ការកសាងមជ្ឈមណ្ឌលស្រាវជ្រាវនិងមន្ទីរពិសោធន៍គំរូសម្រាប់បម្រើដល់បច្ចេកវិទ្យាយុទ្ធសាស្ត្រ

អញ្ជើញចូលរួមការប្រជុំមាន៖ រដ្ឋមន្ត្រីក្រសួងវិទ្យាសាស្ត្រ និងបច្ចេកវិទ្យា លោក Vu Hai Quan; អនុរដ្ឋមន្ត្រីក្រសួងហិរញ្ញវត្ថុ លោកស្រី Nguyen Thi Bich Ngoc; អនុប្រធានការិយាល័យរដ្ឋាភិបាល លោក Do Ngoc Huynh និងតំណាងបណ្តាក្រសួង ស្ថាប័នពាក់ព័ន្ធ។

ការអភិវឌ្ឍហេដ្ឋារចនាសម្ព័ន្ធស្រាវជ្រាវតាមគំរូ ៣ ជាន់

នៅក្នុងការប្រជុំនេះ រដ្ឋមន្ត្រីក្រសួងវិទ្យាសាស្ត្រ និងបច្ចេកវិទ្យា លោក Vu Hai Quan បានសង្កត់ធ្ងន់ថា នេះគឺជាគម្រោងដែលមានលក្ខណៈយុទ្ធសាស្ត្រ និងជារួមអំពីប្រព័ន្ធមន្ទីរពិសោធន៍ជាតិ។ ហេតុដូច្នេះ ដំណើរការកសាងគម្រោងនេះ ចាំបាច់ត្រូវមានវិធីសាស្ត្រចូលទៅជិតបែបថ្មី ការគិតបែបថ្មី និងការសម្របសម្រួលដោយព្រមៗគ្នាពីបណ្តាស្ថាប័នពាក់ព័ន្ធ ដើម្បីធានាបាននូវប្រសិទ្ធភាពក្នុងការអនុវត្ត។

យោងតាមក្រសួងវិទ្យាសាស្ត្រ និងបច្ចេកវិទ្យា បានឲ្យដឹងថា៖ សេចក្តីសម្រេចចិត្តលេខ ៥៧-NQ/TW ស្តីពីរបកគំហើញក្នុងការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ និងការផ្លាស់ប្តូរឌីជីថលជាតិ (សេចក្តីសម្រេចចិត្តលេខ ៥៧); សេចក្តីសម្រេចចិត្តលេខ ៧១/NQ-CP ស្តីពីការធ្វើវិសោធនកម្ម ការបំពេញបន្ថែម និងធ្វើបច្ចុប្បន្នភាពកម្មវិធីសកម្មភាពរបស់រដ្ឋាភិបាល ដើម្បីអនុវត្តសេចក្តីសម្រេចចិត្តលេខ ៥៧; ច្បាប់ស្តីពីវិទ្យាសាស្ត្រ បច្ចេកវិទ្យា និងនវានុវត្តន៍ឆ្នាំ ២០២៥... គឺជាមូលដ្ឋាននយោបាយ និងគតិយុត្តដ៏សំខាន់សម្រាប់ការអភិវឌ្ឍ ការវិនិយោគ ការដំណើរការ និងការធ្វើអាជីវកម្មប្រើប្រាស់រួមគ្នានូវហេដ្ឋារចនាសម្ព័ន្ធស្រាវជ្រាវ បម្រើឲ្យបច្ចេកវិទ្យាយុទ្ធសាស្ត្រ។

