៕

ខាងក្រោមនេះគឺជារូបភាពមួយចំនួននៃកម្មវិធីប្រតិទាន

របាំអប្សរា៖ ជាស្ពានវប្បធម៌តភ្ជាប់វៀតណាម-កម្ពុជា យុគសម័យ - របាំអប្សរា ដែលជានិមិត្តរូបដ៏អស្ចារ្យនៃវប្បធម៌ខ្មែរ មិនត្រឹមតែជាទម្រង់សិល្បៈតែមួយគត់ប៉ុណ្ណោះទេ ប៉ុន្តែក៏ជាស្ពានវប្បធម៌រវាងប្រទេសកម្ពុជា និងវប្បធម៌ផ្សេងទៀតជុំវិញពិភពលោកផងដែរ។

ខេត្ត Tra Vinh (វៀតណាម)៖ ពិធីបើកសប្តាហ៍វប្បធម៌ និងទេសចរណ៍ ភ្ជាប់ជាមួយបុណ្យអកអំបុកនៅតាមមូលដ្ឋានជាច្រើន នាថ្ងៃទី៩ ខែវិច្ឆិកា សប្តាហ៍វប្បធម៌ និងទេសចរណ៍ដែលតភ្ជាប់ជាមួយបុណ្យអកអំបុក ត្រូវបានបើកនៅតំបន់ភាគខាងត្បូងវៀតណាម ដែលមានជនរួមជាតិខ្មែររស់នៅច្រើន។

យោងតាមកាសែតកងទ័ពប្រជាជន