ដំណើរស្វែងរកមិត្តរួមប្រយុទ្ធក្នុងចំណោមព្រៃព្រឹក្សានៃប្រទេសកម្ពុជា

ចាប់ពីថ្ងៃទី ២៦ ខែមីនា ដល់ថ្ងៃទី ១៦ ខែមិថុនា ឆ្នាំ ២០២៦ ក្រុម K72 (ក្រុមប្រមូលផ្តុំអដ្ឋិធាតុយុទ្ធជនពលី ចំណុះបញ្ជាការដ្ឋានយោធាខេត្ត Dong Nai) ស្វែងរក និងប្រមូលផ្តុំបានអដ្ឋិធាតុយុទ្ធជនពលីជាកងទ័ពស្ម័គ្រចិត្ត និងជំនាញការវៀតណាម ដែលបានពលីជីវិតនៅព្រះរាជាណាចក្រកម្ពុជា ចំនួន ៥៧ រូប។ លទ្ធផលនេះបានបន្តអូសបន្លាយដំណើរផ្លូវជាងពីរទសវត្សរ៍ប្រកបដោយភាពស៊ូទ្រាំរបស់អង្គភាព នៅក្នុងការងារស្វែងរក និងនាំយកបណ្តាវីរយុទ្ធជនពលីត្រឡប់មកកាន់ស្រុកកំណើតវិញ។

ត្រូវបានបង្កើតឡើងតាំងពីឆ្នាំ ២០០១ មកទល់ពេលនេះ ក្រុម K72 ស្វែងរក និងប្រមូលផ្តុំបានអដ្ឋិធាតុយុទ្ធជនពលីចំនួន ៣.៥៦៥ រូប។ អដ្ឋិធាតុនីមួយៗដែលត្រូវបានស្វែងរកឃើញ មិនត្រឹមតែជាលទ្ធផលនៃបណ្តាថ្ងៃខែចុះជាប់ភូមិសាស្ត្រ បើកកកាយរាល់ប្រភពព័ត៌មានប៉ុណ្ណោះទេ ប៉ុន្តែក៏ជាការបន្តនូវការទទួលខុសត្រូវដ៏ពិសិដ្ឋ ចំពោះបណ្តាអ្នកដែលបានដួលសន្លប់ដើម្បីឯករាជ្យ និងសេរីភាពនៃមាតុភូមិ។

ទោះជាយ៉ាងណាក៏ដោយ ការងារស្វែងរកកាន់តែប្រឈមមុខនឹងការសាកល្បងជាច្រើនពីមួយថ្ងៃទៅមួយថ្ងៃ។ យោងតាមលោកវរសេនីយ៍ទោ Vu Van Tho មេបញ្ជាការក្រុម K72 បានឲ្យដឹងថា ក្រោយរយៈពេលជាងកន្លះសតវត្សរ៍គិតចាប់តាំងពីសង្គ្រាមបានបញ្ចប់ទៅ បណ្តាតំបន់ជាច្រើនដែលធ្លាប់ជាសមរភូមិចាស់ នាពេលបច្ចុប្បន្នបានក្លាយជាតំបន់ប្រជាជនរស់នៅ រោងចក្រ សំណង់ចរាចរណ៍ ឬតំបន់ផលិតកម្ម។ បណ្តាការផ្លាស់ប្តូរទាំងនោះបានធ្វើឱ្យការផ្ទៀងផ្ទាត់ព័ត៌មាន ការកំណត់រង្វង់ និងការរៀបចំការស្វែងរក ជួបប្រទះការលំបាកជាច្រើន។

ក្រុម K72 ដំណើរការគាស់កកាយ និងប្រមូលផ្តុំអដ្ឋិធាតុយុទ្ធជនពលី។

ទន្ទឹមនឹងនោះ ប្រភពសាក្សីរស់កាន់តែតិចទៅៗតាមពេលវេលា។ ព័ត៌មានជាច្រើនអំពីកន្លែងបញ្ចុះសពយុទ្ធជនពលី គឺលែងមានភាពពេញលេញទៀតហើយ ឬគ្រាន់តែត្រូវបានតំណាលបន្តគ្នាតាមរយៈច្រើនជំនាន់ ដែលធ្វើឱ្យថយចុះនូវភាពត្រឹមត្រូវនៅក្នុងដំណើរការផ្ទៀងផ្ទាត់។ ហេតុដូច្នេះ ការងារឃោសនា ចលនា និងការទទួលព័ត៌មានអំពីផ្នូរសពយុទ្ធជនពលីនៅក្នុងប្រទេស ក៏ដូចជានៅប្រទេសកម្ពុជា បានជួបប្រទះផលរំខានមិនតិចនោះទេ។

