បង្កើនល្បឿនដាក់ពង្រាយអនុវត្តសេចក្តីសម្រេចចិត្តលេខ ៥៧៖ លទ្ធផលវិជ្ជមានជាច្រើនអំពីវិទ្យាសាស្ត្រ បច្ចេកវិទ្យា និងការផ្លាស់ប្តូរឌីជីថល

អនុរដ្ឋមន្ត្រីក្រសួងវិទ្យាសាស្ត្រ និងបច្ចេកវិទ្យា លោក Bui Hoang Phuong ផ្តល់ព័ត៌មានអំពីសភាពការណ៍សកម្មភាព និងបណ្តាលទ្ធផលលេចធ្លោនៃវិស័យនៅក្នុងខែឧសភា ឆ្នាំ ២០២៦។

សន្ទស្សន៍កំណើនវិជ្ជមានជាច្រើន

ខែឧសភា ឆ្នាំ ២០២៦ កត់សម្គាល់នូវបណ្តាការផ្លាស់ប្តូរវិជ្ជមាននៅក្នុងដំណើរការធ្វើឱ្យសម្រេចបាននូវបណ្តាគោលដៅនៃសេចក្តីសម្រេចចិត្តលេខ ៥៧-NQ/TW ជាមួយនឹងលទ្ធផលលេចធ្លោជាច្រើនអំពីវិទ្យាសាស្ត្រ បច្ចេកវិទ្យា នវានុវត្តន៍ និងការផ្លាស់ប្តូរឌីជីថល។

បើតាមក្រសួងវិទ្យាសាស្ត្រ និងបច្ចេកវិទ្យា សមាមាត្រនៃការនាំចេញទំនិញបច្ចេកវិទ្យាខ្ពស់នៅក្នុងត្រីមាសទី ១ ឆ្នាំ ២០២៦ សម្រេចបាន ៥០,៧៦% ដែលបង្ហាញឱ្យឃើញនូវតួនាទីកាន់តែមានភាពសំខាន់ឡើងនៃវិទ្យាសាស្ត្រ និងបច្ចេកវិទ្យានៅក្នុងរចនាសម្ព័ន្ធនាំចេញនៃខឿនសេដ្ឋកិច្ច។

ប្រព័ន្ធអេកូឡូស៊ីនវានុវត្តន៍ជាតិ បន្តត្រូវបានអន្តរជាតិទទួលស្គាល់។ យោងតាមរបាយការណ៍សន្ទស្សន៍ប្រព័ន្ធអេកូឡូស៊ីបង្កើតអាជីវកម្មសកលឆ្នាំ ២០២៦ របស់ StartupBlink វៀតណាមបានកើនឡើង ៥ ថ្នាក់ ដោយឈានឡើងមកដល់ចំណាត់ថ្នាក់ទី ៥០ លើពិភពលោក ដែលជាកម្រិតចំណាត់ថ្នាក់ខ្ពស់បំផុតចាប់តាំងពីមុនរហូតមកដល់បច្ចុប្បន្ន។

នេះត្រូវបានចាត់ទុកថាជាសញ្ញាវិជ្ជមានមួយដែលឆ្លុះបញ្ចាំងថា បរិយាកាសនវានុវត្តន៍របស់វៀតណាមកំពុងត្រូវបានកែលម្អកាន់តែល្អប្រសើរឡើងពីមួយថ្ងៃទៅមួយថ្ងៃ ទន្ទឹមនឹងនោះក៏អះអាងនូវប្រសិទ្ធភាពនៃបណ្តាគោលនយោបាយគាំទ្រការបង្កើតអាជីវកម្មច្នៃប្រឌិតនាពេលកន្លងមក។

គិតរំលងកើនរហូតដល់ដាច់ខែឧសភា ឆ្នាំ ២០២៦ ទូទាំងប្រទេសមានសហគ្រាសវិទ្យាសាស្ត្រ និងបច្ចេកវិទ្យាចំនួន ៩៦៣ មានផ្សារជួញដូរវិទ្យាសាស្ត្រ និងបច្ចេកវិទ្យាចំនួន ២០ ព្រមទាំងមជ្ឈមណ្ឌលនវានុវត្តន៍ចំនួន ៣៧ នៅតាមបណ្តាខេត្ត ក្រុង ចំនួន ២៦ ក្នុងចំណោម ៣៤។

