លទ្ធផលបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ត្រូវបានគណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសជាផ្លូវការ។
 គណៈប្រតិភូជាន់ខ្ពស់កងទ័ពជើងទឹកនៃកងយោធពលខេមរភូមិន្ទផ្លាស់ប្តូរបទពិសោធន៍នៅវិទ្យាស្ថានកងទ័ពជើងទឹកវៀតណាម |
 សាមគ្គីភាព និងមិត្តភាពរវាងវៀតណាម និងកម្ពុជា៖ ការរៀបរាប់នៃវត្ថុដាក់តាំងបង្ហាញ |
 |
| បុគ្គលិករៀបចំការបោះឆ្នោតរាប់សន្លឹកឆ្នោតក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ នៅរាជធានីភ្នំពេញ ប្រទេសកម្ពុជា នៅថ្ងៃទី៥ ខែមិថុនា ឆ្នាំ២០២២ |
គណៈកម្មាធិការជាតិរៀបចំការបោះឆ្នោត (គ.ជ.ប) របស់កម្ពុជា បានឲ្យដឹងថា គណបក្សចូលរួមការបោះឆ្នោត ៩/១៧ ទទួលបានអាសនៈ។ ក្នុងចំណោមគណបក្សចំនួន ១៧ ដែលចូលរួមក្នុងការបោះឆ្នោតនៅឃុំ/សង្កាត់ចំនួន ១.៦៥២ ក្នុងប្រទេសកម្ពុជា មានគណបក្សចំនួន ៩ បានទទួលសំឡេងគាំទ្រ និងបានក្លាយជាសមាជិកក្រុមប្រឹក្សាឃុំ/សង្កាត់។
គណបក្សប្រជាជនកម្ពុជាដែលកាន់អំណាចរបស់លោកនាយករដ្ឋមន្ត្រី ហ៊ុន សែន ឈ្នះនៅតាមឃុំ/សង្កាត់ភាគច្រើននៅទូទាំងប្រទេស។ ជាក់ស្តែង គណបក្សប្រជាជនកម្ពុជា បានទទួលជ័យជម្នះយ៉ាងលើសលប់ ជាមួយនឹងអាសនៈសមាជិកក្រុមប្រឹក្សាឃុំ សង្កាត់ចំនួន ៩.៣៧៦ អាសនៈ ស្មើនឹង ៨០.៦% ក្នុងនោះមានអាសនៈមេឃុំសង្កាត់ចំនួន ១.៦៤៨ អាសនៈ ចៅសង្កាត់រងទី ១ ចំនួន ១ ៦១៨ អាសនៈ ចៅសង្កាត់រងទី ២ ចំនួន ២៦១ អាសនៈ។
គណបក្សចំនួន៩ ក្នុងចំណោម១៧ បានទទួលអាសនៈក្នុងការបោះឆ្នោតក្រុមប្រឹក្សាឃុំសង្កាត់អាណត្តិទី ៥ ក្នុងឆ្នាំ២០២២ ខណៈដែលគណបក្សកាន់អំណាចបានទទួលជ័យជម្នះភ្លូកទឹកភ្លូកដីនៅក្នុងការបោះឆ្នោត ហើយគណបក្សភ្លើងទៀន ទទួលបានអាសនៈចំនួន ២១៩៨ នៅក្នុងក្រុមប្រឹក្សាឃុំ ។ នេះបើតាមការប្រកាសរបស់ គ.ជ.ប។
បើតាមសេចក្តីប្រកាសរបស់ គ.ជ.ប បានឲ្យដឹងថា គណបក្សប្រជាជនកម្ពុជាទទួលបានអាសនៈសរុបចំនួន ៩,៣៧៦ ដែលមានមេឃុំចំនួន ១៦៤៨ រូប, ជំទប់ទី១ ចំនួន ១៦១៨ រូប និង ជំទប់ទី២ ២៦១ រូប។ គណបក្សភ្លើងទៀនទទួលបានអាសនៈជាមេឃុំចំនួន ៤ រូប ជំទប់ទី១ មាន ២៥ រូប និង ជំទប់ទី២ មាន ១,៣៦០ រូប។
គណបក្សហ្វ៊ុនស៊ិនប៉ិចទទួលបាន ១៩ អាសនៈ (ជំទប់ទី១ ៤រូប ជំទប់ទី២ ១២រូប), គណបក្សខ្មែររួបរួមជាតិ ទទួលបាន ១៣ អាសនៈ (ជំទប់ទី១ ១០រូប), គណបក្សប្រជាធិបតេយ្យមូលដ្ឋាន ទទួលបាន ៦ អាសនៈ (ជំទប់ទី១ ២រូប ជំទប់ទី២ ២រូប)។ គណបក្សខ្មែរស្រលាញ់ជាតិ ទទួលបាន ៥ អាសនៈ (ជំទប់ទី១ ២រូប ជំទប់ទី២ ២រូប), គណបក្សយុវជនកម្ពុជា ទទួលបាន៣អាសនៈ (ជំទប់ទី២ ៣រូប), គណបក្សកម្ពុជានិយម ទទួលបាន ១ អាសនៈ (ជំទប់ទី២ ១ រូប) និង គណបក្សសំបុកឃ្មុំសង្គមប្រជាធិបតេយ្យទទួលបាន ១ អាសនៈ (ជំទប់ទី២ ១រូប)។
គ.ជ.ប បន្ថែមថា ក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ប្រជាពលរដ្ឋបានទៅបោះឆ្នោតសរុប ៧,៣៩៤,៤២៧ នាក់ ស្មើនឹង ៨០.៣២% នៃអ្នកចុះឈ្មោះបោះឆ្នោត ៩,២០៥,៦៨១ នាក់។ សំឡេងឆ្នោតបានការមានចំនួន ៧,២៣៧,០៣៧ សំឡេង និងសំឡេងមិនបានការចំនួន ១៥៧,៣៩០ សំឡេង៕
មតិពីមិត្តអ្នកអាន