ឧបនាយករដ្ឋមន្ត្រី លោក Ho Quoc Dung បានដឹកនាំកិច្ចប្រជុំ។

ចាប់តាំងពីឆ្នាំ ២០០០ មកទល់ពេលនេះ រដ្ឋបានវិនិយោគលើមន្ទីរពិសោធន៍គំរូថ្នាក់ជាតិចំនួន ១៦ ដែលរួមចំណែកលើកកម្ពស់សក្ដានុពលនៃការស្រាវជ្រាវ ការបណ្តុះបណ្តាលធនធានមនុស្ស និងបង្កើតឱ្យមានសមត្ថភាពឯកទេសមួយចំនួន។ ទោះជាយ៉ាងណាក៏ដោយ ប្រព័ន្ធនេះមិនទាន់ក្លាយជាហេដ្ឋារចនាសម្ព័ន្ធស្រាវជ្រាវយុទ្ធសាស្ត្រជាតិពិតប្រាកដនោះទេ ដោយសារតែការជ្រើសរើសវិស័យវិនិយោគមិនទាន់ផ្សារភ្ជាប់យ៉ាងជិតស្និទ្ធជាមួយបច្ចេកវិទ្យាយុទ្ធសាស្ត្រ; ការវិនិយោគនៅមានលក្ខណៈនៅរាយប៉ាយ និងមានទំហំតូច; កង្វះយន្តការវិនិយោគតាមវដ្តជីវិត ថវិកាដំណើរការ ក្រុមធនធានមនុស្សដែលមានជំនាញវិជ្ជាជីវៈ យន្តការប្រើប្រាស់រួមគ្នា និងការវាយតម្លៃផ្អែកលើលទ្ធផល។

ក្នុងបរិបទនៃការប្រកួតប្រជែងបច្ចេកវិទ្យាសកលកាន់តែខ្លាំងក្លា ការអភិវឌ្ឍប្រព័ន្ធហេដ្ឋារចនាសម្ព័ន្ធស្រាវជ្រាវនិងមន្ទីរពិសោធន៍ជាតិ ត្រូវបានវាយតម្លៃថាជាតម្រូវការបន្ទាន់មួយ ដើម្បីបង្កើតខ្សែសង្វាក់តភ្ជាប់គ្នាចាប់ពីការស្រាវជ្រាវ ការអភិវឌ្ឍ ការសាកល្បង ការធ្វើឱ្យល្អឥតខ្ចោះរហូតដល់ការធ្វើពាណិជ្ជកម្មផលិតផល កសាងសមត្ថភាពស្នូលដើម្បីដោះស្រាយបញ្ហាធំៗនិងភារកិច្ចបច្ចេកវិទ្យាយុទ្ធសាស្ត្រ កាត់បន្ថយការពឹងផ្អែកលើខាងក្រៅ ព្រមទាំងកម្រិតការវិនិយោគជាន់គ្នា លើកកម្ពស់ប្រសិទ្ធភាពនៃការប្រើប្រាស់ធនធានសាធារណៈនិងគាំទ្រដល់សហគ្រាសក្នុងការធ្វើនវានុវត្តន៍បច្ចេកវិទ្យា។

យោងតាមសេចក្តីព្រាងគម្រោង ការអភិវឌ្ឍហេដ្ឋារចនាសម្ព័ន្ធស្រាវជ្រាវ និងមន្ទីរពិសោធន៍ជាតិ ត្រូវតែផ្សារភ្ជាប់ជាមួយនឹងយុទ្ធសាស្ត្រអភិវឌ្ឍន៍វិទ្យាសាស្ត្រ បច្ចេកវិទ្យា និងនវានុវត្តន៍ ដោយផ្តោតលើការបម្រើដល់បច្ចេកវិទ្យាយុទ្ធសាស្ត្រ; ត្រូវបានរៀបចំឡើងដោយឯកភាពតាមគំរូ ៣ ជាន់; ផ្តល់អាទិភាពដល់ការបន្តវេន ការលើកកម្ពស់ ការតភ្ជាប់ និងការប្រើប្រាស់រួមគ្នានូវហេដ្ឋារចនាសម្ព័ន្ធដែលមានស្រាប់; យកមនុស្ស សមត្ថភាពដំណើរការ និងប្រសិទ្ធភាពនៃការធ្វើអាជីវកម្មជាមជ្ឈមណ្ឌល; ផ្សារភ្ជាប់សិទ្ធិស្វយ័តភាពជាមួយនឹងការទទួលខុសត្រូវក្នុងការបកស្រាយ ធានាសន្តិសុខ សុវត្ថិភាពទិន្នន័យ កម្មសិទ្ធិបញ្ញា និងផលប្រយោជន៍ជាតិ។

ឧបនាយករដ្ឋមន្ត្រីបានស្នើឱ្យក្រសួងវិទ្យាសាស្ត្រនិងបច្ចេកវិទ្យាបកស្រាយឱ្យបានច្បាស់លាស់បន្ថែមទៀតនូវបណ្តាគោលដៅ លទ្ធផលទិន្នផលជាក់ស្តែង និងកំណត់របៀបវារៈនៃការដាក់ឱ្យអនុវត្តប្រកបដោយភាពសមស្របទៅតាមដំណាក់កាលនីមួយៗ។