នៅក្នុងវិស័យការផ្លាស់ប្តូរឌីជីថល សមាមាត្រនៃសំណុំឯកសារតាមប្រព័ន្ធអនឡាញពេញលេញនៅក្នុងខែនេះ សម្រេចបាន ៥០,២%។ ជាពិសេស សមាមាត្រនៃតម្លៃបន្ថែមនៃសេដ្ឋកិច្ចឌីជីថលនាឆ្នាំ ២០២៥ ត្រូវបានប៉ាន់ប្រមាណថាសម្រេចបាន ១៤,០២% នៃ GDP ដែលសមមូលនឹងប្រមាណ ៧២,១ ប៊ីលីយូនដុល្លារ អាមេរិក ដោយបន្តអះអាងនូវឋានៈកាន់តែមានភាពសំខាន់ឡើងនៃសេដ្ឋកិច្ចឌីជីថលនៅក្នុងខឿនសេដ្ឋកិច្ចជាតិ។

ហេដ្ឋារចនាសម្ព័ន្ធឌីជីថលបន្តអភិវឌ្ឍន៍យ៉ាងខ្លាំងក្លា។ ល្បឿនអ៊ីនធឺណិតប្រកបដោយកម្រិតបញ្ជូនធំចល័តរបស់វៀតណាមសម្រេចបាន ២០៧,៣ Mbps ដោយឈរនៅចំណាត់ថ្នាក់ទី ១១ ក្នុងចំណោម ១០៤ ប្រទេស; ល្បឿនអ៊ីនធឺណិតប្រកបដោយកម្រិតបញ្ជូនធំថេរសម្រេចបាន ២៨៧,៣៣ Mbps ដោយឈរនៅចំណាត់ថ្នាក់ទី ១១ ក្នុងចំណោម ១៥៤ ប្រទេស។ ទូទាំងប្រទេសនាពេលបច្ចុប្បន្ននេះ មានអតិថិជនជាវសេវាចូលប្រើប្រាស់អ៊ីនធឺណិតកម្រិតបញ្ជូនធំចល័តចំនួន ១១០,៥ លាននាក់ ក្នុងនោះមានអតិថិជនជាវសេវា 5G ចំនួន ២៤,២៩ លាននាក់ និងអតិថិជនជាវសេវាអ៊ីនធឺណិតកម្រិតបញ្ជូនធំថេរចំនួន ២៥,៦២ លាននាក់។

ទន្ទឹមនឹងនោះ ចំណូលពីសេវាកម្មប្រៃសណីយ៍នៅក្នុងខែឧសភា ឆ្នាំ ២០២៦ ត្រូវបានប៉ាន់ប្រមាណថាសម្រេចបាន ៨.៥០០ ប៊ីលីយូនដុង ដោយកើនឡើង ៣០% បើធៀបនឹងរយៈពេលដូចគ្នាកាលពីឆ្នាំមុន ដែលឆ្លុះបញ្ចាំងពីការអភិវឌ្ឍយ៉ាងរស់រវើកនៃបណ្តាសេវាកម្មឌីជីថល និងពាណិជ្ជកម្មអេឡិចត្រូនិក។

ការបំពេញលក្ខណៈពេញលេញនៃស្ថាប័ន ការដោះស្រាយចំណុចស្ទះសម្រាប់ការអភិវឌ្ឍ

ទន្ទឹមនឹងការជំរុញបណ្តាសន្ទស្សន៍អភិវឌ្ឍន៍ ក្រសួងវិទ្យាសាស្ត្រ និងបច្ចេកវិទ្យាបន្តកំណត់ថា ការបំពេញលក្ខណៈពេញលេញនៃស្ថាប័ន គឺជាភារកិច្ចស្នូលមួយក្នុងចំណោមភារកិច្ចស្នូលទាំងឡាយ សំដៅធ្វើឱ្យសម្រេចបាននូវបណ្តាគោលដៅនៃសេចក្តីសម្រេចចិត្តលេខ ៥៧។

នៅក្នុងខែឧសភា ឆ្នាំ ២០២៦ ក្រសួងបានធ្វើជាសេនាធិការជូនរដ្ឋាភិបាលដើម្បីប្រកាសដាក់ឱ្យប្រើប្រាស់នូវអនុក្រឹត្យចំនួន ២ និងសេចក្តីសម្រេចចិត្តចំនួន ២; ជូននាយករដ្ឋមន្ត្រីនៃរដ្ឋាភិបាលដើម្បីប្រកាសដាក់ឱ្យប្រើប្រាស់នូវសេចក្តីសម្រេចចិត្តចំនួន ១១ និងប្រកាសដាក់ឱ្យប្រើប្រាស់តាមសមត្ថកិច្ចនូវប្រកាសចំនួន ៤។

បណ្តាគោលនយោបាយផ្តោតលើការបំពេញលក្ខណៈពេញលេញនៃរបៀងគតិយុត្តសម្រាប់បច្ចេកវិទ្យាថ្មី និងបច្ចេកវិទ្យាយុទ្ធសាស្ត្រ; ជំរុញកំណើនសេដ្ឋកិច្ច លើកកម្ពស់សមត្ថភាពប្រកួតប្រជែងជាតិ; បង្កើនការគ្រប់គ្រងរដ្ឋ អភិវឌ្ឍន៍ហេដ្ឋារចនាសម្ព័ន្ធបច្ចេកទេស ទន្ទឹមនឹងនោះធានានូវសុវត្ថិភាព សន្តិសុខ និងការអភិវឌ្ឍប្រកបដោយចីរភាព។

