សាកលវិទ្យាល័យ Oriental of Naples (ប្រទេសអ៊ីតាលី) ជ្រើសរើសភាសាវៀតណាមជាមុខវិជ្ជាភាសាផ្លូវការរបស់ខ្លួន។

សាកលវិទ្យាល័យ Cuu Long (វៀតណាម) ទទួលបណ្ដុះបណ្ដាលនិស្សិតកម្ពុជា

សាកលវិទ្យាល័យ Cuu Long (វៀតណាម) បង្កើនកិច្ចសហប្រតិបត្តិការជាមួយកម្ពុជា

សាស្ត្រាចារ្យ Masina ផ្តល់បទសម្ភាសន៍

យោងតាមសាស្ត្រាចារ្យ Pietro Masina សិស្សានុសិស្សដែលសិក្សានៅសាលាអាចសិក្សាស៊ីជម្រៅអំពីប្រទេសវៀតណាម តាមរយៈការសិក្សាភាសាវៀតណាមរយៈពេល ៥ ឆ្នាំ ស្របជាមួយនឹងកម្មវិធីសិក្សាផ្នែកមនុស្សសាស្ត្រ ឬវិទ្យាសាស្ត្រនយោបាយ និងទំនាក់ទំនងអន្តរជាតិ។

មកទល់នឹងពេលនេះ ក្នុងវគ្គបណ្តុះបណ្តាលសាកល្បង ភាសាវៀតណាមបានទទួលការចាប់អារម្មណ៍យ៉ាងខ្លាំងពីសិស្សានុសិស្ស។

លើសពីនេះ សាលាក៏រៀបចំព្រឹត្តិការណ៍សហគមន៍ ដើម្បីឧទ្ទេសនាមអំពីវប្បធម៌ និងអរិយធម៌វៀតណាម ដោយសហការជាមួយស្ថានកុងស៊ុលកិត្តិយសវៀតណាមប្រចាំនៅទីក្រុង Naples។

ការណែនាំភាសាវៀតណាមចូលទៅក្នុងការបង្រៀនជាផ្លូវការនៅសាកលវិទ្យាល័យ Oriental of Naples ត្រូវបានខិតខំប្រឹងប្រែងដោយសាស្រ្តាចារ្យ Pietro Masina និងសហការីអស់រយៈពេលជាច្រើនឆ្នាំ។ លោកបានអះអាងថា សាកលវិទ្យាល័យ Oriental of Naples មានឆន្ទៈក្នុងការរួមចំណែកយ៉ាងសកម្មក្នុងការអភិវឌ្ឍន៍ទំនាក់ទំនងទ្វេភាគីអ៊ីតាលី - វៀតណាម នៅពេលសម្រេចចិត្តជ្រើសរើសវៀតណាមជាមុខវិជ្ជាផ្លូវការ។

និស្សិតអ៊ីតាលីជាច្រើននាក់បន្ទាប់ពីសិក្សាវគ្គសិក្សាភាសាវៀតណាមនៅ Naples ត្រូវបានផ្តល់អាហារូបករណ៍ដោយសាកលវិទ្យាល័យ Oriental of Naples ដើម្បីសិក្សាភាសាវៀតណាមបន្ថែមទៀតនៅសាកលវិទ្យាល័យហាណូយវៀតណាម។ ម៉ោងភាសាវៀតណាមនៅអ៊ីតាលី និងជីវភាពរស់នៅ និងសិក្សានៅសកលវិទ្យាល័យហាណូយបាននាំមកនូវបទពិសោធន៍ដ៏មានតម្លៃដល់និស្សិតអ៊ីតាលីជាច្រើន។

យោងតាមសាស្ត្រាចារ្យ Masina អស់រយៈពេលជាច្រើនឆ្នាំ សាកលវិទ្យាល័យ Oriental of Naples បានចូលរួមក្នុងគម្រោងស្រាវជ្រាវ និងសកម្មភាពអប់រំជាមួយវៀតណាម។ ​សាកលវិទ្យាល័យមានទំនាក់ទំនងសហប្រតិបត្តិការយ៉ាងជិតស្និទ្ធជាមួយបណ្ឌិត្យសភាវិទ្យាសាស្ត្រសង្គមវៀតណាម (VASS) និងសាកលវិទ្យាល័យមួយចំនួន៕

ឌឹកអាញ់

Thoidai.com.vn