លោក វង សូត អនុប្រធានទី២ រដ្ឋសភាអញ្ជើញជួបពិភាក្សាការងារជាមួយ ឯកអគ្គរដ្ឋទូតវៀតណាម ប្រចាំព្រះរាជាណាចក្រកម្ពុជាលោក Nguyen Huy Tang

អគ្គលេខាបក្សកុម្មុយនិស្តវៀតណាម លោក Nguyen Phu Trong អញ្ជើញទទួលជួបជាមួយប្រធានគណៈទាក់ទងបរទេសនៃគណៈកម្មាធិការកណ្តាលគណបក្សប្រជាជនកម្ពុជា

លោក Daniel Nguyen Hoai Tien - អណិកជនវៀតណាមជាមួយនឹងមហិច្ឆតាក្នុងការកសាងម៉ាកយីហោជាតិ

លោក វង សូត និងលោក Nguyen Huy Tang (រូបថត៖ vnanet.vn)

នៅក្នុងជំនួបនេះ លោក Nguyen Huy Tang បានអបអរសាទរចំពោះលទ្ធផលនៃជំនួប និងការពិនិត្យទៅលើភូមិសាស្ត្រជាក់ស្ដែងពេលថ្មីៗនេះរបស់ក្រុមការងារនៃគណៈកម្មាធិការកិច្ចការបរទេសនៃរដ្ឋសភារបស់ប្រទេសទាំងបី កម្ពុជា-ឡាវ-វៀតណាមនៅតំបន់ត្រីកោណអភិវឌ្ឍន៍ ដើម្បីត្រៀមរៀបចំកិច្ចប្រជុំប្រធានរដ្ឋសភានៃប្រទេសទាំង ៣ នាពេលខាងមុខ។

ក្នុងឱកាសនេះ លោកឯកអគ្គរដ្ឋទូតបានស្នើឲ្យរដ្ឋសភាកម្ពុជា និងរដ្ឋសភាវៀតណាមជម្រុញឲ្យប្រទេសទាំងពីរសម្រេចបាននូវការព្រមព្រៀងបោះង្គោលព្រំដែនខ័ណ្ឌសីមាដែលនៅសេសសល់នាពេលឆាប់ៗនេះ។ លោកស្នើរដ្ឋសភាកម្ពុជា ជំរុញការផ្លាស់ប្តូររវាងស្ថាប័ននីតិប្បញ្ញត្តិទាំងពីរ ពង្រឹងនិងពង្រីកកិច្ចសហប្រតិបត្តិការ និងបង្កើតយន្តការថ្មីៗបន្ថែមទៀត។

លោក វង សូត បានគាំទ្រ និងឯកភាពចំពោះប្រសាសន៍របស់លោកឯកឧត្តមឯកអគ្គរដ្ឋទូត និងបង្ហាញការគាំទ្រចំពោះរដ្ឋាភិបាលទាំងពីរ ក្នុងការតភ្ជាប់ផ្លូវល្បឿនលឿន និងផ្លូវរថភ្លើង រវាងប្រទេសទាំងពីរ ដែលផ្តួចផ្តើមឡើងដោយ សម្តេចមហាបវរធិបតី ហ៊ុន ម៉ាណែត កាលពីពេលថ្មីៗ។ លោកបានគូសបញ្ជាក់ថា នេះជាការរីកចម្រើនថ្មីមួយទៀត ហើយសង្ឃឹមថាប្រទេសទាំងពីរ នឹងសម្រេចបានសមិទ្ធផលទាំងនេះ ក្នុងពេលឆាប់ៗ ដើម្បីជំរុញការអភិវឌ្ឍរួមសម្រាប់ប្រទេសទាំងពីរ កម្ពុជា-វៀតណាម៕