Trending now

សាមគ្គីភាព និងមិត្តភាពរវាងវៀតណាម និងកម្ពុជា៖ ការរៀបរាប់នៃវត្ថុដាក់តាំងបង្ហាញ

09:48 | 29/06/2022

យុគសម័យ - កម្រងបទចម្រៀង និងថាសម៉ាស៊ីន​ច្រៀងរបស់ប្រមុខរដ្ឋ ព្រះករុណាព្រះបាទសម្តេចព្រះ នរោត្តម សីហនុ នៃព្រះរាជាណាចក្រកម្ពុជា ប្រោសព្រះរាជទានដល់​ទាហាន Truong Son; អត្តសញ្ញាណប័ណ្ណរបស់លោក Nguyen The Bon - មេបញ្ជាការកងពលធំលេខ ៧ វិទ្យុរបស់លោកឧត្តមសេនីយ៍ទោ Nguyen Chuc... ទាំងនេះគឺជាវត្ថុបុរាណក្នុង​ចំណោមរូបភាព វត្ថុនិងឯកសារជាង ២០០ ដែលដាក់តាំងក្នុងការតាំងពិព័រណ៌ “សាមគ្គីភាព និងមិត្តភាពវៀតណាម - កម្ពុជា”។

ពិធីអបអរសាទរខួបលើកទី ៥៥ នៃទិវាបង្កើតទំនាក់ទំនងការទូតរវាងវៀតណាម និងកម្ពុជា ពិធីអបអរសាទរខួបលើកទី ៥៥ នៃទិវាបង្កើតទំនាក់ទំនងការទូតរវាងវៀតណាម និងកម្ពុជា
បើកការតាំងពិព័រណ៍ ក្រោមចំណងជើង «សាមគ្គីភាព មិត្ដភាព វៀតណាម-កម្ពុជា» បើកការតាំងពិព័រណ៍ ក្រោមចំណងជើង «សាមគ្គីភាព មិត្ដភាព វៀតណាម-កម្ពុជា»

វត្ថុបុរាណ រូបភាព និងឯកសារជាង ២០០ គឺជាឯកសារដ៏មានតម្លៃទាំងអស់ដែលបានរក្សាទុកនៅសារមន្ទីរប្រវត្តិសាស្ត្រយោធាវៀតណាម និងបណ្ណាល័យ​យោធា រួមទាំងវត្ថុបុរាណថ្មីៗ ដែលទើបប្រមូលបាន និងដាក់​តាំងជាលើកដំបូងក្នុងការតាំងពិព័រណ៍នេះ។ រូបថត និងវត្ថុបុរាណនីមួយៗ បានផ្សារភ្ជាប់នឹងព្រឹត្តិការណ៍ពិសេស និងរឿងរ៉ាវដ៏ពិសេសដែលបង្ហាញពីទំនាក់ទំនងជិតស្និទ្ធរវាងវៀតណាម និងកម្ពុជា។

សាមគ្គីភាព និងមិត្តភាពរវាងវៀតណាម និងកម្ពុជា៖ ការរៀបរាប់នៃវត្ថុដាក់តាំងបង្ហាញ
គណៈប្រតិភូអញ្ជើញទស្សនាការតាំងពិព័រណ៍នេះ។ (រូបថត៖ Thanh Luan)

វត្ថុបុរាណមួយក្នុងចំណោមបណ្តាវត្ថុបុរាណដែលទាក់ទាញចំណាប់អារម្មណ៍អ្នកទស្សនាក្នុងការតាំងពិព័រណ៌នេះគឺកម្រងបទចម្រៀង និងថាសម៉ាស៊ីន​ច្រៀងដែលសម្តេចព្រះនរោត្តម សីហនុ ប្រោសព្រះរាជទានដល់ទាហាន Truong Son ក្នុងខែមីនា ឆ្នាំ១៩៧៣​។ នេះជាការថ្លែងអំណរគុណរបស់ប្រមុខរដ្ឋ ព្រះករុណាព្រះបាទសម្តេចព្រះ នរោត្តម សីហនុ ចំពោះរដ្ឋាភិបាល និងកងទ័ពប្រជាជនវៀតណាម ដែលបានជួយព្រះអង្គអញ្ជើញ​យាងទៅទស្សនាតំបន់រំដោះ។ ក្នុង​ចំណោម​បទ​ទាំង​នោះមាន​​បទ “អរគុណ​ ផ្លូវ​ Ho Chi Minh !”។

