កម្ពុជាបានបង្កើតតំបន់អភិរក្ស និងការពារសត្វផ្សោតដែលគ្របដណ្ដប់លើដងទន្លេមេគង្គប្រវែង ១២០ គីឡូម៉ែត្រ ក្នុងខេត្តស្ទឹងត្រែង និងក្រចេះ។ ចុះហត្ថលេខាដោយលោកនាយករដ្ឋមន្ត្រី ហ៊ុន សែន អនុក្រឹត្យនេះបានចែងថា តំបន់សុវត្ថិភាពសម្រាប់សត្វកម្រគ្របដណ្តប់លើផ្ទៃដីទំហំ ៣៥ គីឡូម៉ែត្រនៅក្នុងច្រកសំខាន់នៃទន្លេមេគង្គក្នុងខេត្តស្ទឹងត្រែង និង ៨៥ គីឡូម៉ែត្រក្នុងខេត្តក្រចេះ។
បក្សីក្ងោកទេពដ៏កម្រនៅកម្ពុជា កំពុងប្រឈមការបាត់បង់ ដែលទាមទារជួយការពារទាំងអស់គ្នា |
ការតភ្ជាប់ពាណិជ្ជកម្មរវាងធុរកិច្ចនៅតំបន់ភាគកណ្តាលខាងជើង (វៀតណាម) និងខេត្តមុកដាហាន (ថៃ) |
ផ្សោតទន្លេមេគង្គនៅក្នុងជម្រកធម្មជាតិរបស់វា។ WWF |
អនុក្រឹត្យបានចែងបន្តទៀតថា ” ហាមឃាត់រាល់ការនេសាទក្នុងតំបន់អភិរក្ស និងដើម្បីការពារសត្វផ្សោត” និងមិនត្រូវអនុញ្ញាតឱ្យនាវាផ្សេងៗធ្វើដំណើរក្នុងល្បឿនលើសពី៣០ គីឡូម៉ែត្រក្នុងមួយម៉ោង ខណៈដែលវារីវប្បកម្មក៏ត្រូវបានហាមឃាត់ផងដែរ។
ចំណាត់ការនេះបានបង្កើតឡើងបន្ទាប់ពីសត្វផ្សោតពេញវ័យចំនួន៣ ក្បាលត្រូវបានស្លាប់ដោយជាប់នឹងសន្ទូចរនងកាលពីខែធ្នូ ឆ្នាំ២០២២។
សត្វផ្សោតត្រូវបានចុះក្នុងបញ្ជីជាសត្វជិតផុតពូជនៅក្នុងសហភាពអន្តរជាតិសម្រាប់ការអភិរក្សធម្មជាតិក្នុងបញ្ជីក្រហមនៃប្រភេទរងការគំរាមកំហែងចាប់តាំងពីឆ្នាំ២០០៤។
អភិបាលខេត្តក្រចេះ លោក វ៉ា ថន បាននិយាយថា មានសត្វផ្សោតអ៊ីរ៉ាវ៉ាឌីដ៏កម្រប្រមាណ ៨០ក្បាល នៅតំបន់ទន្លេមេគង្គកម្ពុជា មានភាពទាក់ទាញខ្លាំងដល់ភ្ញៀវទេសចរជាតិ និងអន្តរជាតិ។
អ៊ីរ៉ាវ៉ាឌី គឺជាប្រភេទសត្វផ្សោតតូចមួយដែលមានពណ៌ប្រផេះងងឹត មានព្រុយរាងមូលតូច និងក្បាលរាងមូល។ វាអាចមានប្រវែងរហូតដល់ ២.៧៥ ម៉ែត្រ ទម្ងន់រហូតដល់១៥០ គីឡូក្រាម ហើយជាធម្មតារស់នៅជាក្រុម។ ផ្សោតអ៊ីរ៉ាវ៉ាឌី គឺជាប្រភេទសត្វដែលអាចរស់នៅទាំងក្នុងទាំងទឹកសាប និងសមុទ្រ៕
មតិពីមិត្តអ្នកអាន