កម្ពុជាបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥

សមាគមខ្មែរ-វៀតណាមនៅកម្ពុជា បោះឆ្នោតជ្រើសតាំងគណៈកម្មការប្រតិបត្តិអាណត្តិថ្មី

គ.ជ.ប នឹងចាប់ផ្តើមចុះឈ្មោះអ្នកសង្កេតការណ៍បោះឆ្នោតនៅសប្តាហ៍ក្រោយ

ទីតាំងការិយាល័យបោះឆ្នោតនៅរាជធានីភ្នំពេញបានបើកទ្វារទទួលម្ចាស់ឆ្នោតនៅព្រឹកថ្ងៃទី៥ មិថុនា (រូប​ថត៖ nhandan.com.vn)

យោងតាមគណៈកម្មាធិការជាតិរៀបចំការបោះឆ្នោតកម្ពុជា ទីតាំងការិយាល័យបោះឆ្នោតចំនួន ២៣.៦០២ នៅទូទាំងប្រទេសបានចាប់ផ្តើមបោះឆ្នោតចាប់ពីម៉ោង ៧ ព្រឹក ដល់ម៉ោង ១៥ រសៀល ថ្ងៃទី ៥ ខែមិថុនា ដើម្បីបម្រើម្ចាស់ឆ្នោតចំនួន ៩.២០៥.៦៨១ នាក់ (៨៧.៩៤%) ដែលមានឈ្មោះក្នុងបញ្ជីបោះឆ្នោត ជ្រើសរើសសមាជិកក្រុមប្រឹក្សាឃុំ សង្កាត់អាណត្តិទី៥។

យោងតាមស្ថិតិ បេក្ខជនចំនួន ៨៦.០៩២ នាក់ (ស្រីចំនួន ២៧.៨១៣ នាក់) នៃគណបក្សនយោបាយចំនួន ១៧ នៅកម្ពុជា ប្រកួតប្រជែងដណ្តើមយកអាសនៈចំនួន ១១.៦២២ នៅក្នុងក្រុមប្រឹក្សា ឃុំ និងសង្កាត់ចំនួន ១.៦៥២ ។

ម្ចាស់ឆ្នោតជ្រើសរើសសមាជិកក្រុមប្រឹក្សាឃុំ សង្កាត់ អាណត្តិទី៥

សារព័ត៌មានកម្ពុជាបានចុះផ្សាយថា ប្រធានគណបក្សប្រជាជនកម្ពុជា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងលោកជំទាវ នៅព្រឹកថ្ងៃដដែលនេះ បានអញ្ជើញទៅបោះឆ្នោតនៅទីតាំងការិយាល័យបោះឆ្នោតមួយក្នុងក្រុងតាខ្មៅ ខេត្តកណ្តាល។ ប្រព័ន្ធផ្សព្វផ្សាយក៏បានរាយការណ៍ថា ស្ថានការណ៍បោះឆ្នោតនៅទូទាំងប្រទេសបានប្រព្រឹត្តទៅដោយរលូន។

v

ម្ចាស់ឆ្នោតពិនិត្យឈ្មោះនៅក្នុងបញ្ជីបោះឆ្នោត

យោងតាមទិន្នន័យ ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ នៅកម្ពុជា មានការចូលរួមសង្កេតការណ៍ពីអ្នកសង្កេតការណ៍ជាតិ និងអន្ដរជាតិប្រហែល៧៥.០០០នាក់។ គណៈកម្មាធិការជាតិរៀបចំការបោះឆ្នោតកម្ពុជា បានឲ្យដឹងថា អ្នកសារព័ត៌មានក្នុងស្រុក ៧៧៥នាក់ និងបរទេស ៣៩នាក់ បានចុះឈ្មោះដើម្បីយកព័ត៌មានព្រឹត្តិការណ៍នេះ។ ទីភ្នាក់ងារនេះក៏បានរៀបចំទឹកថ្នាំប្រើប្រាស់ក្នុងការបោះឆ្នោតចំនួន ៥០,០០០ ប្រអប់ និងសន្លឹកឆ្នោតចំនួន ១២ លានសន្លឹក និងបុគ្គលិកបំរើការបោះឆ្នោតចំនួន ១៤០,០០០ នាក់៕

kh.qdnd.vn