មជ្ឈដ្ឋានអជីវកររុស្ស៊ីវាយតម្លៃខ្ពស់ចំពោះការទូទាត់ដោយផ្ទាល់រវាងធនាគាររុស្ស៊ី និងវៀតណាម

សម្ព័ន្ធក្រុមហ៊ុនTH Group ពន្លឿនការបញ្ចប់គម្រោងវិនិយោគក្នុងប្រទេសរុស្ស៊ី

ថ្នាក់ដឹកនាំបក្សនិងរដ្ឋវៀតណាម អញ្ជើញទទួលជួបរដ្ឋមន្ត្រីការបរទេសរុស្ស៊ី លោក Sergei Lavrov

រូបថត៖ ឧទាហរណ៍

នៅក្នុងបទសម្ភាសន៍ជាមួយសារព័ត៌មានលោក Svyatoslav Ostrovsky សមាជិកក្រុមប្រឹក្សាភិបាលនៃ VTB បាននិយាយថា ធនាគារកំពុងកសាងសស្ពានតភ្ជាប់នឹងតំបន់អាស៊ី។ "វៀតណាមគឺជាប្រទេសមួយក្នុងចំណោមប្រទេសដំបូងគេ ដែលមានសេដ្ឋកិច្ចរីកចម្រើនយ៉ាងឆាប់រហ័ស និង​មានប្រពៃណី និងទទួល​ការយក​ចិត្តុទុកដាក់របស់អាជីវកម្មរុស្ស៊ី"។ ក្រៅពីនេះ វៀតណាមជាគោលដៅទេសចរណ៍ដ៏ពេញនិយមបំផុតមួយសម្រាប់ប្រជាជនរុស្ស៊ី។ លោកជឿជាក់ថា ដំណោះស្រាយថ្មីរបស់ VTB នឹងត្រូវបានអតិថិជនគាំទ្រ ហើយធនាគារតែងតែត្រៀមខ្លួនជាស្រេចក្នុងការផ្តល់នូវផលិតផល និងសេវាកម្មដែលសមស្របបំផុតសម្រាប់អតិថិជនទាំងអស់។

ទន្ទឹមនឹងនោះ តំណាងរបស់ Promsvyazbank (PSB) បានសង្កត់ធ្ងន់ថា PSB ចាប់អារម្មណ៍ក្នុងការបង្កើតទំនាក់ទំនងជាមួយធនាគារអាស៊ីអាគ្នេយ៍ រួមមាន មីយ៉ាន់ម៉ា វៀតណាម និងឥណ្ឌូនេស៊ី ដោយសារប្រទេសទាំងនេះចាប់អារម្មណ៍ក្នុងការអភិវឌ្ឍន៍ទំនាក់ទំនងអាជីវកម្មដែល​ធ្វើ​អាជីវកម្ម​ក្នុង ក្នុងវិស័យថាមពល សិកម្ម ការចម្រាញ់ប្រេង ការអភិវឌ្ឍន៍ធនធានធម្មជាតិ បច្ចេកវិទ្យាព័ត៌មាន...

លោក Alexei Filimonov នាយកប្រតិបត្តិនៃក្រុមហ៊ុន Astera ដែលជាអង្គភាពមួយដែលបានធ្វើការនៅប្រទេសវៀតណាមរយៈពេលពីរឆ្នាំ។ លោកបានអត្ថាធិប្បាយថា ទីផ្សារវៀតណាមកំពុងរីកចម្រើនយ៉ាងខ្លាំង ហើយទន្ទឹមនឹងនោះបាននិយាយថា សក្ដានុពលសម្រាប់ទំនាក់ទំនងពាណិជ្ជកម្មរុស្ស៊ី - វៀតណាមនៅតែមានទំហំធំខ្លាំង ហើយកំពុងអភិវឌ្ឍយ៉ាងវិជ្ជមាន។ ទំហំ​ពាណិជ្ជកម្ម​រវាង​រុស្ស៊ី និង​វៀតណាម​កាល​ពី​ឆ្នាំ​មុន​បាន​កើន​ដល់​ជាង ៧​ពាន់​លាន​ដុល្លារ។

