នាថ្ងៃចុងក្រោយនៃខែទី ១ តាមច័ន្ទគតិជារៀងរាល់ឆ្នាំ ជនជាតិ Mong នៅ "ទ្វារឋានសួគ៌" ក្នុងទឹកដីនៃឃុំ Muong Long ស្រុក Ky Son (ខេត្តNghe An) បានប្រារព្ធពិធីបុណ្យប្រយុទ្ធនឹងក្របី និងគោ។ នេះជាលក្ខណៈវប្បធម៌បង្កប់ដោយអត្តសញ្ញាណប្រពៃណីរបស់ជនជាតិ Mong នៅតំបន់ភ្នំខ្ពស់នៃខេត្ត Nghe An។
អភិរក្ស និងផ្សព្វផ្សាយអត្តសញ្ញាណវប្បធម៌របស់ជនជាតិ Nghe An នៅក្រៅប្រទេស |
មុខម្ហូបពិសេសចំនួន ៤ មុខ របស់ខេត្ត Nghe An មានឈ្មោះនៅក្នុងចំណោមមុខម្ហូបពិសេសនិងអំណោយទាំង ១០០ របស់វៀតណាម |
តាំងពីពេលព្រឹកព្រលឹម ប្រជាជននៅតាមភូមិ ជនជាតិ Mong ក្នុងសំលៀកបំពាក់ចម្រុះពណ៌បាននាំគ្នាទៅ "សង្វៀន" ក្បែរកណ្តាលឃុំ។ គោមួយគូៗត្រូវបានម្ចាស់នាំចូលសង្វៀន ដើម្បីប្រកួត។ គោណាឈ្នះនឹងបន្តទៅជុំបន្ទាប់។ ទីចុងបំផុត គោធំ និងខ្លាំង ២ ក្បាល ដែលយកឈ្នះលើគូប្រកួត នឹងចូលរួមវគ្គផ្តាច់ព្រ័ត្រ។ ខុសពីបុណ្យប្រជល់ក្របី គោប្រជល់ជើងឯកក្នុងបុណ្យប្រជល់គោរបស់ជនជាតិ Mong នៅស្រុក Ky Son គ្មានរង្វាន់ទេ ហើយគេក៏មិនកាប់សម្លាប់វាដែរ។
លោក Mua Ba Gio ប្រធានគណៈកម្មាធិការប្រជាជនឃុំ Huoi Tu បានឲ្យដឹងថា៖ “សម្រាប់ជនជាតិ Mong សត្វគោគឺជាសត្វដែលជិតស្និទ្ធបំផុត វាមាននៅក្នុងបុណ្យសំខាន់ៗ។ នៅពេលដែលនារីជនជាតិ Mong រៀបការ ឪពុកម្តាយតែងតែផ្តល់គោមួយក្បាលជាកេរចៅការស្រី។ ដូច្នេះហើយក្នុងបុណ្យប្រជល់គោ គោណាឈ្នះគេមិនយកទៅកាប់សម្លាប់ទេ ថែមទាំងត្រូវបានប្រជាជនថែទាំ និងចាត់ទុកជាសំណាងល្អ នាំមកនូវលាភសំណាងក្នុងឆ្នាំថ្មី។ បុណ្យប្រជល់គោមិនត្រឹមតែជាបុណ្យប្រពៃណីប៉ុណ្ណោះទេ ថែមទាំងបង្ហាញពីភាពរឹងមាំ សាមគ្គីភាព និងការអភិវឌ្ឍរបស់សហគមន៍ជនជាតិ Mong នៅស្រុកតំបន់ភ្នំ Ky Son ទៀតផង”៕
មតិពីមិត្តអ្នកអាន