នៅក្នុងខែឧសភា ឆ្នាំ ២០២៦ ក្រសួងវិទ្យាសាស្ត្រ និងបច្ចេកវិទ្យាបានរៀបចំសកម្មភាពជាច្រើន សំដៅជំរុញការដាក់ពង្រាយអនុវត្តប្រកបដោយប្រសិទ្ធភាពនូវសេចក្តីសម្រេចចិត្តលេខ ៥៧-NQ/TW ដោះស្រាយបញ្ហាប្រឈមនានានៅក្នុងការអនុវត្តបណ្តាភារកិច្ចវិទ្យាសាស្ត្រ បច្ចេកវិទ្យា នវានុវត្តន៍ និងការផ្លាស់ប្តូរឌីជីថល។ ទន្ទឹមនឹងនោះ ព្រឹត្តិការណ៍ធំៗជាច្រើនដូចជា ទិវាវិទ្យាសាស្ត្រ បច្ចេកវិទ្យា និងនវានុវត្តន៍វៀតណាម ពិព័រណ៍សៀវភៅវិទ្យាសាស្ត្រនិងបច្ចេកវិទ្យា និងពិព័រណ៍បច្ចេកវិទ្យា Techmart AI 2026 បានរួមចំណែករីករាលដាលស្មារតីនវានុវត្តន៍នៅក្នុងទូទាំងសង្គម។

ទន្ទឹមនឹងការបំពេញលក្ខណៈពេញលេញនៃស្ថាប័នក្នុងប្រទេស ក្រសួងវិទ្យាសាស្ត្រ និងបច្ចេកវិទ្យាបន្តជំរុញខ្លាំងនូវកិច្ចសហប្រតិបត្តិការអន្តរជាតិ ជាពិសេសគឺនៅក្នុងបណ្តាវិស័យបច្ចេកវិទ្យាយុទ្ធសាស្ត្រ ដែលត្រូវបានសេចក្តីសម្រេចចិត្តលេខ ៥៧ កំណត់ថាជាកម្លាំងចលករអភិវឌ្ឍន៍នៅក្នុងដំណាក់កាលថ្មី។

នៅក្នុងខែឧសភា ឆ្នាំ ២០២៦ ក្រសួងវិទ្យាសាស្ត្រ និងបច្ចេកវិទ្យាបន្តជំរុញខ្លាំងនូវកិច្ចសហប្រតិបត្តិការអន្តរជាតិ សំដៅជំរុញការអភិវឌ្ឍបណ្តាវិស័យបច្ចេកវិទ្យាយុទ្ធសាស្ត្រ ដូចជា AI, បន្ទះឈីបពាក់កណ្តាលចម្លង, 6G, បច្ចេកវិទ្យាផ្កាយរណប និងការផ្លាស់ប្តូរឌីជីថល។ តាមរយៈបណ្តាវេទិកា កិច្ចសន្ទនា និងសកម្មភាពថ្នាក់ខ្ពស់ជាមួយឥណ្ឌា ស្រីលង្កា ស៊ុយអែត សិង្ហបុរី សហរដ្ឋអាមេរិក ថៃ និងហ្វីលីពីន ក្រសួងបានបើកទូលាយនូវឱកាសសហប្រតិបត្តិការស្រាវជ្រាវ, នវានុវត្តន៍, ការផ្ទេរប្រគល់បច្ចេកវិទ្យា និងការអភិវឌ្ឍប្រភពធនធានមនុស្សវិទ្យាសាស្ត្របច្ចេកវិទ្យា។

នៅក្នុងខែមិថុនា ឆ្នាំ ២០២៦ ក្រសួងវិទ្យាសាស្ត្រ និងបច្ចេកវិទ្យានឹងបន្តផ្តោតការយកចិត្តទុកដាក់លើការដាក់ពង្រាយអនុវត្តបណ្តាភារកិច្ចតាមសេចក្តីសន្និដ្ឋានរបស់នាយករដ្ឋមន្ត្រីនៃរដ្ឋាភិបាល អំពីការអនុវត្តសេចក្តីសម្រេចចិត្តលេខ ៥៧-NQ/TW និងបណ្តាភារកិច្ចយុទ្ធសាស្ត្រនៃវិស័យ។