លោក Denis Kuskov នាយកប្រតិបត្តិនៃទីភ្នាក់ងារវិភាគ TelecomDaily បាននិយាយថា វៀតណាមគឺជាប្រទេសដែលមានការអភិវឌ្ឍន៍យ៉ាងឆាប់រហ័សដែលមានប្រជាជនជាង ៩៩ លាននាក់។ ការ​សាងសង់​រោងចក្រ​ណាមួយ​ក្នុង​ប្រទេស​វៀតណាម មិន​ថា​ក្នុង​វិស័យ​អេឡិចត្រូនិក ឬ​ឧស្សាហកម្ម​រថយន្ត​គឺ​មាន​តម្លៃ​ថោក​ជាង​នៅ​ប្រទេស​ផ្សេង​ទៀត។ អាកាសធាតុអំណោយផល ហើយតម្លៃពលកម្មមានតម្លៃសមរម្យ ដោយហេតុនេះបង្កើតលក្ខខណ្ឌវិជ្ជមានសម្រាប់ការផលិតឧបករណ៍បរទេស។

មុននោះ នាថ្ងៃដដែល ធនាគារពាណិជ្ជកម្មបរទេសរុស្ស៊ី (VTB) បានប្រកាសថា ធនាគារបានចាប់ផ្តើមអនុវត្តសេវាផ្ទេរប្រាក់ទៅវៀតណាមជាប្រាក់ដុង។ សេវាកម្មថ្មីដែលនឹងអនុញ្ញាតឱ្យផ្ញើប្រាក់ទៅក្រៅប្រទេសនឹងមានសម្រាប់បុគ្គល និងនីតិបុគ្គល ចាប់ពីថ្ងៃទី ២៧ ខែកក្កដា។ អតិថិជននឹងអាចប្រើប្រាស់សេវាផ្ទេរប្រាក់នៅ VTB Online។ ប្រាក់នឹងត្រូវបានផ្ទេរទៅគណនីរបស់អ្នកទទួលនៅក្នុងប្រទេសវៀតណាមក្នុងរយៈពេលមួយថ្ងៃ ហើយការផ្ទេរប្រាក់ឆ្លងប្រទេសអនុលោមតាមច្បាប់រូបិយប័ណ្ណ។

សេវាកម្មរបស់ធនាគារ VTB មិនមែនជាជម្រើសតែមួយគត់សម្រាប់ការផ្ទេរប្រាក់ពីប្រទេសរុស្ស៊ីទៅប្រទេសវៀតណាមនោះទេ។ ចាប់ពីខែតុលា ឆ្នាំ ២០២០ ធនាគារ BIDV បានដាក់ឱ្យដំណើរការជាផ្លូវការនូវសេវាកម្មទទួលប្រាក់ពីប្រទេសរុស្ស៊ីទៅប្រទេសវៀតណាម តាមរយៈបណ្តាញ KoronaPay នៅចំណុចប្រតិបត្តិការ BIDV ជាង ១,០០០ នៅទូទាំងប្រទេស។ ពេលវេលាផ្ទេរ និងទទួលប្រាក់ត្រូវបានកាត់បន្ថយមកត្រឹមប៉ុន្មាននាទីប៉ុណ្ណោះសម្រាប់ប្រតិបត្តិការផ្ទេរប្រាក់ អតិថិជនទទួលបានប្រាក់នៅប្រទេសវៀតណាមដោយមិនគិតថ្លៃទាំងស្រុង ហើយអាចជ្រើសរើសរូបិយប័ណ្ណដែលទទួលបានជាដុល្លារ ឬអឺរ៉ូ។ ទោះបីជាយ៉ាងណាក៏ដោយ តំណាងធនាគារ BIDV នៅប្រទេសរុស្ស៊ីបាននិយាយថា សេវា KoronaPay អនុវត្តចំពោះអតិថិជនម្នាក់ៗប៉ុណ្ណោះ ហើយចំនួននៃការផ្ទេរប្រាក់មានកម្រិតតិចតួច៕

ឌីណា