ស្ថិតនៅកម្ពស់ ១,២០០ ម៉ែត្រពីនីវ៉ូទឹកសមុទ្រ ឃុំ Hong Thai ស្រុក Na Hang ខេត្ត Tuyen Quang ត្រូវបានគ្របដណ្តប់ដោយពពកពេញមួយឆ្នាំ។ ដូច្នេះ មុននឹងឈានចូលដល់ការកសាងជនបទថ្មី ឃុំ Hong Thai សម្រេចបានលក្ខណៈវិនិច្ឆ័យតែមួយនោះគឺការការពារជាតិ និងសន្តិសុខ។ ទោះបីជាយ៉ាងណាក៏ដោយ ដោយការខិតខំប្រឹងប្រែងរបស់អាជ្ញាធរ និងប្រជាជន ឃុំ Hong Thai បានឈានទៅដល់គោលដៅនៃតំបន់ជនបទថ្មី ដោយហេតុនេះ លើកកម្ពស់គុណភាពជីវភាពរស់នៅរបស់ប្រជាជន។
ភូមិវប្បធម៌ជនជាតិ Mong - ផ្ការីកស្គុះស្គាយនៅជើងភ្នំ Ma Pi Leng |
អត្តសញ្ញាណវប្បធម៌ពីឧបករណ៍ភ្លេងប្រពៃណីរបស់ជនជាតិ Mong ភាគពាយ័ព្យវៀតណាម |
សូមរំលឹកថា កាលពីដើមឆ្នាំ ២០១៨ នៅពេលដែលវិស្វករមកវាស់វែងដើម្បីសាងសង់ផ្លូវទៅកាន់ភូមិជនជាតិ Mong ទាំងពីរនេះ ពួកគេឃើញថា ផ្លូវនេះចោតពេក ដូច្នេះគ្មានមធ្យោបាយដឹកជញ្ជូនសម្ភារៈ និងម៉ាស៊ីនចូលក្នុងការដ្ឋានសាងសង់នៅឡើយ។ ទោះជាយ៉ាងណា អាជ្ញាធរឃុំ Hong Thai បានជួបប្រជុំជាមួយប្រជាពលរដ្ឋក្នុងភូមិចំនួន ២ ដើម្បីស្វែងរកដំណោះស្រាយ។ បន្ទាប់ពីការពិភាក្សាជាច្រើនរួចមក ប្រជាពលរដ្ឋបានសម្រេចចិត្តប្រើមាស៊ីនដឹកជញ្ជូនបេតុងឡើងលើភ្នំ។ បន្ទាប់ពីកៀងគរខ្សែកាបប្រវែង ២០០ ម៉ែត្រ អ្នកភូមិបានរួបរួមគ្នាដឹកជញ្ជូនថ្ម ខ្សាច់ និងស៊ីម៉ងត៍។ ជាងកន្លះឆ្នាំក្រោយមក ផ្លូវនេះត្រូវបានបញ្ចប់ដោយក្តីរីករាយរបស់អ្នកភូមិ និងអាជ្ញាធរដែនដី។
ផ្លូវទៅឃុំ Hong Thai ត្រូវបានចាក់បេតុង បង្កើតលក្ខខណ្ឌងាយសម្រួលសម្រាប់ការធ្វើដំណើររបស់ប្រជាពលរដ្ឋ |
មិនត្រឹមតែមានផ្លូវថ្មី ផ្សារថ្មីប៉ុណ្ណោះទេ ថែមទាំងហេដ្ឋារចនាសម្ព័ន្ធផ្សេងទៀតដូចជា អគ្គិសនី សាលារៀន មណ្ឌលសុខាភិបាល ក្នុងឃុំ Hong Thai ក៏មានការផ្លាស់ប្តូរទៀតផង នៅពេលសម្រេចបានគោលដៅជនបទថ្មី។ ហេដ្ឋារចនាសម្ព័ន្ធទាំងនេះពិតជាជួយផ្លាស់ប្តូរជីវភាពរស់នៅរបស់ជនជាតិ Mong និង Dao នៅទីនេះ។ អាស្រ័យដោយមានអគ្គិសនី ផ្សារ ផ្លូវធ្វើដំណើរយ៉ាងងាយស្រួល ចំណូលរបស់ប្រជាជននៅទីនេះមានការកើនឡើងគួរឱ្យកត់សម្គាល់ដែរ។ មកទស្សនាសួនផ្លែសារីដ៏ធំល្វឹងល្វើយរបស់លោក Dang Xuan Cuong នៅភូមិ Khau Trang យើងខ្ញុំបានដឹងថា ក្នុងឆ្នាំ ២០០៥ អាស្រ័យដោយមានការណែនាំពីកម្មាភិបាល អ្នកភូមិ Khau Trang បានចាប់ផ្តើមដាំផ្លែសារីលើផ្ទៃដី ២៥ ហិកតា។ បន្ទាប់ពីការថែទាំក្នុងរយៈពេលមួយ សួនផ្លែសារីទាំងនេះបាននាំមកនូវផ្លែឈើផ្អែម។ ប្រាក់ចំណូលពីដើមសារី បានជួយគ្រួសារជាច្រើនមិនត្រឹមតែរួចផុតពីភាពក្រីក្រប៉ុណ្ណោះទេ ថែមទាំងក្លាយជាគ្រួសារដែលមានជីវភាពធូរធារទៀតផង។ ជាឧទាហរណ៍ គ្រួសាររបស់លោក Dang Xuan Cuong រកចំណូលបានជាង ១០០ លានដុងក្នុងមួយឆ្នាំជាមួយនឹងដំណាំពិសេសនេះ។ មកទល់បច្ចុប្បន្ននេះ ប្រជាពលរដ្ឋនៅភូមិ Khau Trang បានបង្កើនផ្ទៃដីដាំដើមសារីរហូតដល់ជិត ៥០ ហិកតារ។
យើងខ្ញុំសប្បាយចិត្តណាស់ចំពោះការផ្លាស់ប្តូរនៅភូមិខ្ពស់ទាំងនេះ ហើយជឿជាក់ថាឃុំ Hong Thai នឹងបន្តរក្សាសមិទ្ធិផលនានាដើម្បីបំផុសគំនិតរួចផុតពីភាពក្រីក្រទៅកាន់តំបន់ជនបទផ្សេងទៀត៕
kh.qdnd.vn
មតិពីមិត្តអ្នកអាន