ក្រសួងវិទ្យាសាស្ត្រ និងបច្ចេកវិទ្យា បានឲ្យដឹងថា ដំណើរការកសាងសេចក្តីព្រាងគម្រោង ត្រូវបានអនុវត្តន៍យ៉ាងត្រឹមត្រូវតាមបណ្តាបទប្បញ្ញត្តិ និងនីតិវិធីជាធរមាន។

សេចក្តីព្រាងគម្រោងបានស្នើឡើងនូវគំរូអភិវឌ្ឍន៍ហេដ្ឋារចនាសម្ព័ន្ធស្រាវជ្រាវតាម ៣ ជាន់។ ក្នុងនោះ ជាន់ A ផ្តល់នូវសមត្ថភាពជាតិអំពីបច្ចេកវិទ្យាស្នូល បច្ចេកវិទ្យាមូលដ្ឋាន និងហេដ្ឋារចនាសម្ព័ន្ធប្រើប្រាស់រួមគ្នា; ជាន់ B អនុវត្តការស្រាវជ្រាវអនុវត្តន៍ ការអភិវឌ្ឍបច្ចេកវិទ្យា ការធ្វើសមាហរណកម្មប្រព័ន្ធ និងបង្កើតគំរូដើមផ្សារភ្ជាប់ជាមួយភារកិច្ចជាក់លាក់នានា; ជាន់ C អនុវត្តការសាកល្បង ការវាស់វែង ការត្រួតពិនិត្យ ការបញ្ជាក់ទទួលស្គាល់ ការផលិតសាកល្បង ការធ្វើឱ្យផលិតផលល្អឥតខ្ចោះ និងគាំទ្រដល់ការធ្វើពាណិជ្ជកម្ម។

អំពីគោលដៅ គិតត្រឹមឆ្នាំ ២០៣៥ នឹងបង្កើតឱ្យមានបណ្តាញហេដ្ឋារចនាសម្ព័ន្ធស្រាវជ្រាវដ៏ទំនើប តភ្ជាប់គ្នា និងប្រើប្រាស់រួមគ្នានៅទូទាំងប្រទេស; ក្នុងនោះ មានហេដ្ឋារចនាសម្ព័ន្ធជាន់ A ចំនួនពី ១០ ដល់ ១៥ កន្លែង ដើម្បីបម្រើដល់បច្ចេកវិទ្យាស្នូល និងបច្ចេកវិទ្យាមូលដ្ឋាន; បណ្តាហេដ្ឋារចនាសម្ព័ន្ធជាន់ B ផ្សារភ្ជាប់ផ្ទាល់ជាមួយភារកិច្ចបច្ចេកវិទ្យាយុទ្ធសាស្ត្រ; បណ្តាហេដ្ឋារចនាសម្ព័ន្ធជាន់ C បម្រើដល់ការសាកល្បង ការវាស់វែង ការត្រួតពិនិត្យ ការបញ្ជាក់ទទួលស្គាល់ និងការនាំយកផលិតផលចូលក្នុងទីផ្សារ។ ចក្ខុវិស័យដល់ឆ្នាំ ២០៤៥ វៀតណាមនឹងមានមជ្ឈមណ្ឌល និងមន្ទីរពិសោធន៍មួយចំនួន ដែលសម្រេចបានកម្រិតឈានមុខគេក្នុងតំបន់។

នៅក្នុងការប្រជុំនេះ បណ្តាតំណាងបានពិភាក្សា និងចូលរួមមតិយោបល់ដើម្បីបំពេញបន្ថែមគម្រោងឱ្យកាន់តែល្អឥតខ្ចោះ អំពីគោលដៅ គំរូអភិវឌ្ឍន៍; ការបែងចែកតំបន់ និងទិសដៅលំហអភិវឌ្ឍន៍; បណ្តាភារកិច្ច និងដំណោះស្រាយសម្រាប់មជ្ឈមណ្ឌលស្រាវជ្រាវ មន្ទីរពិសោធន៍ជាតិ ព្រមទាំងលក្ខខណ្ឌកាលវិភាគអនុវត្តន៍ដោយផ្តោតលើចំណុចសំខាន់ៗ និងមានប្រសិទ្ធភាព...

