ស្ពានតភ្ជាប់ប្រជាជនវៀតណាម-កម្ពុជា

ពូនជ្រុំសេចក្តីស្រឡាញ់ភាសាវៀតណាមសម្រាប់សហគមន៍ជនវៀតណាមនៅឯបរទេស

ភាសាកំណើតជាមោទនភាពរបស់ជនជាតិវៀតណាមនៅគ្រប់ទីកន្លែង

សាមគ្គីភាព​ដើម្បីជំនះ​ការលំបាក

នៅដើមខែមិថុនា ឆ្នាំ ២០២១ អាជ្ញាធររាជធានីភ្នំពេញ (កម្ពុជា) បានប្រកាសពីផែនការផ្លាស់ប្តូរផ្ទះបណ្តែតទឹក និងក្បូនចិញ្ចឹមត្រីនៅតាមដងទន្លេមេគង្គ ក្នុងភូមិសាស្ត្ររាជធានីភ្នំពេញ រួមទាំងសំណង់របស់ជនជាតិវៀតណាមផងដែរ។ គ្រួសារប្រជាជនដើមកំណើតវៀតណាមភាគច្រើននៅទីនេះបានរស់នៅជាច្រើនជំនាន់ និងមានប័ណ្ណស្នាក់នៅស្របច្បាប់។

បន្ទាប់ពីទទួលបានសេចក្តីជូនដំណឹងខាងលើ នៅថ្ងៃទី៤ ខែមិថុនា ឆ្នាំ២០២១ គណៈប្រតិភូស្ថានទូតវៀតណាមប្រចាំនៅកម្ពុជា ដឹកនាំដោយលោកឯកអគ្គរដ្ឋទូត Vu Quang Minh រួមជាមួយនឹងលោក Chau Van Chi (Sim Chy) ប្រធានសមាគមខ្មែរ-វៀតណាមប្រចាំនៅកម្ពុជាបានធ្វើដំណើរចុះពិនិត្យស្ថានភាពជាក់ស្តែង និងស្វែងយល់ពីគំនិត និងសេចក្តីប្រាថ្នារបស់ប្រជាជននៅតំបន់ដែលផ្លាស់ទីលំនៅក្នុងខណ្ឌទាំង៦ ក្នុងរាជធានីភ្នំពេញ រួមមានៈ ជ្រោយចង្វារ ព្រែកព្នៅ ច្បារអំពៅ ខណ្ឌមានជ័យ ឫស្សីកែវ ដូនពេញ។

សមាគមខ្មែរ-វៀតណាមនៅកម្ពុជា បានលើកទឹកចិត្តប្រជាជនឱ្យគោរពសេចក្តីសម្រេចចិត្តរបស់អាជ្ញារមូលដ្ឋាន និងរួមគ្នាគិតគូរអំពីជម្រើសផ្លាស់ប្តូរទីលំនៅ។ មុននោះ សមាគមខ្មែរ - វៀតណាមក៏បានផ្ញើសំណើជាលាយលក្ខណ៍អក្សរទៅកាន់អាជ្ញារភ្នំពេញ ដើម្បីពន្យាពេលវេលាផ្លាស់ប្តូរទីលំនៅ ក៏ដូចជារៀបចំកន្លែងថ្មីសម្រាប់គ្រួសារដែលរងផលប៉ះពាល់រាប់ពាន់គ្រួសារផងដែរ។

តាមរយៈសមាគមខ្មែរ-វៀតណាមនៅកម្ពុជា អង្គការ និងបុគ្គលនានាបានរួមដៃគ្នាជួយសហគមន៍ជនវៀតណាមនៅកម្ពុជាឱ្យជម្នះការលំបាក (រូបថត៖ Hanh Tran)។

ក្នុង​ស្ថានភាពលំបាក ស្មារតី​នៃ​សាមគ្គីភាព ការជួយ​គ្នា​ទៅ​វិញ​ទៅ​មកបាន​លើក​កម្ពស់។ សហគមន៍​ជនវៀតណាមនៅកម្ពុជាបានជួយគ្នាទៅវិញទៅមកធ្វើអាជីវកម្ម រក្សាស្ថិរភាពក្នុងជីវភាពប្រចាំថ្ងៃ រួមចំណែកក្នុងការអភិវឌ្ឍន៍រួមរបស់កម្ពុជា និងពង្រឹងទំនាក់ទំនងមិត្តភាពជាប្រពៃណីរវាងប្រទេសទាំងពីរ និងប្រជាជនទាំងពីរ។

ក្នុងឆ្នាំ ២០២១ ផងដែរ ប្រឈមមុខនឹងការវិវឌ្ឍន៍ដ៏ស្មុគស្មាញនៃជំងឺរាតត្បាត Covid-19 ស្ថាប័នមជ្ឈិម និងអាជ្ញាធរ អង្គការនយោបាយសង្គម ការគាំទ្រពី​សហគ្រាស អង្គការ និងបុគ្គលនៅតាមតំបន់​នានានៃ​ប្រទេសវៀតណាម តាមរយៈសមាគមខ្មែរ-វៀតណាម ក្នុងកម្ពុជា​បាន​ជួយឧបត្ថម្ភ​ប្រជាជន​វៀតណាម​ជាង​១២០០០​គ្រួសារ ​ក្នុង​ប្រទេស​កម្ពុជា​ស្តីពី​អាហារ ទឹក​ថ្នាំ​សម្លាប់​មេរោគ ម៉ាស...

