នារសៀលថ្ងៃទី ២៣ វិច្ឆិកា នៅទីក្រុងហាណូយ ក្រសួងការបរទេស ក្រសួង ធនធានធម្មជាតិ និងបរិស្ថាន និងអង្គការសហប្រតិបត្តិការ និងអភិវឌ្ឍន៍សេដ្ឋកិច្ច (OECD) បានសម្របសម្រួលរៀបចំសិក្ខាសាលាអន្តរជាតិក្រោមប្រធានបទ “បទពិសោធន៍អន្តរជាតិក្នុងការអភិវឌ្ឍទីផ្សារកាបូន និងខ្លឹមសារគោលនយោបាយ សម្រាប់វៀតណាម”។
 អូស្ត្រាលីប្រកាសបង្កើន ODA សម្រាប់វៀតណាម |
 មូលនិធិប្រជាជននៃអង្គការសហប្រជាជាតិប្រកាសកម្មវិធីជាតិថ្មីសម្រាប់វៀតណាម |
 |
| សិក្ខាសាលាអន្តរជាតិក្រោមប្រធានបទ៖ «បទពិសោធន៍អន្តរជាតិក្នុងការអភិវឌ្ឍទីផ្សារកាបូន និងខ្លឹមសារគោលនយោបាយ សម្រាប់វៀតណាម» |
នៅក្នុងសិក្ខាសាលានេះ តំណាង OECD បានវាយតំលៃខ្ពស់ចំពោះកិច្ចខិតខំ ប្រឹងប្រែងរបស់រដ្ឋាភិបាលវៀតណាមក្នុងការជំរុញកំណើនបៃតង និងការអភិវឌ្ឍប្រកប ដោយចីរភាព ជាពិសេសសម្ដែងនូវការចាប់អារម្មណ៍យ៉ាងខ្លាំងចំពោះការប្តេជ្ញាចិត្ត របស់វៀតណាមក្នុងការបំភាយឧស្ម័នសូន្យសុទ្ធនៅសន្និសីទ COP26។ គណៈប្រតិភូ បានវាយតម្លៃថា វៀតណាមមានសក្ដានុពលខ្លាំងក្នុងការអភិវឌ្ឍទីផ្សារកាបូនប្រកប ដោយភាពស្វាហាប់ គុណភាព និងប្រសិទ្ធភាព។ បច្ចុប្បន្ននេះ វៀតណាមមានការ ត្រៀមរៀបចំបានល្អពីវិស័យសាធារណៈ។ ទោះបីជាយ៉ាងណាក៏ដោយ ចាំបាច់ត្រូវ ផ្តោតលើអភិក្រមពហុភាគី ពង្រឹងកិច្ចសហប្រតិបត្តិការរវាងវិស័យ ផ្នែក និងកម្រិត នានា ជាពិសេសការលើកកម្ពស់ការចូលរួមរបស់វិស័យឯកជន បង្កើតលក្ខខណ្ឌ សម្រាប់ការអភិវឌ្ឍការផ្គត់ផ្គង់ និងតម្រូវការនៅក្នុងទីផ្សារកាបូន។
អ្នកជំនាញបានសង្កត់ធ្ងន់ថា វៀតណាមចាំបាច់ត្រូវកសាងប្រព័ន្ធមូលដ្ឋាន ទិន្នន័យកាបូនប្រកបដោយធានាបាននូវគុណភាព ធ្វើជាមូលដ្ឋានសម្រាប់កំណត់កូតា នៃការបំភាយឧស្ម័នផ្ទះកញ្ចក់សម្រាប់សហគ្រាស ហើយសង្កត់ធ្ងន់លើភាពចាំបាច់នៃ ការគួបផ្សំប្រកបដោយភាពបត់បែន និងសម្បូរបែបនូវវិធីសាស្ត្រនិងឧបករណ៍នានា ដូចជា៖ យន្តការអភិវឌ្ឍន៍ស្អាត យន្តការឥណទានរួម ទីផ្សារតាមលក្ខណៈចាប់បង្ខំ និងស្ម័គ្រចិត្ត។ ល៕
មតិពីមិត្តអ្នកអាន