រដ្ឋមន្ត្រីក្រសួងវិទ្យាសាស្ត្រនិងបច្ចេកវិទ្យា លោក Vu Hai Quan បានរាយការណ៍នៅក្នុងកិច្ចប្រជុំ។

ការពិនិត្យឡើងវិញនូវគោលដៅ ផ្តោតលើការវិនិយោគដោយមានចំណុចសំខាន់ៗ និងចៀសវាងការនៅរាយប៉ាយ

ថ្លែងមតិសន្និដ្ឋានការប្រជុំ ឧបនាយករដ្ឋមន្ត្រី លោក Ho Quoc Dung បានកត់សម្គាល់ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រសួងវិទ្យាសាស្ត្រ និងបច្ចេកវិទ្យា ដែលក្នុងរយៈពេលដ៏ខ្លីបានកសាងសេចក្តីព្រាងគម្រោងយ៉ាងហ្មត់ចត់ និងមានលក្ខណៈប្រព័ន្ធ ដោយមានខ្លឹមសារផ្លាស់ប្តូរថ្មីជាច្រើនបើប្រៀបធៀបនឹងបណ្តាគម្រោងមុនៗ។

ដើម្បីបំពេញបន្ថែមគម្រោងឱ្យកាន់តែល្អឥតខ្ចោះ ឧបនាយករដ្ឋមន្ត្រីបានស្នើឱ្យក្រសួងវិទ្យាសាស្ត្រ និងបច្ចេកវិទ្យា បន្តពិនិត្យឡើងវិញយ៉ាងហ្មត់ចត់នូវបណ្តាគោលដៅ សូចនាករ និងភារកិច្ចដែលបានដាក់ចេញ ដើម្បីធានាកសាងបាននូវប្រព័ន្ធហេដ្ឋារចនាសម្ព័ន្ធស្រាវជ្រាវ និងមន្ទីរពិសោធន៍ជាតិដ៏ទំនើប ព្រមៗគ្នា តភ្ជាប់គ្នា និងធ្វើអាជីវកម្មប្រកបដោយប្រសិទ្ធភាព ឆ្លើយតបទៅនឹងតម្រូវការអភិវឌ្ឍន៍វិទ្យាសាស្ត្រ បច្ចេកវិទ្យា និងនវានុវត្តន៍ក្នុងដំណាក់កាលថ្មី។ ក្នុងនោះ ចាំបាច់ត្រូវផ្តល់អាទិភាពដល់បណ្តាវិស័យបច្ចេកវិទ្យាយុទ្ធសាស្ត្រ និងបច្ចេកវិទ្យាមុខព្រួញ ដែលមានអត្ថន័យនាំមុខសម្រាប់ការអភិវឌ្ឍប្រទេសជាតិក្នុងពេលខាងមុខ។

ឧបនាយករដ្ឋមន្ត្រីបានតម្រូវឱ្យក្រសួងវិទ្យាសាស្ត្រ និងបច្ចេកវិទ្យា បំភ្លឺឱ្យបានច្បាស់ជាងនេះទៀតនូវបណ្តាគោលដៅ លទ្ធផលជាក់ស្តែងនៅចុងគ្រា និងកំណត់លក្ខខណ្ឌកាលវិភាគអនុវត្តន៍ឱ្យបានសមស្របតាមដំណាក់កាលនីមួយៗ ដោយផ្សារភ្ជាប់ជាមួយនឹងប្រភពធនធានអនុវត្តន៍ ដើម្បីធានាបាននូវលទ្ធភាពអាចទៅរួចនៃគម្រោង។

ឧបនាយករដ្ឋមន្ត្រីបានស្នើឱ្យក្រសួងវិទ្យាសាស្ត្រនិងបច្ចេកវិទ្យាទទួលយកឱ្យបានគ្រប់ជ្រុងជ្រោយនូវរាល់មតិយោបល់នៅក្នុងកិច្ចប្រជុំ ព្រមទាំងបន្តបំពេញបន្ថែមគ្រោងការណ៍ឱ្យបានល្អឥតខ្ចោះ ដើម្បីធានាថាពេលដាក់ឱ្យអនុវត្តនឹងមានប្រសិទ្ធភាពនិងសម្រេចបានគោលដៅដែលបានដាក់ចេញ។