រក្សាអត្តសញ្ញាណវប្បធម៌វៀតណាម

ការបង្រៀនភាសាវៀតណាម និងអប់រំទំនៀមទំលាប់វប្បធម៌ដល់យុវជនជំនាន់ក្រោយ ជាកិច្ចការសំខាន់មួយរបស់សមាគមខ្មែរ-វៀតណាមនៅកម្ពុជា។ យោងតាមស្ថិតិរបស់សមាគម និងស្ថាប័នតំណាងនៃប្រទេសវៀតណាមនៅកម្ពុជា បច្ចុប្បន្ននេះមានសាលារៀន និងថ្នាក់រៀនប្រហែល ៣០ កន្លែង ដែល​បង្រៀន​ភាសាទាំងពីរគឺភាសាគឺខ្មែរ និងវៀតណាម នៅក្នុងរាជធានីភ្នំពេញ និងខេត្តចំនួន ១៤ ក្នុងប្រទេស ដែលមានសិស្សចុះឈ្មោះចូលរៀនជិត ១.៤០០ នាក់។

លោកស្រី Pham Thanh Thuy អនុប្រធានសមាគមខ្មែរ-វៀតណាមនៅកម្ពុជា មានប្រសាសន៍ថា កុមារនៃសហគមន៍ជនវៀតណាមមកសាលារៀន និងថ្នាក់រៀនទាំងនេះដោយមិនគិតថ្លៃ តាមកម្មវិធីរបស់ក្រសួងអប់រំ យុវជន និងកីឡាកម្ពុជា ហើយទន្ទឹមនឹងនោះ រៀនភាសាវៀតណាម តាមសៀវភៅសិក្សារបស់ក្រសួងអប់រំ និងបណ្តុះបណ្តាលវៀតណាម។ យោងតាមលោកស្រី Thuy អស់រយៈពេលជាច្រើនឆ្នាំកន្លងមកនេះ ការកសាងសាលារៀន និងការរៀបចំថ្នាក់រៀនសម្រាប់កុមារមានដើមកំណើតវៀតណាមទទួល​បានការគាំទ្រយ៉ាងខ្លាំងពីអង្គការ និងអង្គការក្នុងស្រុកក្នុងប្រទេស។

“សាលាបឋមសិក្សាមិត្តភាពខ្មែរ-វៀតណាម នៅខេត្តព្រៃវែង និងស្វាយរៀង បាន​ឧបត្ថម្ភ​ដោយខេត្ត Dong Thap និងខេត្ត Long An។ សាលា​នៅ​ខេត្ត​កណ្តាល​បាន​ក្រុមហ៊ុន Agribank ជួយ​សាងសង់​»​ នេះ​បើ​តាម​ការ​លើក​ឡើង​របស់​អនុប្រធាន​សមាគម។

សមាគមខ្មែរ-វៀតណាមនៅកម្ពុជាបានបង្កើតឡើងជាផ្លូវការ នៅឆ្នាំ២០០៣ ដោយប្រមូលផ្តុំជនជាតិខ្មែរដើមកំណើតវៀតណាម និងជនជាតិវៀតណាម ដែលជាអ្នកវិនិយោគ រកស៊ី និងអ្នករស់នៅស្របច្បាប់ក្នុងព្រះរាជាណាចក្រកម្ពុជា។

ក្នុងមហាសន្និបាតតំណាងលើកទី៣ សម្រាប់អាណត្តិឆ្នាំ២០២១-២០២៦ របស់សមាគមនាខែមេសា ឆ្នាំ​២០២២ ឯកអគ្គរដ្ឋទូតវៀតណាមប្រចាំនៅកម្ពុជា លោក Nguyen Huy Tang បានកោតសរសើរសមាគមខ្មែរ-វៀតណាម ក្នុងការការពារសិទ្ធិស្របច្បាប់របស់សមាជិក ព្រមទាំងគាំទ្រ និងជួយប្រជាជនដើមកំណើតវៀតណាមដែលស្ថិតក្នុងស្ថានភាពលំបាក

លោកឯកអគ្គរដ្ឋទូតបានស្នើឱ្យថ្នាក់ដឹកនាំសមាគមយកចិត្តទុកដាក់បន្ថែមទៀតក្នុងការកសាងក្រុមកម្មាភិបាល និងសមាជិកដែលមានសមត្ថភាព ក្រមសីលធម៌ និងផ្តោតលើការងារ ដើម្បីពង្រឹងទំនាក់ទំនងជាមួយអាជ្ញាធរមូលដ្ឋាននៃប្រទេសសាមី ដើម្បីបន្តទទួលបានការគាំទ្រ និងជួយប្រជាពលរដ្ឋ ស្របតាមច្បាប់កម្ពុជា និង​តាម​ទំនៀម​ទំលាប់អន្តរជាតិ។ ជាពិសេស លោកឯកអគ្គរដ្ឋទូតបានលើកទឹកចិត្តឱ្យបងប្អូន​ប្រជាជន​ដើមកំណើតវៀតណាមសិក្សារៀនសូត្រ ពង្រឹងសមត្ថភាព និងផ្លាស់ប្តូរមុខវិជ្ជាជីវៈ ដើម្បីផ្លាស់ប្តូរជីវិតរបស់ពួកគេឱ្យកាន់តែប្រសើរឡើង ប្រកបដោយនិរន្តរភាព និងយូរអង្វែង៕

ឌីណា

thoidai.com.vn