នាពេលថ្មីៗនេះ នគរបាលខេត្ត Dak Nong ប្រទេសវៀតណាម និងស្នងការដ្ឋាននគរបាលខេត្តមណ្ឌលគិរី បានរៀបចំសន្និសីទស្តីពីកិច្ចសហប្រតិបត្តិការលើការធានាសន្តិសុខ និងសណ្តាប់ធ្នាប់នៅតំបន់ព្រំដែន ដើម្បីបង្កើនកិច្ចសហប្រតិបត្តិការនាពេលខាងមុខ។
 |
| នគរបាលខេត្ត Dak Nong និងស្នងការនគរបាលខេត្តមណ្ឌលគិរី ប្រគល់កំណត់ហេតុស្តីពីកិច្ចសហប្រតិបត្តិការលើការធានាសន្តិសុខសណ្តាប់ធ្នាប់ |
នាពេលថ្មីៗនេះ នគរបាលខេត្ត Dak Nong ប្រទេសវៀតណាម និងស្នងការដ្ឋាននគរបាលខេត្តមណ្ឌលគិរី បានរៀបចំសន្និសីទស្តីពីកិច្ចសហប្រតិបត្តិការលើការធានាសន្តិសុខ និងសណ្តាប់ធ្នាប់នៅតំបន់ព្រំដែន ដើម្បីបង្កើនកិច្ចសហប្រតិបត្តិការនាពេលខាងមុខ។
កាលពីពេលថ្មីៗនេះ នៅទីក្រុង Dak Nong នគរបាលខេត្ត Dak Nong និងនគរបាលខេត្តមណ្ឌលគិរី (កម្ពុជា) បានរៀបចំសន្និសីទស្តីពីកិច្ចសហប្រតិបត្តិការធានាសន្តិសុខ សណ្តាប់ធ្នាប់នៅតាមតំបន់ព្រំដែន ដើម្បីពង្រឹងកិច្ចសហប្រតិបត្តិការនាពេលខាងមុខ។
នៅក្នុងសន្និសីទ ភាគីទាំងពីរបានវាយតម្លៃចំពោះស្ថានភាព និងលទ្ធផលនៃកិច្ចសហប្រតិបត្តិការរវាងភាគីទាំងពីរក្នុងឆ្នាំ២០២១ និង ៨ ខែដើមឆ្នាំ២០២២ នេះ។ នគរបាលខេត្ត Dak Nong និងស្នងការដ្ឋាននគរបាលខេត្តមណ្ឌលគិរី បានបង្កើនការសម្របសម្រួល ផ្លាស់ប្តូរព័ត៌មាន ធានាសន្តិសុខ សណ្តាប់ធ្នាប់ បង្ការ និងប្រយុទ្ធប្រឆាំងឧក្រិដ្ឋកម្ម ប្រយុទ្ធប្រឆាំងជំងឺរាតត្បាត ពួតដៃគ្នាក្នុងការកសាងព្រំដែនប្រកបដោយសន្តិភាព ស្ថិរភាព មិត្តភាព និងការអភិវឌ្ឍ។
ភាគីទាំងពីរបានវាយតម្លៃថា កិច្ចសហប្រតិបត្តិការរវាងនគរបាលនៃខេត្តទាំងពីរបាន និងកំពុងអភិវឌ្ឍកាន់តែស៊ីជម្រៅ ជាក់ស្តែង និងមានប្រសិទ្ធភាព រួមចំណែកយ៉ាងសំខាន់ក្នុងការធានាបាននូវស្ថានភាពសន្តិសុខ សណ្តាប់ធ្នាប់នៅតាមតំបន់ព្រំដែនរវាងខេត្តទាំងពីរ រួមចំណែកពូនជ្រំ និងកសាងចំណងមិត្តភាពរវាងប្រទេសទាំងពីរ ខេត្តទាំងពីរប្រកបដោយនិរន្តរភាពពីមួយថ្ងៃទៅមួយថ្ងៃ។ល។
លោកវរសេនីយ៍ឯក Bui Quang Thanh នាយកនគរបាលខេត្ត Dak Nong និងលោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានឯកភាពគ្នា និងចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការលើការបង្ការ ប្រយុទ្ធប្រឆាំងឧក្រិដ្ឋកម្ម រក្សាសណ្តាប់ធ្នាប់ និងសុវត្ថិភាពសង្គម ការកសាងបន្ទាត់ព្រំដែនប្រកបដោយសន្តិភាព មិត្តភាព និងអភិវឌ្ឍន៍ដោយឈរលើមូលដ្ឋាននៃការគោរពច្បាប់នៃប្រទេសនីមួយៗ។ នាពេលខាងមុខ ភាគីទាំងពីរនឹងផ្តោតសំខាន់លើការសម្របសម្រួល ដើម្បីធានាសន្តិសុខ សណ្តាប់ធ្នាប់ ទប់ស្កាត់ និងប្រយុទ្ធប្រឆាំងឧក្រិដ្ឋកម្មនៅតាមតំបន់ព្រំដែន និងដោះស្រាយបញ្ហាបោកប្រាស់ និងការនាំមនុស្សឆ្លងដែនខុសច្បាប់ ទៅធ្វើការនៅកម្ពុជា។ល៕
មតិពីមិត្តអ្នកអាន