ឧបនាយករដ្ឋមន្ត្រីបានសង្កត់ធ្ងន់ថា ចំពោះមុខគឺចាំបាច់ត្រូវផ្តោតលើការពិនិត្យឡើងវិញ ការធ្វើអាជីវកម្ម និងលើកកម្ពស់ប្រសិទ្ធភាពនៃប្រព័ន្ធមន្ទីរពិសោធន៍ដែលមានស្រាប់នៅតាមបណ្តាក្រសួង វិស័យ វិទ្យាស្ថានស្រាវជ្រាវ និងសាកលវិទ្យាល័យ។ ទាំងនេះគឺជាមូលដ្ឋាននានាដែលត្រូវបានវិនិយោគ និងដំណើរការអស់រយៈពេលជាច្រើនឆ្នាំមកហើយ មានគ្រឹះស្ថានបទពិសោធន៍ និងសមត្ថភាពជាក់លាក់មួយកម្រិត ដែលចាំបាច់ត្រូវបន្តលើកកម្ពស់ និងបំពេញបន្ថែមឱ្យកាន់តែល្អឥតខ្ចោះក្នុងទិសដៅបំពេញបន្ថែមឱ្យគ្នាទៅវិញទៅមក ការតភ្ជាប់ និងពង្រីកនូវចំណុចខ្លាំងដោយឡែករបស់អង្គភាពនីមួយៗ។

យោងតាមប្រសាសន៍របស់ឧបនាយករដ្ឋមន្ត្រី មូលដ្ឋានស្រាវជ្រាវនីមួយៗចាំបាច់ត្រូវផ្តោតលើបណ្តាវិស័យដែលមានឧត្តមភាព និងចំណុចខ្លាំងលក្ខណៈពិសេស។ ជាឧទាហរណ៍៖ សាកលវិទ្យាល័យជាតិហាណូយ ពង្រីកបណ្តាវិស័យដែលមានចំណុចខ្លាំងរបស់ខ្លួន សាកលវិទ្យាល័យជាតិទីក្រុងហូជីមិញ ផ្តោតលើបណ្តាទិសដៅស្រាវជ្រាវផ្សេងៗទៀត ព្រមទាំងបង្កើនការចែករំលែក ការផ្សារភ្ជាប់ និងការប្រើប្រាស់រួមគ្នានូវហេដ្ឋារចនាសម្ព័ន្ធស្រាវជ្រាវ។

ឧបនាយករដ្ឋមន្ត្រីបានប្រគល់ភារកិច្ចឱ្យក្រសួងវិទ្យាសាស្ត្រ និងបច្ចេកវិទ្យា ពិនិត្យឡើងវិញជារួមនូវប្រព័ន្ធមន្ទីរពិសោធន៍ដែលមានស្រាប់នៅតាមបណ្តាក្រសួង វិស័យ មូលដ្ឋាន វិទ្យាស្ថានស្រាវជ្រាវ និងគ្រឹះស្ថានបណ្តុះបណ្តាល ដើម្បីកំណត់លំដាប់អាទិភាពនៃការវិនិយោគ និងការលើកកម្ពស់ក្នុងពេលខាងមុខ។

ឧបនាយករដ្ឋមន្ត្រីបានប្រគល់ភារកិច្ចឱ្យក្រសួងវិទ្យាសាស្ត្រនិងបច្ចេកវិទ្យាធ្វើការត្រួតពិនិត្យឡើងវិញជាទូទៅនូវប្រព័ន្ធមន្ទីរពិសោធន៍ដែលមានស្រាប់នៅតាមបណ្តាក្រសួង វិស័យ មូលដ្ឋាន វិទ្យាស្ថានស្រាវជ្រាវនិងគ្រឹះស្ថានបណ្តុះបណ្តាល។

