ការតភ្ជាប់ពាណិជ្ជកម្មរវាងសហគ្រាសនៅទីក្រុងឡុងអាន និងកូរ៉េខាងត្បូង

ពង្រឹងទំនាក់ទំនងសហប្រតិបត្តិការរវាងអាស៊ាន និងកូរ៉េខាងត្បូង

វិនិយោគិនចិន និងកូរ៉េខាងត្បូង សហការគ្នាដំឡើងរថយន្តប្រភេទដឹកទំនិញនៅកម្ពុជា

នាបច្ចុប្បន្ននេះ លំហូរ FDI ពីប្រទេសកូរ៉េចូលខេត្ត Long An បានកើនឡើងជាបន្តបន្ទាប់ក្នុងរយៈពេលប៉ុន្មានឆ្នាំកន្លងមកនេះ។ គម្រោងកូរ៉េដែលមានស្រាប់នៅឡុងអានក៏កំពុងពង្រីកឥតឈប់ឈរនៅក្នុងទំហំគម្រោង និងការបង្កើនទុនវិនិយោគ។

កូរ៉េខាងត្បូង គឺជាប្រទេសធំទីពីរ ក្នុងចំណោមប្រទេស និងដែនដីជិត ៤០ ដែលវិនិយោគក្នុងខេត្ត ដែលមានដើមទុនចុះបញ្ជីសរុបជាង ៨៧០ លានដុល្លារអាមេរិក។ ក្នុងសន្និសីទនេះ ថ្នាក់ដឹកនាំខេត្ត Long An បានអះអាងថា ខេត្តតែងតែបង្កើតលក្ខខណ្ឌល្អបំផុត ដើម្បីស្វាគមន៍អ្នកវិនិយោគកូរ៉េមកបណ្តាក់ទុន និងអភិវឌ្ឍន៍ប្រកបដោយស្ថិរភាពក្នុងមូលដ្ឋាន។

នាពេលថ្មីៗនេះ ខេត្ត Long An បានអនុវត្តកម្មវិធីជាច្រើនដើម្បីបង្កើតទំនាក់ទំនងសហប្រតិបត្តិការជាមួយមូលដ្ឋាន អង្គការ និងធុរកិច្ចកូរ៉េលើវិស័យផ្សេងៗ ជាពិសេសកិច្ចសហប្រតិបត្តិការសេដ្ឋកិច្ចទ្វេភាគី។ ខេត្ត រៀបចំគណៈប្រតិភូថ្នាក់ដឹកនាំខេត្តជាច្រើន ដើម្បីទៅទស្សនកិច្ច ធ្វើការ និងជំរុញការវិនិយោគនៅក្នុងខេត្ត-ក្រុងរបស់កូរ៉េ។ ជាលទ្ធផល Long An បានបង្កើតទំនាក់ទំនងសហប្រតិបត្តិការជាមួយមូលដ្ឋានកូរ៉េដូចជា Jeollabuk-do បានចុះហត្ថលេខាលើកិច្ចព្រមព្រៀងសហប្រតិបត្តិការតាមប្រធានបទ និងអនុស្សរណៈយោគយល់គ្នាស្តីពីកិច្ចសហប្រតិបត្តិការអភិវឌ្ឍន៍សេដ្ឋកិច្ចសង្គមជាមួយខេត្ត Chungcheongnam-do។

អនុប្រធានគណៈកម្មាធិការប្រជាជនខេត្ត Long An លោក Nguyen Minh Lam បានសង្កត់ធ្ងន់ថា សន្និសីទមានអត្ថន័យសំខាន់ គោលបំនងដើម្បីបន្តបើកឱកាសសហប្រតិបត្តិការជាច្រើនរវាងខេត្ត Long An និងធុរកិច្ចកូរ៉េនាពេលខាងមុខ និងជាសកម្មភាពជាក់ស្តែង សំដៅអបអរសាទរខួបលើកទី៣០ នៃការបង្កើតទំនាក់ទំនងការទូតរវាងវៀតណាម និងកូរ៉េ។ ព្រឹត្តិការណ៍នេះបង្កើតភាពស្អិតរមួត ផ្លាស់ប្តូរព័ត៌មានអំពីគម្រោងវិនិយោគ និងចុះហត្ថលេខាលើកិច្ចសហប្រតិបត្តិការជាក់លាក់ ដោយហេតុនេះជំរុញកិច្ចសហប្រតិបត្តិការវិនិយោគរបស់អ្នកវិនិយោគកូរ៉េក្នុងខេត្ត។

ចូលរួមក្នុងសន្និសីទនេះ តំណាងមន្ទីរ និងសាខានៃខេត្ត Long An និងធុរកិច្ចបានឧទ្ទេសនាមអំពីផលិតផលឯកទេសក្នុងស្រុកមួយចំនួន និងផលិតផលពាណិជ្ជកម្ម សេវាកម្ម និងទេសចរណ៍ដល់គណៈប្រតិភូធុរកិច្ចកូរ៉េ។

បន្ថែមពីលើនេះ ធុរកិច្ចនៃភាគីទាំងពីរក៏បានផ្លាស់ប្តូរ និងពិភាក្សាអំពីបញ្ហាពន្ធគយ ការធ្វើបច្ចុប្បន្នភាពព័ត៌មានស្តីពីលក្ខណៈវិនិច្ឆ័យសម្រាប់សំណល់ថ្នាំពុល និងនីតិវិធីសម្រាប់ផលិតផលកសិកម្មដែលត្រូវនាំចេញទៅកាន់ទីផ្សារកូរ៉េ។

ក្នុងឱកាសនេះ មន្ទីរឧស្សាហកម្ម និងពាណិជ្ជកម្មខេត្ត Long An, Market Bridge Group (កូរ៉េខាងត្បូង) និងគណៈកម្មាធិការគាំទ្រសេដ្ឋកិច្ចកូរ៉េ-វៀតណាម បានចុះហត្ថលេខាលើអនុស្សរណៈយោគយល់គ្នា ដើម្បីវិនិយោគក្នុងគម្រោងបង្កើត “មជ្ឈមណ្ឌលចរាចរ និងចែកចាយទំនិញនៅខេត្តឡុងអាន៕

ហេង វុធ្ធី