បទចម្រៀងនោះមានប្រយោគ៖ "អរគុណ ផ្លូវ Ho Chi Minh / ផ្លូវឆ្ពោះទៅរកជ័យជំនះ / ផ្លូវមាន​ភាពរុងរឿង / ផ្លូវ​បាន​ដាក់ឈ្មោះ​របស់វីរៈជនដ៏អស្ចារ្យ / បាន​បើកផ្លូវឱ្យបដិវត្តន៍ឡើង" ។

សាមគ្គីភាព និងមិត្តភាពរវាងវៀតណាម និងកម្ពុជា៖ ការរៀបរាប់នៃវត្ថុដាក់តាំងបង្ហាញ

កម្រងបទចម្រៀង ថាសម៉ាស៊ីន​ច្រៀងរបស់ប្រមុខរដ្ឋ ព្រះករុណាព្រះបាទសម្តេចព្រះ នរោត្តម សីហនុ​ប្រោសព្រះរាជទានដល់ទាហាន Truong Son Truong Son ។ (រូបថត៖ Thanh Luan)

ទន្ទឹម​នឹង​នេះ វត្ថុ​បុរាណផ្សេងទៀត​ដែល​បាន​ដាក់តាំងក្នុង​ការតាំង​ពិព័រណ៌​នេះ​គឺ​អត្តសញ្ញាណប័ណ្ណ​លេខ ០៦៣៨៩៨ VN ឈ្មោះ Tran Van Toan។ នេះជាអត្តសញ្ញាណប័ណ្ណដែលផ្តល់ឱ្យលោក Nguyen The Bon - មេបញ្ជាការកងពលធំលេខ ៧ ក្នុងឆ្នាំ ១៩៦៣ ។ លោក Bon បានប្រើអត្តសញ្ញាណប័ណ្ណនេះក្នុងអំឡុងពេលប្រតិបត្តិការរបស់គាត់ ដោយក្លែងធ្វើជាពាណិជ្ជករវៀតណាមកំពុងជួញដូរនៅទឹក​ដីកម្ពុជា ដើម្បីស្រាវជ្រាវទីផ្សារ ទិញ និងលក់អាវុធ និងល្បៀងអាហារសម្រាប់កងទ័ពរំដោះវៀតណាមខាងត្បូងពីឆ្នាំ ១៩៦៣-១៩៦៧ ។

ថែមទាំង វត្ថុបុរាណមួយទៀតគឺវិទ្យុរបស់លោកឧត្តមសេនីយ៍ទោ Nguyen Chuc ដែលត្រូវបានផ្តល់ដោយយោធភូមិភាគទី ៥ ក្នុងឆ្នាំ ១៩៧៩។ លោក ឧត្តមសេនីយ៍ទោ Nguyen Chuc បានប្រើប្រាស់វិទ្យុនេះដើម្បីស្តាប់ព័ត៌មាន ចាប់យក​នូវស្ថានភាពបច្ចុប្បន្ន ហើយផ្តល់ព័ត៌មានដល់នាយទាហាន និងយុទ្ធជន ក្នុងរយៈពេល​ដែលលោកកាន់តំណែងជាមេបញ្ជាការរណសិរ្សទី ៥៧៩ កងទ័ពស្ម័គ្រចិត្តវៀតណាមប្រចាំសមរភូមិភាគឦសាននៃប្រទេសកម្ពុជា។

វត្ថុបុរាណដំបូងដែលបានឧទ្ទេសនាម​នៅសារមន្ទីរប្រវត្តិសាស្ត្រយោធាវៀតណាមគឺគ្រឿង​ឥស្សរិយយសផ្កាយមាសដែលប្រធានរដ្ឋជូន​ដល់​កងកម្លាំងជំនាញវៀតណាមដែលបានជួយបដិវត្តន៍កម្ពុជា ក្នុងកំឡុងឆ្នាំ ១៩៧៩​ - ១៩៨៩។ ​​នេះជាការទទួលស្គាល់ និងវាយតម្លៃដ៏ថ្លៃថ្នូរ របស់បក្ស រដ្ឋ និង ប្រជាជនសម្រាប់គុណូបការដ៏ធំធេងរបស់អ្នកជំនាញវៀតណាមក្នុងការបំពេញភារកិច្ចអន្តរជាតិដ៏ខ្ពង់ខ្ពស់នៅកម្ពុជា។