ទន្ទឹមនឹងនោះ ក្រសួងវិទ្យាសាស្ត្រ និងបច្ចេកវិទ្យា ត្រូវសម្របសម្រួលយ៉ាងជិតស្និទ្ធជាមួយក្រសួងហិរញ្ញវត្ថុ ដើម្បីពិនិត្យឡើងវិញនូវយន្តការហិរញ្ញវត្ថុទាំងមូល ផែនការវិនិយោគ និងការចាត់ចែងប្រភពធនធាន ដើម្បីធានាឱ្យកាលវិភាគអនុវត្តន៍មិនត្រូវរអាក់រអួល និងមិនទុកឱ្យខ្វះប្រភពធនធានសម្រាប់សកម្មភាពរបស់បណ្តាមន្ទីរពិសោធន៍នោះឡើយ។

ឧបនាយករដ្ឋមន្ត្រីបានស្នើឱ្យក្រសួងវិទ្យាសាស្ត្រ និងបច្ចេកវិទ្យា ទទួលយកមតិយោបល់ទាំងស្រុងនៅក្នុងការប្រជុំ បន្តបំពេញបន្ថែមគម្រោងឱ្យកាន់តែល្អឥតខ្ចោះ ដើម្បីធានានៅពេលដាក់ឱ្យអនុវត្តន៍នឹងមានប្រសិទ្ធភាព និងសម្រេចបាននូវគោលដៅដែលបានដាក់ចេញ៕

បង្កើនល្បឿនដាក់ពង្រាយអនុវត្តសេចក្តីសម្រេចចិត្តលេខ ៥៧៖ លទ្ធផលវិជ្ជមានជាច្រើនអំពីវិទ្យាសាស្ត្រ បច្ចេកវិទ្យា និងការផ្លាស់ប្តូរឌីជីថល យុគសម័យ - បន្តដាក់ពង្រាយអនុវត្តយ៉ាងប្តូរផ្តាច់នូវបណ្តាភារកិច្ចតាមស្មារតីនៃសេចក្តីសម្រេចចិត្តលេខ ៥៧-NQ/TW របស់ការិយាល័យនយោបាយ នៅក្នុងខែឧសភា ឆ្នាំ ២០២៦ ក្រសួងវិទ្យាសាស្ត្រ និងបច្ចេកវិទ្យាសម្រេចបានលទ្ធផលវិជ្ជមានជាច្រើននៅលើបណ្តាវិស័យ។ ចាប់ពីការបំពេញលក្ខណៈពេញលេញនៃស្ថាប័ន ការអភិវឌ្ឍប្រព័ន្ធអេកូឡូស៊ីនវានុវត្តន៍ រហូតដល់ការជំរុញការផ្លាស់ប្តូរឌីជីថល និងកិច្ចសហប្រតិបត្តិការអន្តរជាតិ សន្ទស្សន៍សំខាន់ៗជាច្រើនបន្តកត់ត្រានូវកំណើន ដែលរួមចំណែកបង្កើតជាកម្លាំងចលករថ្មីសម្រាប់ព្រឹត្តិការណ៍អភិវឌ្ឍន៍សេដ្ឋកិច្ច-សង្គម។

ការបង្កើតរបកគំហើញក្នុងការទាក់ទាញធនធានមនុស្សវិទ្យាសាស្ត្រ និងបច្ចេកវិទ្យា ក្រោមស្មារតីនៃសេចក្តីសម្រេចចិត្តលេខ ៥៧ យុគសម័យ - យន្តការថ្មីៗជាបន្តបន្ទាប់ស្តីពីប្រាក់បៀវត្ស របបលើកទឹកចិត្ត ស្វ័យភាពនៃការសិក្សា និងការគាំទ្រដល់ការស្រាវជ្រាវ កំពុងត្រូវបានដាក់ឱ្យអនុវត្ត សំដៅបង្កើតកម្លាំងទាក់ទាញកាន់តែខ្លាំងក្លាថែមទៀត ចំពោះជួរធនធានមនុស្សវិទ្យាសាស្ត្រ និងបច្ចេកវិទ្យាប្រកបដោយគុណភាពខ្ពស់។ បញ្ហាដែលកំពុងចោទឡើងនាពេលបច្ចុប្បន្ននេះ មិនមែនស្ថិតនៅលើការខ្វះខាតគោលនយោបាយនោះទេ ប៉ុន្តែគឺការរៀបចំអនុវត្តប្រកបដោយប្រសិទ្ធភាព ដើម្បីនាំយកគោលនយោបាយទាំងនោះចូលទៅក្នុងជីវភាពរស់នៅជាក់ស្តែង។

ឌឹកអាញ់