ភូមិសាស្ត្រសកម្មភាពរបស់ក្រុម K72 គឺលាតសន្ធឹងលើបណ្តាតំបន់គ្រោះថ្នាក់ជាច្រើន លក្ខខណ្ឌអាកាសធាតុដ៏អាក្រក់ និងចរាចរណ៍ជួបការលំបាក។ គ្រោះថ្នាក់ពីគ្រាប់មីន និងយុទ្ធភណ្ឌមិនទាន់ផ្ទុះដែលនៅសេសសល់ក្រោយសង្គ្រាម គឺតែងតែមានវត្តមានជានិច្ច ដែលបង្កឱ្យមានហានិភ័យចំពោះកម្មាភិបាល និងយុទ្ធជននៅក្នុងដំណើរការអនុវត្តភារកិច្ច។

ការលំបាកមួយទៀតគឺ ភាគច្រើននៃបណ្តាយុទ្ធជនពលីបានពលីជីវិតតាំងពីច្រើនទសវត្សរ៍មុន។ ឆ្លងកាត់ពេលវេលាយ៉ាងយូរ អដ្ឋិធាតុត្រូវបានរលាយរលួយយ៉ាងធ្ងន់ធ្ងរ ហើយករណីជាច្រើននៅពេលបញ្ចុះសពគឺមិនមានតង់ អង្រឹង ឬវត្ថុអនុស្សាវរីយ៍ភ្ជាប់មកជាមួយឡើយ។ ករណីនេះបានធ្វើឱ្យការយកសំណាកបម្រើឱ្យការពិនិត្យកោសល្យវិច័យ ADN និងការកំណត់អត្តសញ្ញាណយុទ្ធជនពលី ជួបប្រទះភាពកម្រិតកំណត់ជាច្រើន។

ការរៀបចំយ៉ាងហ្មត់ចត់សម្រាប់បណ្តាការស្វែងរកថ្មីៗ

ភ្លាមៗបន្ទាប់ពីបានបញ្ចប់ភារកិច្ចប្រមូលផ្តុំលើកទី ១ ដំណាក់កាល XXV នារដូវប្រាំងឆ្នាំ ២០២៥ - ២០២៦ ក្រុម K72 បានខិតខំប្រឹងប្រែងរៀបចំជាបន្ទាន់សម្រាប់បណ្តាភារកិច្ចបន្ទាប់។

យោងតាមលោកវរសេនីយ៍ទោ Vu Van Tho បានឱ្យដឹងថា អង្គភាពបានម្ចាស់ការធ្វើជាសេនាធិការជូនបញ្ជាការដ្ឋានយោធាខេត្ត Dong Nai ក្នុងការថែទាំ និងជួសជុលរាល់មធ្យោបាយធ្វើដំណើរទាំងអស់ដែលបម្រើឱ្យការងារស្វែងរក។ មកទល់ពេលនេះ មធ្យោបាយធ្វើដំណើរ ១០០% សុទ្ធតែធានាបាននូវការដំណើរការល្អ និងត្រៀមខ្លួនជាស្រេចក្នុងការចល័តទ័ពទៅតាមបណ្តាទិសដៅភារកិច្ច។ ក្នុងនោះ ទិសដៅខេត្តក្រចេះត្រូវបានរៀបចំរថយន្តចំនួន ៧ គ្រឿង ទិសដៅខេត្តកំពង់ធំចំនួន ៦ គ្រឿង និងតំបន់នៅក្នុងប្រទេសចំនួន ៣ គ្រឿង។

ទន្ទឹមនឹងការងារធានាមធ្យោបាយធ្វើដំណើរ អង្គភាពបានបន្តពិនិត្យឡើងវិញ និងពង្រឹងការរៀបចំចាត់តាំងក្របខ័ណ្ឌបុគ្គលិកឱ្យសមស្របទៅនឹងតម្រូវការភារកិច្ចនៅក្នុងដំណាក់កាលនីមួយៗ។ បណ្តាផែនការស្វែងរក និងប្រមូលផ្តុំអដ្ឋិធាតុយុទ្ធជនពលីនៅតាមតំបន់នានាដែលត្រូវបានផ្ទៀងផ្ទាត់ព័ត៌មានរួចរាល់ ក៏ត្រូវបានកសាងឡើងយ៉ាងជាក់លាក់ ដោយត្រៀមខ្លួនជាស្រេចក្នុងការអនុវត្តនៅពេលមានបទបញ្ជាពីថ្នាក់លើ។

