យុគសម័យ - ក្នុងការឆ្លើយតបនឹងបទសម្ភាសន៍ជាមួយអ្នកយកព័ត៌មាននៃទីភ្នាក់ងារសារព័ត៌មានវៀតណាម (TTXVN) ប្រចាំនៅទីក្រុងម៉ូស្គូ លោក Grigory Trofimchuk អ្នកជំនាញរុស្ស៊ីខាងបញ្ហាទំនាក់ទំនងអន្តរជាតិ បានលើកឡើងការវាយតម្លៃថា ក្នុងបរិបទអន្តរជាតិបច្ចុប្បន្ន ឋានៈរបស់វៀតណាមនៅក្នុងសមាគមប្រជាជាតិអាស៊ីអាគ្នេយ៍ (អាស៊ាន) គឺជាកូនសោដើម្បីរក្សាភាពតុល្យភាពនៃតំបន់ទាំងមូល។
| វៀតណាមគឺជា «មេដែក» ទាក់ទាញ ក្រុមហ៊ុនយក្ស បច្ចេកវិទ្យា semiconductor មកស្វែងរកអ្នកមានទេពកោសល្យ វៀតណាមគឺជា “ផ្កាយរះ” មួយនៅក្នុងវិស័យចាប់ផ្តើមអាជីវកម្មនៅអាស៊ីអាគ្នេយ៍ |
 |
| វៀតណាមគឺជា "កូនសោ" ដើម្បីរក្សាភាពតុល្យភាពនៃតំបន់អាស៊ានទាំងមូល |
បើតាមលោក Trofimchuk នៅពេលឈានចូលដល់យុគសម័យថ្មី អាស៊ានបានឈានហួសពីកម្រិតនៃអង្គការតំបន់មួយ ដើម្បីបញ្ជាក់ពីឋានៈជាដៃគូយុទ្ធសាស្ត្រឈានមុខគេ ដោយទទួលបានការយកចិត្តទុកដាក់ជាពិសេសពីបណ្តាមហាអំណាចដូចជា សហរដ្ឋអាមេរិក ចិន រុស្ស៊ី ជប៉ុន និងសហភាពអឺរ៉ុប (EU)។ ប្លុកនេះនាពេលបច្ចុប្បន្ន ត្រូវបានទទួលស្គាល់ថាជាអ្នកដឹកនាំ និងជាកម្លាំងចលករក្នុងការជំរុញបណ្តាគំនិតច្នៃប្រឌិត និងបច្ចេកវិទ្យាទំនើបៗ។
នៅក្នុងផ្ទាំងទស្សនីយភាពរួមនោះ វៀតណាមបានលេចធ្លោឡើងដូចជាចំណុចភ្លឺមួយនៃស្ថិរភាព ដោយបានរក្សាយ៉ាងប៉ិនប្រសប់នូវខ្សែបន្ទាត់នយោបាយការបរទេសប្រកបដោយតុល្យភាព និងម្ចាស់ការជំរុញកិច្ចសហប្រតិបត្តិការដីគូពហុភាគី។ បណ្តាប្រទេសដូចជាវៀតណាម គឺជាកូនសោដើម្បីរក្សាភាពតុល្យភាពនៃតំបន់ទាំងមូល។ នេះក៏ជាគោលដៅយុទ្ធសាស្ត្ររួមមួយរបស់អាស៊ានផងដែរ។ ហេតុដូច្នេះហើយ បើតាមអ្នកជំនាញរុស្ស៊ី វត្តមានរបស់នាយករដ្ឋមន្ត្រី លោក Le Minh Hung នៅក្នុងវេទិកាអាស៊ាន - រុស្ស៊ី នាពេលកន្លងទៅ គឺជាភស្តុតាងយ៉ាងច្បាស់លាស់សម្រាប់កម្ពស់ និងឥទ្ធិពលរបស់វៀតណាមនៅលើឆាកអន្តរជាតិ។
លោក Trofimchuk បានវាយតម្លៃថា ទោះបីជាមានការឡើងចុះនៃខឿនសេដ្ឋកិច្ចសកលលោកក៏ដោយ ក៏រចនាសម្ព័ន្ធ និងម៉ាកសញ្ញារបស់អាស៊ានកំពុងតែក្លាយទៅជាមានស្ថិរភាព លេចធ្លោ និងមានសារៈសំខាន់ មិនត្រឹមតែនៅក្នុងតំបន់អាស៊ីអាគ្នេយ៍ប៉ុណ្ណោះទេ ប៉ុន្តែថែមទាំងនៅលើទូទាំងពិភពលោកទៀតផង។ អាស៊ានដំណើរការទៅមុខយ៉ាងរលូន និងមានសង្វាក់ប្រទាក់ក្រឡាគ្នាយ៉ាងល្អដូចជាម៉ាស៊ីនមួយគ្រឿង។ បណ្តាប្រទេសជាសមាជិកនៃអង្គការនេះ ដែលក្នុងនោះវៀតណាមគឺជាកម្លាំងចលករចម្បងមួយ បានរួមចំណែកយ៉ាងដាច់ខាតទៅក្នុងជោគជ័យនេះ។
បណ្តាអ្នកជំនាញរុស្ស៊ីតែងតែវាយតម្លៃថា វៀតណាមសង្កត់ធ្ងន់លើកិច្ចសហប្រតិបត្តិការយុទ្ធសាស្ត្រជាក់ស្តែង និងយូរអង្វែងជាមួយដៃគូនីមួយៗ។ ប្រទេសជាច្រើនអាចសិក្សាស្វែងយល់ពីបទពិសោធន៍កិច្ចការបរទេសរបស់វៀតណាម ជាពិសេសគឺនៅក្នុងរបៀបវារៈតម្រង់ទិសដៅក្នុងបរិបទភូមិសាស្ត្រនយោបាយដ៏ស្មុគស្មាញ ក្នុងពេលដែលនៅតែរក្សាបាននូវជំហរដាច់ខាត ដើម្បីការពារសន្តិភាព និងសេចក្តីសុខក្សេមក្សាន្តសម្រាប់ប្រជាជនទាំងមូល៕
មតិពីមិត្តអ្នកអាន