អ្នកជំនាញវៀតណាមបានជួយប្រជាជនកម្ពុជាអនុវត្តដំណោះស្រាយជាមូលដ្ឋាន ដើម្បីស្តារប្រទេសជាតិឡើងវិញ និងទប់ស្កាត់ការវិលត្រឡប់មកវិញនៃរបបប្រល័យពូជសាសន៍ ប៉ុលពត។ ជាលេចធ្លោគឺការជួយកម្ពុជាកសាង​បក្សប្រជាជន​បដិវត្តន៍កម្ពុជា និងរចនាសម្ព័ន្ធសង្គមឡើង​វិញ ពីមជ្ឈិមដល់មូលដ្ឋាន ដែលបាន​បំផ្លិចបំផ្លាញដោយរបបខ្មែរក្រហម ជួយប្រទេសមិត្តស្តារឡើង​វិញសេដ្ឋកិច្ច សង្គម ធានាការពារជាតិ និងសន្តិសុខ...

វរសេនីយ៍ឯក លោក Le Vu Huy នាយកសារមន្ទីរប្រវត្តិសាស្ត្រយោធាវៀតណាមបានមានប្រសាសន៍ថា សារមន្ទីរបានជ្រើសរើសវត្ថុបុរាណដែលមានអត្ថន័យ ក៏ដូចជាបង្ហាញសារនៃការតាំងពិពណ៌ តាមរយៈប្រធានបទទាំងអស់ដែលបានដាក់តាំង។ ក្រៅពីវត្ថុបុរាណដែលគ្រប់គ្រង និងថែរក្សាដោយសារមន្ទីរប្រវត្តិសាស្ត្រយោធាវៀតណាម អស់រយៈពេលជាច្រើនឆ្នាំ។ នៅឆ្នាំ ២០២១ សមាគមមិត្តភាពវៀតណាម-កម្ពុជាបានប្រគល់​ជូនឱ្យសារមន្ទីរនូវឯកសារ វត្ថុបុរាណជាច្រើន របស់ជំនាញការវៀតណាមដែលធ្លាប់បំពេញ​បេសកកម្ម​នៅកម្ពុជាអស់រយៈពេល ១០ ឆ្នាំ។ ក្នុងចំណោមវត្ថុបុរាណទាំងនោះជាច្រើនដែល​ជាសាក្សី​ការ​ប្រល័យ​ពូជ​សាសន៍​នៃ​ក្រុម​ប្រតិកម្ម ប៉ុល ពត អៀង សារី; វត្ថុបុរាណជាច្រើន គឺជាឧបករណ៍និង​បរិក្ខារប្រើប្រាស់ដែលពាក់ព័ន្ធជាមួយឥស្សរជនប្រវត្តិសាស្ត្រ ហើយក៏ជារង្វាន់ដ៏ថ្លៃថ្លាដែលបក្ស រដ្ឋ និងរដ្ឋាភិបាលនៃប្រទេសទាំងពីរប្រគល់ជូនដល់អ្នកជំនាញធ្លាប់ធ្វើការនៅកម្ពុជា ពីឆ្នាំ ១៩៧៩ ដល់ ១៩៨៩។លោកវរសេនីយ៍ឯក Le Vu Huy សង្ឃឹមថា ការតាំងពិព័រណ៌នេះនឹងបង្ហាញពីចំណងសាមគ្គីភាព និងមិត្តភាពរវាងវៀតណាម និងកម្ពុជា ក៏ដូចជាការផ្សព្វផ្សាយ និងឃោសនា អប់រំដល់សាធារណជន ជាពិសេសជួយឱ្យយុវជនជំនាន់ក្រោយបានយល់ដឹងកាន់តែច្បាស់អំពីចំណងសាមគ្គីភាព ភាពស្អិត​រមួក្នុង​ដំណាក់កាលបណ្តាប្រវត្តិសាស្ត្រ​នៃ​ប្រជាជន​ទាំងពីរ ជាពិសេស​ក្នុង​សម័យកាល​បច្ចុប្បន្ន ដើម្បី​ឲ្យ​ពួកគេ​មាន​មោទនភាព និង​ជំរុញ​ទំនាក់ទំនង​នេះ​ឲ្យ​កាន់តែ​រីកចម្រើន​។