ក្រុម K72 នៅតែបង្កើនការងារអប់រំនយោបាយសតិអារម្មណ៍ និងការហ្វឹកហ្វឺនជំនាញឯកទេសសម្រាប់កម្មាភិបាល និងយុទ្ធជន។ ខ្លឹមសារហ្វឹកហ្វឺនរួមមាន៖ ការកំណត់ផែនទី ភូមិសាស្ត្រ កងវិស្វកម្ម កងស៊ើបការណ៍ ភាសាខ្មែរ ព្រមទាំងជំនាញទទួលស្គាល់អដ្ឋិធាតុ និងវត្ថុអនុស្សាវរីយ៍របស់យុទ្ធជនពលីនៅនឹងកន្លែងជាក់ស្តែង។

ក្រុម K72 ដំណើរការគាស់កកាយ និងប្រមូលផ្តុំអដ្ឋិធាតុយុទ្ធជនពលី។

ទន្ទឹមនឹងនោះ អង្គភាពបានរក្សាការសម្របសម្រួលយ៉ាងជិតស្និទ្ធជាមួយតំបន់ប្រតិបត្តិការសឹករង និងក្រុមការពារនៃខេត្តទាំងពីរគឺក្រចេះ និងកំពង់ធំ (ព្រះរាជាណាចក្រកម្ពុជា) ដើម្បីប្រមូលប្រភពព័ត៌មាន និងផ្ទៀងផ្ទាត់ព័ត៌មានអំពីផ្នូរសពយុទ្ធជនពលី ព្រមទាំងកសាងបណ្តាផែនការសកម្មភាព សម្របសម្រួលស្វែងរកឱ្យសមស្របនឹងលក្ខខណ្ឌនៃភូមិសាស្ត្រនីមួយៗ។

នាពេលបច្ចុប្បន្ន នៅខេត្តក្រចេះនៅសេសសល់ប្រភពព័ត៌មានចំនួន ១៣ ដែលទាក់ទិននឹងផ្នូរសពយុទ្ធជនពលីប្រមាណ ៨៩ ផ្នូរ នៅតាមបណ្តាស្រុកស្នួល សំបូរ ចិត្របុរី ព្រែកប្រសព្វ និងឆ្លូង។ នៅខេត្តកំពង់ធំនៅសេសសល់ប្រភពព័ត៌មានចំនួន ៨ ដែលត្រូវគ្នានឹងផ្នូរសពយុទ្ធជនពលីប្រមាណ ៣៦ ផ្នូរ នៅតាមបណ្តាស្រុកបារាយណ៍ តាំងគោក កំពង់ស្វាយ សណ្តាន់ និងសន្ទុក។

បន្តនូវសីលធម៌ “ផឹកទឹកនឹកដល់ប្រភពទឹក”

បណ្តាលទ្ធផលដែលសម្រេចបានរបស់ក្រុម K72 មិនត្រឹមតែរួមចំណែកនាំយកបណ្តាយុទ្ធជនពលីត្រឡប់មកជួបជុំជាមួយក្រុមគ្រួសារ និងស្រុកកំណើតវិញប៉ុណ្ណោះទេ ប៉ុន្តែក៏បង្ហាញពីការសម្តែងការដឹងគុណយ៉ាងជ្រាលជ្រៅរបស់បក្ស រដ្ឋ និងប្រជាជន ចំពោះបណ្តាអ្នកដែលបានពលីជីវិតដើម្បីបុព្វហេតុរំដោះជាតិ។

ថ្មីៗនេះ នៅក្នុងពិធីកាន់ទុក្ខ និងបញ្ចុះសពអដ្ឋិធាតុបណ្តាវីរយុទ្ធជនពលី នៅវាលកប់សពយុទ្ធជនពលី Binh Phuoc អនុប្រធានគណៈកម្មាធិការប្រជាជនខេត្ត Dong Nai លោក Le Truong Son បានបញ្ជាក់យ៉ាងមុតមាំថា ការងារស្វែងរក ប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលីដែលនៅខ្វះព័ត៌មាន គឺជាគោលនយោបាយដ៏ធំធេងរបស់បក្ស និងរដ្ឋ ព្រមទាំងជាភារកិច្ចដែលមានអត្ថន័យមនុស្សធម៌យ៉ាងជ្រាលជ្រៅ។

យោងតាមលោក Le Truong Son បានឱ្យដឹងថា ការស្វែងរក និងនាំយកបណ្តាយុទ្ធជនពលីត្រឡប់មកវិញ មិនត្រឹមតែបង្ហាញពីការទទួលខុសត្រូវចំពោះអ្នកមានគុណូបការៈចំពោះបដិវត្តន៍ប៉ុណ្ណោះទេ ប៉ុន្តែក៏រួមចំណែកពង្រឹងទំនុកចិត្តរបស់ប្រជាជនចំពោះបក្ស និងរដ្ឋផងដែរ។

