កាសែតខ្មែរថាមស៍ បានដកស្រង់សម្តីរបស់លោក ថោង រដ្ឋសក្តិ អគ្គនាយកអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ ក្រសួងទេសចរណ៍កម្ពុជា នាថ្ងៃ១៧ ខែសីហា ថា ឆ្នាំ២០២២ គឺជាការចាប់ផ្តើមនៃដំណើរការងើបឡើងវិញនៃវិស័យទេសចរណ៍របស់កម្ពុជា។
 កម្ពុជាសន្យាចំណាយប្រាក់ជាង ៤០០ លានដុល្លារសម្រាប់ព្រឹត្តិការណ៍ស៊ីហ្គេមលើកទី ៣២ |
 កម្ពុជាកំណត់ពេលវេលារៀបចំព្រឹត្តិការណ៍ស៊ីហ្គេម ៣២ |
នៅឆមាសទី១ ឆ្នាំនេះ កម្ពុជាទទួលបានភ្ញៀវទេសចរអន្តរជាតិជាង ៥០ ម៉ឺននាក់។ ក្រសួងទេសចរណ៍កម្ពុជារំពឹងថា ប្រទេសនេះនឹងទទួលភ្ញៀវទេសចរអន្តរជាតិប្រមាណ ១.៣ លាននាក់នៅឆ្នាំ២០២២។
 |
| ប្រាសាទអង្គរវត្តគឺជាគោលដៅទេសចរណ៍ល្បីៗនៅកម្ពុជា (រូបថត៖ កាសែតខ្មែរថាមស៍) |
ឆ្នាំក្រោយត្រូវបានចាត់ទុកជាឱកាសដ៏ល្អសម្រាប់ការងើបឡើងវិញ និងអភិវឌ្ឍន៍វិស័យទេសចរណ៍កម្ពុជា នៅពេលដែលប្រទេសនេះទទួលតួនាទីធ្វើជាម្ចាស់ផ្ទះនៃព្រឹត្តិការណ៍កីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី១២។ លោក ថោង រដ្ឋសក្តិ រំពឹងថា កម្ពុជានឹងស្វាគមន៍ភ្ញៀវទេសចរអន្តរជាតិ ៥០ ម៉ឺននាក់នៅក្នុងព្រឹត្តិការណ៍កីឡាទាំងពីរពោលខាងលើ។
ប៉ុន្តែ ក្រសួងទេសចរណ៍កម្ពុជាក៏បានកត់សម្គាល់ថា ការងើបឡើងវិញនៃវិស័យទេសចរណ៍របស់កម្ពុជា ក៏ដូចជាតំបន់អាស៊ី-ប៉ាស៊ីហ្វិក នៅតែពឹងផ្អែកលើទីផ្សារធំៗចំនួនបី រួមមានប្រទេសចិន ជប៉ុន និងកូរ៉េខាងត្បូង។ ប្រទេសចិនមិនទាន់បើកដំណើរការវិញទេ ដោយសារគោលនយោបាយ "សូន្យកូវីដ" ខណៈជប៉ុន និងកូរ៉េខាងត្បូងនៅតែឆ្លើយតបនឹងការផ្ទុះឡើងវិញនៃជំងឺកូវីដ-១៩៕
មតិពីមិត្តអ្នកអាន