ឯកអគ្គរដ្ឋទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ប្រចាំប្រទេសវៀតណាម លោក ឆាយ ណាវុធ មានប្រសាសន៍ថា រូបថត និងវត្ថុបុរាណនេះ បង្ហាញពីការជួយគាំទ្ររបស់កងទ័ពស្ម័គ្រចិត្ត និងអ្នកជំនាញវៀតណាមចំពោះកម្ពុជា​ក្នុង​ការចេញផុត​ពី​របប​ប្រល័យពូជសាសន៍ប៉ុល ពត។

“ខ្ញុំសង្ឃឹមថា សារមន្ទីរនឹងឃោសនានិង​ផ្សព្វផ្សាយ ឲ្យមហាជនអំពីចំណងមិត្តភាព និងសាមគ្គីភាពរវាងវៀតណាម និងកម្ពុជា ដើម្បីឲ្យកូនចៅជំនាន់ក្រោយបានយល់ដឹងពីរការលះបង់ និងការពលីសាច់ឈាមយ៉ាងដូច​ម្ត៉េច ដើម្បីយើង​មាន​ចំណង​សាមគ្គីភាព​ មិត្តភាព​ដូចសព្វ​ថ្ងៃនេះ”។ លោកឯកអគ្គរដ្ឋទូត​បាន​និយាយ​

លោកវរសេនីយ៍ឯក Trinh Hong Doan ប្រធានគណៈទំនាក់ទំនងអតីតអ្នកជំនាញនៃក្រសួងនគរបាល​វៀតណាមនៅកម្ពុជា ដែលធ្លាប់​បំពេញ​បេសកកម្ម​នៅប្រទេសកម្ពុជារយៈពេល ៦ឆ្នាំ បាននិយាយថា ឯកសារជាច្រើនដែលដាក់តាំងនៅក្នុងការតាំងពិព័រណ៍នេះមានតម្លៃណាស់ ដែល​ជាបង្ហាញ​នូវការ​ដឹង​គុណ ថែមទាំងអោយ កូនចៅជំនាន់ក្រោយដឹងថា ជីដូនតាបានតស៊ូ និងលះបង់យ៉ាងដូចម្តេច ដើម្បីទំនាក់ទំនងរវាងវៀតណាម និងកម្ពុជាមានភាពជិតស្និទ្ធស្អិត​រមួត ។

លោកវរសេនីយ៍ទោ Son Romy ជំនួយការអនុព័ន្ធយោធាកម្ពុជាប្រចាំប្រទេសវៀតណាមបានចែករំលែកថា “ខ្ញុំមានអារម្មណ៍រំជួលចិត្តនៅពេលបានមើលឃើញរូបភាព និងវត្ថុបុរាណដែលជាវត្ថុ​អនុស្សាវរីយ៍រំរបស់កងទ័ពស្ម័គ្រចិត្តវៀតណាម ថ្នាក់ដឹក​នាំកម្ពុជា និងវៀតណាម។ រូបថត និងវត្ថុបុរាណទាំងនេះជួយឱ្យខ្ញុំយល់កាន់តែច្បាស់អំពីប្រវត្តិសាស្រ្តក៏ដូចជាទំនាក់ទំនងជិតស្និទ្ធនិងរឹងមាំរវាងវៀតណាម និងកម្ពុជា ដែលត្រូវបាន​ពង្រីក​និង​ពង្រឹង​ដោយថ្នាក់ដឹកនាំ និងប្រជាជននៃប្រទេសទាំងពីរជាច្រើនជំនាន់"៕

thoidai.com.vn

មតិពីមិត្តអ្នកអាន

ព័ត៌មានថ្មីៗ

វៀតណាមនឹងរួមដំណើរជាមួយគុយបាជានិច្ចក្នុងបុព្វហេតុកសាង និងអភិវឌ្ឍន៍ប្រទេសជាតិ
វៀតណាមត្រៀមខ្លួនជាស្រេចរួមដៃគ្នាដើម្បីលើកកម្ពស់ពិភពលោកអភិវឌ្ឍន៍ប្រកបដោយចីរភាព និងបរិយាប័ន្ន
ទីក្រុងហាណូយត្រៀមខ្លួនជាស្រេចសហប្រតិបត្តិការជាមួយមូលដ្ឋានបារាំងនៅលើវិស័យជាច្រើន
Ha Nam បណ្តុះបណ្តាលដើម្បីធានា និងតស៊ូដើម្បីសិទ្ធិមនុស្សនៅឆ្នាំ ២០២២
ថតរូបនៅវាលថាមពលខ្យល់ដ៏ល្បីល្បាយចំនួន ៣កន្លែង