បន្តនូវប្រពៃណី “ផឹកទឹកនឹកដល់ប្រភពទឹក” ក្នុងបណ្តាឆ្នាំកន្លងមកនេះ ខេត្ត Dong Nai តែងតែយកចិត្តទុកដាក់អនុវត្តយ៉ាងល្អនូវគោលនយោបាយកិច្ចការផ្នែកខាងក្រោយនៃកងទ័ព; ទន្ទឹមនឹងនោះ យកចិត្តទុកដាក់លើការងារស្វែងរក ប្រមូលផ្តុំ កំណត់អត្តសញ្ញាណយុទ្ធជនពលី និងថែទាំបណ្តាសំណង់កត់ត្រាគុណូបការៈនៅក្នុងភូមិសាស្ត្រ។

“មាតុភូមិ និងប្រជាជនចងចាំគុណូបការៈរបស់បណ្តាវីរយុទ្ធជនពលីអស់កល្បជានិច្ច។ គណៈកម្មាធិការបក្ស រដ្ឋអំណាច កងទ័ព និងប្រជាជនខេត្ត Dong Nai ប្តេជ្ញាចិត្តបន្តពង្រីកប្រពៃណីបដិវត្តន៍ ខិតខំប្រឹងប្រែងកសាងស្រុកកំណើតឱ្យកាន់តែអភិវឌ្ឍន៍ពីមួយថ្ងៃទៅមួយថ្ងៃ ដើម្បីសក្តិសមនឹងការលះបង់ដ៏ខ្ពង់ខ្ពស់របស់បណ្តាជំនាន់មុនៗ” លោក Le Truong Son បានបញ្ជាក់យ៉ាងមុតមាំ៕

លោក Ngo Thanh Danh៖ ប្រជាជន​គាំទ្រ​យ៉ាង​ខ្លាំង​ចំពោះ​សារ​ប្រឆាំង​កាក​សំណល់​របស់​អគ្គលេខាធិកា To Lam យុគសម័យ - ការខ្ជះខ្ជាយសព្វថ្ងៃនេះគឺដូចជាជំងឺធ្ងន់ធ្ងរ។ វាស៊ីបំផ្លាញ បំផ្លាញធនធានជាតិជាច្រើន បន្សល់ទុកនូវការខូចខាតដែលមិនអាចវាស់វែងបាន។ ការយល់ដឹងត្រឹមត្រូវអំពីបញ្ហានេះ ជាពិសេសបន្ទាប់ពីអគ្គលេខាធិកា To Lam បានចង្អុលបង្ហាញថា កាកសំណល់ "... បាននិងកំពុងបង្កឱ្យមានផលវិបាកយ៉ាងធ្ងន់ធ្ងរជាច្រើនសម្រាប់ការអភិវឌ្ឍន៍" គួរតែត្រូវបានចាត់ទុកថាជាកិច្ចការនយោបាយកំពូលពីទីនោះ ជាមូលដ្ឋានសម្រាប់ការអនុវត្តការងារបង្ការកាកសំណល់ទាំងអស់។ កម្រិត វិស័យ និងតំបន់។ ក្នុងឱកាសនេះ ទស្សនាវដ្តីយុគសម័យ មានបទសម្ភាសន៍ជាមួយលោក Ngo Thanh Danh ...

អាមេរិក​ផ្តល់​ជាង​ ៤២​ ម៉ឺន​ដូល្លារដល់​ស៊ីម៉ាក់​សម្រាប់​គម្រោង​ស្រាវជ្រាវ​សំណល់​គ្រាប់បែក​ចង្កោម​ អង្គភាព​ស៊ីម៉ាក់ និង​អង្គការ NPA នៅ​ថ្ងៃ​ទី​២១ សីហា បាន​ចុះហត្ថលេខា​លើ​កិច្ចព្រមព្រៀង ស្តីពី​កិច្ចសហការ​ប្រតិបត្តិកា​រ​ជា​ដៃគូ​លើ​គម្រោង​ស្រាវជ្រាវ​សំណល់​គ្រាប់បែក​ចង្កោម​នៅ​ភាគ​ខាងកើត​នៃ​ប្រទេស​កម្ពុជា ក្នុង​ទឹកប្រាក់​ចំនួន ៤២៥.០០០ ដុល្លារ​អាមេរិក ។​

ឌឹកអាញ់

thoidai.com.vn