ចំណុចស្នូលគឺការបំពេញលក្ខណៈពេញលេញនៃស្ថាប័ន គោលនយោបាយនៅក្នុងបណ្តាវិស័យវិទ្យាសាស្ត្របច្ចេកវិទ្យា, នវានុវត្តន៍, ការផ្លាស់ប្តូរឌីជីថល, បទដ្ឋានរង្វាស់រង្វាល់គុណភាព, ប្រៃសណីយ៍ និងទូរគមនាគមន៍; ទន្ទឹមនឹងនោះ ជំរុញខ្លាំងការអភិវឌ្ឍបណ្តាបច្ចេកវិទ្យាយុទ្ធសាស្ត្រ បង្កើតជាគ្រឹះស្ថានសម្រាប់កំណើនក្នុងរយៈពេលវែង។

ក្រសួងក៏នឹងសិក្សាស្រាវជ្រាវដាក់ពង្រាយអនុវត្តគ្រោងការណ៍រៀបចំរចនាសម្ព័ន្ធឡើងវិញនូវបណ្តាកម្មវិធីវិទ្យាសាស្ត្រ បច្ចេកវិទ្យា និងនវានុវត្តន៍ជាតិ; បំពេញលក្ខណៈពេញលេញនៃគ្រោងការណ៍ផ្សារជួញដូរវិទ្យាសាស្ត្រ និងបច្ចេកវិទ្យាជាតិ; ជូននាយករដ្ឋមន្ត្រីនៃរដ្ឋាភិបាលនូវក្របខ័ណ្ឌស្ថាបត្យកម្មរួមជាតិឌីជីថល រួមជាមួយបណ្តាភារកិច្ចសំខាន់ៗជាច្រើនទៀត។

បណ្តាលទ្ធផលសម្រេចបាននៅក្នុងខែឧសភា បង្ហាញឱ្យឃើញថា សេចក្តីសម្រេចចិត្តលេខ ៥៧-NQ/TW កំពុងបន្តបង្កើតជាកម្លាំងចលករយ៉ាងខ្លាំងក្លាសម្រាប់ការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ និងការផ្លាស់ប្តូរឌីជីថលជាតិ។ ការជំរុញទន្ទឹមគ្នានូវការបំពេញលក្ខណៈពេញលេញនៃស្ថាប័ន, ការអភិវឌ្ឍបច្ចេកវិទ្យាយុទ្ធសាស្ត្រ, ការបើកទូលាយកិច្ចសហប្រតិបត្តិការអន្តរជាតិ និងការបង្កើនហេដ្ឋារចនាសម្ព័ន្ធឌីជីថល កំពុងរួមចំណែកនាំយកវិទ្យាសាស្ត្រ និងបច្ចេកវិទ្យាក្លាយទៅជាកម្លាំងចលករដ៏សំខាន់សម្រាប់កំណើនលឿននិងប្រកបដោយចីរភាពរបស់ប្រទេសជាតិនៅក្នុងដំណាក់កាលថ្មី៕

ស្តង់ដារជាតិចំនួន ៥៣ បន្ថែមទៀតសម្រាប់វិទ្យាសាស្ត្រ បច្ចេកវិទ្យា និងការផ្លាស់ប្តូរឌីជីថលនឹងត្រូវចេញផ្សាយ យុគសម័យ - នៅក្នុងបរិបទនៃការផ្លាស់ប្តូរឌីជីថល និងការអភិវឌ្ឍវិទ្យាសាស្ត្រ បច្ចេកវិទ្យា និងនវានុវត្តន៍ ដែលកំពុងដើរតួនាទីយ៉ាងសំខាន់កាន់តែខ្លាំងឡើង ក្រសួងវិទ្យាសាស្ត្រ និងបច្ចេកវិទ្យាកំពុងពន្លឿនការកែលម្អស្តង់ដារបច្ចេកទេស និងបទប្បញ្ញត្តិ ដើម្បីបង្កើតមូលដ្ឋានគ្រឹះសម្រាប់ការអភិវឌ្ឍសេដ្ឋកិច្ច-សង្គម។

សេចក្តីសម្រេចលេខ ៥៧ និង ៦៨៖ សហគ្រាសឯកជនមានឱកាសទម្លាយខ្លួននៅក្នុងយុគសម័យឌីជីថល យុគសម័យ - សេចក្តីសម្រេចលេខ 57-NQ/TW និង 68-NQ/TW របស់ការិយាល័យនយោបាយកំពុងបើកឱកាសអភិវឌ្ឍន៍ថ្មីមួយសម្រាប់សហគ្រាសឯកជន ដែលក្នុងនោះវិទ្យាសាស្ត្រ បច្ចេកវិទ្យា នវានុវត្តន៍ និងការផ្លាស់ប្តូរឌីជីថលត្រូវបានកំណត់ថាជាកត្តាជំរុញដ៏សំខាន់សម្រាប់កំណើនយ៉ាងឆាប់រហ័ស និងប្រកបដោយចីរភាព។

ឌឹកអាញ់